أحياناً الغلط بوصّلك للطريق الصح ، والناس الغلط بتعرفك قيمة الناس الصح ، والاختيارات الغلط بتخليك واعي أكتر لما تختار بالمرة الي بعدها ،والأهداف الغلط بتوصلك للأهداف الجوهرية ، والضربة الي بتألمك بتصحيك، والضعف بخليك أكتر صلابة ، والتشتت بخليك تتمسك بحالك أكتر ،الظلام بخليك تشوف النور البعيد الي ما كنت منتبهلو ، والكسر بعرفك طعم تكون قريب من ربنا ، والوحدة بتعرفك قيمة نفسك ..أحياناً أكتر الأشياء الي ممكن تأذينا هي الأشياء الي بتنقذنا ، والأشياء الي بنفكرها نهايتنا بتكون بالحقيقة هي البداية✨
رُبما لستُ إنسانة جيدة في العلاقات و رُبما أقول كلاماً ثقيلاً أحياناً أُخطئ كثيراً أعاند كثيراً لكنّني أحببتُك ، أُحب أنك رفيقي في الحَياة وكأنك مُعجزتي الوحيدة في الدُنيا لا أتخيّل نفسي بدونك ودائماً كُنت أشعُر أنني محظوظة جداً بك رُبما لم أكن أفلح دائماً في التعبير عن مَشاعري لكنك أقرَب لي من أي شيء آخر أنتَ تعرفُني جيداً حتى أنك تعرفُني أكثر من نفسي ..✨
كلنا مُمكن نمرق بفترات نكون مش مناح بسبب أو بدون سبب بهالحالة كتير بقدّر وبترضيني مُحاولات شخص بدو يفرحني وعندي إمتنان لأي محاولة تخفيف شعور مُزعج بحس فيه ولكل محاولة بتغيير مزاجي من قبل شخص مُعيّن عم يعطيني من طاقتوا بلا أي مُقابل حلو شعور إنو في ناس بتحبّك وعم تحتويك ويفكروا فيك هالشي فعلاً بساعد لنصير أحسن بسبب طاقة ناس مُحبّة عم تتقدم إلك بلحظات صعبة وأنت بحاجتها✨🖤
كل يوم الحياة بتأكدلك أنو العلاقات الصحيحة والناجحة بتتمثل بكل شخص ومكان ما بتضطر فيه لبذل مجهود حتى تظهر بصورة لطيفة ومُبهرة العلاقات الناجحة هي الأمان وعدم إحساسك الدائم بالقلق والتشكيك وكأنك بإختبار وممكن بأي لحظة تعاني من الجرح ومرارة الفراق نحن بحاجة الطمأنينة دائماً، ساعتها رح تلاقي كل شي ماشي بسلاسة، وبتكتشف إنك مو بهاد السوء يلي كنت حاسس فيه .. إنك تلاقي شخص يقبلك بكل جروحك، بالشروخ المالية روحك، يتقبّلك ويحبك، يعطيك الثقة والأمان هاد كفيل إنو يخليك مبسوط وخفيف، وكأن كل الأحزان بتهون .♥️
• كتير عبالي ارجع من المدرسة وتكون عم تشتي ، وأوصل اتغدى وادرس وارجع احضر سبيستون جنب الدفاية مع كاسة شاي وسندويشة زعتر محمصة على الدفاية ونام الساعة ٨ تحت شي ٣ حرامات .. ويكون تاني نهار الجمعةسلامًا على أيامٍ كان فيها سلامٌ ✨✨