دكتور حسام عساك بخير يارب 💙.. من غير سبب كدا حابه اقول انك من الناس اللي بكنلها قدر كبير من الاحترام والله ولا أحسبك الا علي خير .. ربنا يثبتك ويزيدك طاعه وصلاح و يوفقك ف أمور دينك ودنياك و يبارك فيك وف والديك ويجزيهما عنك خير الجزاء 🌸 بذكرك ف دعواتي بكل خير والله 🖤
والله يمكن احلى سؤال جالي هنا، اللهم آمين يارب وإياك 🖤 ربنا يعزك يارب ويبارك فيك ويجبر بخاطرك شكرا جدا والله وربنا يجازيك مثل دعواتك وأكثر يارب 🤲🖤
اللهم اجعلها ليلة جابرة للقلوب ، ساترة للعيوب ، ماحية للذنوب ، مفرجة للكروب .. يارب كل الأمنيات تتحقق، وكل الدعوات تستجاب وكل حد نفسه ف حاجة تحصل، ربنا يغفرلنا، ويتجاوز عن سيئاتنا، وخطئنا ف حق نفسنا، و يرزقنا الرضا وحُسن الظن🤲🖤
اللى يحسسك إن خاطرك عنده ولا حاجة حسسوا إنه مالوش لازمة فى حياتك وفوراً خرجُه منها .. اللى ميهتمش لأمرك ويبادلك اهتمامك واحترامك وحُبَّك ، حرام إنك تضيَّع دقيقة من وقتك معاه ، حبّ واسأل واهتم وساند وخليك جدع بس مع الجدعان اللى يقدروا مجهودك وتعبك علشانهم ... محدش بيعمل ويستنى مُقابل بس التقدير حلو وبيجبر الخاطر وأنت خاطرك لو مش غالي عندهُم يبقى أنت واللى بتعملوا علشانهم ولا حاجة .. واللى يحسسك بكده ما ينفعش يكون فى حياتك لأنه هيتعبك نفسياً
لازم نبقى عارفين ان الحالة النفسية للإنسان مش شرط تكون متصلة بمدى إيمانه وقوة يقينه وعلاقته بربنا وبس سيدنا موسى عليه السلام قال "ويضيق صدري" وسيدنا يعقوب بكى حتى " إبيضت عيناه من الحزن " وربنا وصف سيدنا محمد صلي الله عليه وسلم بقوله " فلعلك باخع نفسك على آثارهم" باخع يعني اي: مهلك نفسك من الغم والحزن.. ف لازم مننساش انها دنيا ...وربنا قال "لقد خلقنا الإنسان في كبد"، وإن الراحة والسعاده الأبديه هتكون في الجنه ف دايما نستعين بربنا علي كل إبتلاء ونصبر، وندعي دعاء سيدنا محمد صلي الله عليه وسلم ونقول اللهم إنا نعوذ بك من الهم والحزن والعجز والكسل وغلبة الدين وقهر الرجال
الحقيقة إن احترامك لنفسك مبني بشكل أساسي على اختياراتك .. أنت فين، ومع مين، وبتعمل إيه .. لو بتحترم نفسك هتبعد بيها عن أى مكان مش شبهك، وأى علاقة مش لايقة عليك، وأى وضع مش مناسب .. قراراتك بتثبت إذا كنت بتحترم نفسك ولا لأ
ربنا اصرف عنّا شر عبادك المُتلوّنين والمُنافقين، واكفنا شر الأقربين الحاقدين حاملي الشر لنا في قلوبهم، اللهم حصنّا برحمتك وعفوك وكُن عونًا لنا في دُنيا لا تعين ولا تنصف.. اللهم إنك أنت الناصف العادل وملجأنا الوحيد وسندنا الدائم الذي لا يمل ولا يبخل بعطائه على عباده 🤲