- لازم كل فترة من حياتك , وخصوصًا في الوقت اللي بتمر فيه بتحولات , ومنعطفات جديدة , وبتخطي خطوات لمراحل جديدة , بالتزامات جديدة , وأعباء جديدة , تاخد فترة كده تقعد فيها لوحدك . تنعزل بشكل شبه كامل عن الناس , ودوشتهم , تحاول تتفرج على حياتك من بره , وتحسب , أنت كسبت إيه ؟ وخسرت إيه ؟ مكسبك مقارنة بالخسارة كبير ولا صغير ؟ ولا خسايرك كانت أكبر ؟ إيه المطلوب منك في المستقبل , عشان تكمل في طريق نجاحك , أو تطلع من دوامة فشلك , تحققه إزاي بأقل خساير , مين معاك , مين في ضهرك , مين سندك , ومين ضدك , ومين اللي واقفلك بابتسامة في وشه , وإيديه ورا ضهره مخبية السكينة اللي هيدبحك بيهاالعزلة عن البشر , على فترات متقطعة , فرض لا مفر منه :)