لاه ليه بالعكس بدل ما يتقاتلو عالنت بيتقاتلو وش لوش أحلى 😂😂😍 و ما في تعميم بهالفكرة بس برأيي الشخص المحبوب هوي نفسو ما تغير و اذا ما ضل بيحبو بعد الزواج فما كان بيحبو قبل (التعامل فقط بيتغير شوي)... لهيك لاء.ما بيقتلو ✋
والله سؤالك بدو سردة مرتبة 😂😂😂 بنظري هوي من احلى الاشياء لي بتتقدم بالحياة ... معرفة انو شخص بيعنيلك و بيهتم لامرك كتير و بيحب يضل يحكي معك ... هوي لغة التفاهم المشتركة و ناتجة من طبيعة العاطفة بين اي طرفين و هوي من اقوى دعائم العلاقة الرابطة بينن . - برأيي ما في افعال بحد ذاتا فينا نحصرا بالاهتمام , ما فينا نقول بس كلمات مشاعر او تواصل مستمر او طمأنينة من بعيد لبعيد (هي بتتبع حسب فهم كل طرف للاهتمام شو هوي ) لانو بجوز الشخص مهتم كتير بس غير قادر على الاظهار و التعبير عنو بالشكل الصحيح أو مهتم كتير بس ما بدو يظهر اهتمامو لاسباب في نفسه😅 - بس بالنهاية هيي مزيج من كل هالشغلات و كل موقف و كل وقت الو طبيعة خاصة بنوع الاهتمام .... بجوز يكون خانق من الكترة او خانق من القلة ... بجوز يكون تغليب و كسر على النفس كرمال لا يزعل الطرف التاني بس هاد مع الوقت بيتعب الطرف الاول 😅 -و هون بتصير المسؤولية على التنين سوا انن يقدرو بعض و يفهمو بعض و يعرفو انو كل شخص و الو طبيعة خاصة بالطريقة لي بيحب يهتم فيها بالعالم و كيف العالم بتحب تهتم فيه بالمقابل 😀 - و هيك بتصير الامور واضحة و مريحة بيناتن ✌😁