انا مش شيخ ي انون وابعد ما اكون عن المشيخه لو لاني بسمع قرآن ومش بحب الاغاني فدا اي واحد مسلم المفروض كدا ولو بسبب بوستاتي فأنا بحب اللي انشره اخد عليه اجر مش يبقى ذنب جاري لي وعلى فكره كلمة شيخ دي لما حد بيقلهالي بتعصبني
مش فاهم نفسي بنسبة كبيرة ممكن 50% أوقات كتير لما حد بيبقى مزعلني واقول خلاص مش هكلمه ولازم اخد موقف منه واول ما يجي يكلمني بكلمه عادي ولا كان حاجة حصلت ولا بعاتبه حتى ولا اقله اي حاجة وساعات ابقى مبسوط والاقي نفسي اتضايقت من غير سبب كدا انا شخصية متقلبة المزاج
مش عارفه ليه خدت الفكره دي عنك ممكن لأنك مبتتكلمش كتير وبتمشي لوحدك لكن اكتشفت انك عكس ده خالص
دا لاني مش بحب التجمعات الدوشه مش لاني متكبر ولا حاجة الحمد لله ولو تقصد في الجامعة فأنا على طول مع اصحابي ممكن الفترة اللي فاتت دي كنت بقعد لوحدي فعلا لان كان في سوء تفاهم مش اكتر ثانيا لما بكون لوحدي بحس براحة اكبر مش بكون تقيل على حد
في الوقت الحالي اجابتي هتكون نعم للأسف 😥انا محتار جدا شوية اكون مرتاح وواثق جدا أن ربنا مش هيسيبني ولما الأمر يشتد على ببدا اقلق مع اني واثق برضو ان ربنا معاي 💔