من احسن الحاجات الى ممكن تدعى بيها لنفسك بجد انك تدعى ربنا ميعلقكش بحد غيره، انك متحتاجش لحد ولا تتحوج الا ليه، ان قلبك يبقى خالى من اى حب ذائل او تعلق بحاجه مش ليك، انك متبقاش ماشى خايف طول الوقت انك تخسر حد معين وميبقاش فى حياتك،عشان كدا ادعى دايما، اللهم لا تعلق قلبى بشئ سواك✌️
كل سنة بتعدي في الكلية بتثبتلي إنها اسوء من اللي قبلها وان كل واحد بتاع مصلحته بس بغض النظر عن الضرر اللي هيقع على غيره مش مهم يولعوا المهم هو ميتضرش 😠
اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد اللهم بارك على محمد وعلى آل محمد كما باركت على إبراهيم وعلى آل إبراهيم إنك حميد مجيد
هناك بعض المعاتيه الحمقى بقالهم يومين عمالين يشيروا جزء من محاضرة للأستاذ الدكتور علي حسيب أستاذ الجراحة وجراحة الأطفال.. كان بيقول فيها إفيه أو ألشة عن ليه تسمية الزمالك بالأسم ده.. طلاب السيستم عارفين جدو علي كويس وعارفين نوعية هزاره.. ولكن المعاتيه إللي بيشتموا فيه بقا! انتم هبل ولا مجانين؟! يشتم ويقولك هنقدم شكوى ويتم طرده من الجامعة وما يدرسش تاني.. إنت عبيط يابني إنت وهو؟ ملعون أبو الأهلي وملعون أبو الزمالك.. كيان إيه يا خيبة منك ليه.. كيان إيه إللي غلط فيه ولازم يتحاسب! ما شفتكش يعني اتحمقت قوي لما النبي صلى الله عليه وسلم إتشتم وقولت كلمتين زي دول! ويقولك بس الإنتماء! إنتماء خيبة عليك وعلى دماغك.. حقيقي أنا بكتب البوست وأنا متعصب جدًا..إنت عارف جدو علي عمل ايه؟ جدو علي مصور شرح الجراحة كله ڤيديوهات في بيته.. وجايب حد يصور ويمنتج وكل ده على نفقته الشخصية ومتاح لكل الطلبة مجانًا.. تقريبًا مفيش طالب طب في مصر غير وشاف المحاضرات دي! بل وكمان الخريجين ومتخصصي الجراحة! جدو علي بيعمل محاضرات للطلبة زيادة.. ومحاضرات بيفهمهم الدنيا ماشية إزاي ويحطلهم السيستم.. و بالمناسبة المحاضرة إللي قال الأفيه فيها كانت نصايح للسنة الجديدة وهحط اللينك بتاعها ف الكومنتات مع حاجات تانيه عظيمه ليه.. مين دكتور في الجامعة بيعمل كده؟! أنا كنت أتمنى والله حد يقولي الكلام ده من سنين مش السنادي بس!جدو علي دكتور شاطر جدًا في مجاله.. وهو لا يرضى إلا أن يكون شاطر.. وبيشجع كل الطلبة على كده..جدو علي كلمة محترم قليلة عليه.. وعلى تعامله مع الناس.. وعلى المساعدات إللي بيعملها لغير القادرين من المرضى..لو سمعت ليه دروس وخطب دينيه مش هتزهق ولا هتمل وهتستفاد جدًا وهو بالنسبالي من أفضل الخطباء الدينين..راجل جمع بين العلم والتفوق والدين والأخلاق وحب الطلبه ليه!وييجي شوية معاتيه يشتموه علشان قال إفيه على الكيان! كيان خيبتك وميلتك.. ملعون أبو الأهلي والزمالك وأي حاجة تافهه ملهاش لازمة.. جزمة أ.د. علي حسيب أفضل منك ومن الأهلي والزمالك..إحنا آسفين يا سيستم.. إحنا آسفين يا جدو علي.. Aly Hassib منقول ✌️
مهم جدا لو حد بيشتكي لك من حاجة إنك تسهل له الأمور و تديله طاقة إيجابية تعينه ع اللي هو فيه .. بشوف ف حياتي ناس كتيير جدا جدا جدا لو انت اشتكيت له من حاجة أو بتفضفض معاه في شئ أيّا كان الشئ دا وليكن مثلا فى أمور الدراسة ممكن تتكلم مع واحد وتقوله الدرس الفلاني صعب ومش عارف أفهمه مثلا ...فتلاقي الشخص دا يرد عليك ويقولك ولا أنا كمان !!! ف كدة صدر لزميله طاقة سلبية وسبب له عجز ويا ليته ما اتكلم معاك للأسف !! لما حد يتكلم معاك يا ريت تبسط له الدنيا حتي لو كانت الدنيا معاك صعبة جدا عشان يحس فعلا إنه بيتكلم مع الشخص الصح وف اللحظة دي هتلاقي ربنا سهل امور كتير أدامك "إن لله عبادا اختصهم بقضاء حوائج الناس....." خليك منهم يقول يحيى بن معاذ: ليكُن حظ أخيك المؤمن منكَ ثلاثًا: إنْ لم تنفعه فلا تضرّه ، وإن لم تُفرحه فلا تغمّه، وإنْ لم تمدحه فلا تذمّه... ومتقلقش مش هياخد رزقك ولا هيتفوق عليك لإنك اديته شوية معلومات .. ولو مش هتفيده متصعبش عليه الدنيا و قوله مش هعرف أفيدك ساعتها هيحس فعلا إنك مش عايز تضره ...كمان الأصعب من كدة إنه يقولك "عارف يا زميلي =التيرم الجاي صعب جدا دا احنا هنتنفخ" أيون هو ليه حضرتك بتصعب المستقبل ف وجه زميلك دا المستقبل ما يعرفهوش غير ربنا ...سبحان من جعل المستقبل مختفيا عن أعيننا وعقولنا لكي نتصوره دائما جميلا ❤
قال الرسول ﷺ : (من استغفر للمؤمنين والمؤمنات ، كتب الله له بكل مؤمن ومؤمنة حسنة)استغفر الله لي ولوالدّي وللمسلمين والمسلمات والمؤمنين والمؤمنات الأحياء منهم و الأموات إلى يوم الدين📚 الراوي: عبادة بن الصامت، صحيح الجامع للشيخ الألباني رحمه الله، صفحة ٦٠٢٦