رأيك ... لما شخص يتقدم لبنت للزواج هل من الضروري ان تسأل عن مصدر رزقه او خلينا نقولو بالعاميه فلوسه من وين حلال او بطريقه غير شرعيه ، او تتجاهل الموضوع المهم عريس وخلاص ..؟ مع العلم انه مجتمعنا اليوم نسي الخُلق والدين الي وصي عليهن صلي الله عليه وسلم وقعد همه الماده بس ومش مهم مصدرها ..
ضروري ايه تسأل لان كنهدا بتاكل مال حرام ف بطنها هي وصغارها
اكيد طبعاً🙄
طبعاً الا الرزق مافيشي بصارة 😕
ربي يباعد علينا ولاد و بنات "الحرام"
تى عادى عادى
وانتي مع المجتمع متلاً نسيتي ولا كيف ؟؟
بنسبة لمصدرها حلال او لا هذه غيبيات
والنوايا هي اللي تخدمنه فعلى نيتكم ترزقون?
لا ضروري تسأل .. هذا شخص بتكمل معاهُ حياتهااا قصدي ضروري اللي يوكل بيه صغاره يكون حلالٌ ..
الاجابه واضحه قصدي 🙄
من حقها اكيد والشئ هذا ضروري ، اني مانرضاش بشخص الا لما نعرف هوا في حد ذاته شن ، ومصدر دخله من وين وهل حلال ولا حرام ، ومستحيل نتجاهل الموضوع هذا
وقت توا مختلف ع وقت زمان ، صح المادة مش أهم شى في الحياة ، لكن أساسية ومن مقومات الحياة ، واني بصراحة مش مستعدة نرضى بشخص ماعنده شئ الا أخلاق ! حتى ربي قالك اسـعى ياعبدى واني معاك
اقل شى شخص داير جهده ومعتمد على نفسه ويخدم باش يحاول يوفر أساسيات الحياة ، ويحاول يوفر مستقبل نظيف ليه ولمرته ولصغاره ويعيشهم في بيئة نظيفة .
