قلتي بمدونتك راح تكتبين عن الفايلوفاكس حقك وملحقاته .. متى:(؟
انشغلت مرة والله :( وصرت احاول انزل تنسيقاتها في انستقرام دايم ❤️
يسعد صباحك مشاعل، حبيت أسأل عن طبيعة العمل في ريز .. هل بيئة العمل مختلطة دائما؟ وهل رواتبهم تستاهل؟ لأني تخرجت قريب وودي أتوظف معكم، فاتحت الوالد بالموضوع وسألني عن بيئة العمل هناك فقلت أسألك .. شكرا ❤️
ما أعرف ايش قصدك بمختلطة دائماً بس اي شي تحتاجينه تقدرين تتواصلين معنا من خلال الموقع❤️
الزواج شي مهم بس كيف أخليه شي عادي يعني ان جا الحمدلله ماجا مو آخر الدنيا ؟ سؤالي كيف أخلي الزواج شي عادي ومايكون محور حياتي واكبر همي ❤
لانه ببساطة مو اهم شي بحياتك، فيه اشياء ثانية اهم الحين .. طموحة ودراستك وشغلك وأهلك مو بس الولد اللي لازم يكون نفسه وولا تحطين في بالك انه هو سبب السعادة اللي للحين ما صارت لك لانك ما تدرين وش نصيبك.. وتأكدي ان كل شي بوقته حلو، الزواج يعني ارتبط بشخص طول حياتي فيا أما يكون الخيار على قناعات والا بتكون العلاقة فاشلة لمجرد اني تزوجت عشان يقولون اني متزوجة :)
على سبيل المثال لو دوامك مصدر هم وازعاج نفسي لك هل تستمرين في سبيل الحصول عالخبرة ؟؟
يعتمد على حسب نوع الهم، لو هم حقي ضايع او ماني قاعدة اشوف نفسي أتطور لازم اطلع الا في حال كنت مضطرة اخذ خبرة فترة زمنية معينة .. لكن لو كان هم اني اطلع من مساحة راحتي وأتعلم شي جديد لا ابدا .. هذا معناه اني جالسة أتعلم وأستفيد، دامي شباب اشتغل عشان أتعلم والفلوس نجمعها بعدين ;D