قلبها كبير ، احسها تفهم وش اقول يعني ما اشرح لها كثير ، متى مااحتاجها القاها ، طيبة مرة ، جميلة قلباً وقالباً ما شاء الله ❤️❤️ صديقة كسبتها قريب واتمنى احتفظ بصداقتها للابد ❤️
نور اخت رهف الحساسة القوية ❤️❤️ شخص مرح بشوش يحب يقرا كثير احب اشوف يومياتك ب الانستقرام بسيطة واحب هالشي فيك متفائلة بعد ❤️ يمكن احبك كثر رهف الا شوية همهمهمهمهمهمهم "تراها ضحكة" وش بعد وش بعد احسك نشيطة وتحبين تسعدين نفسك واللي حولك احسني امون عليك زي خواتي الصغار ❤️ فيك هذاك الشي اللي يخلي الواحد يسولف معاك براحة تراه شي حلو على فكرة ✋❤️ تحبين الاطلاع ع كل شي ذكية ماشاء الله عليك وقدامك مستقبل جميل ان شاء الله ❤️❤️ وبس .
اللي ينصحني ويقول الصدق بدون ماتهمه ردة فعلي او هل بزعل والا لا وحتى لو زعلت بعدين لاقعدت مع نفسي بعرف انه شخص يحب لي الخير والا ماكان نصحني وبيكبر بعيني وتزيد محبتي له وبعد الاشخاص الايجابيه المتفائلة البشوشة لاني لاقعدت مع شخص اتأثر بالجو المحيط فينا سواء سلبي والا ايجابي واحب الناس اللي تقول اللي ببالها ورايها بكل بساطة بدون تعقيد واحب اللي يقولون جبت لك هالشي لانك تحبينه واحب الناس العاقله الصبوره اللي تحط سبعين عذر لغيرها واحب الناس الخلوقه المؤدبه وبعدين يفصلون ويجيبون العيد واحب كل شخص يخليني ابتسم او بجبرني ابتسم ❤️❤️❤️❤️❤️❤️❤️❤️
انا ريم تخصصي علوم حاسب "برمجه" احب القهوة كأي فرد من عائلتي اعتقد ان الاحترام المتبادل واجب بغض النظر عن مشاعري لك اعتقد ان اللطف في التعامل شيء من الذوق العام ما احب اقرأ كثير او نادرا يعجبني كتاب واكمله للنهاية اجمل كتاب قريته وكان له اثر فيني كتاب "الرحيق المختوم" مااقدر اتخذ قرار بسرعه لازم اتردد قبلها لاني اكره اندم ع قراراتي اكره التغافل ، ادعاء شي مو فيك ، الكذب ، واخوات هالصفات الكريهه قليلة تواصل مع اللي احبهم لكن اذكرهم ادعي لهم دايم ❤️❤️
حاليا انا في فتره اللاشعور او مشاعري متلخبطة لكن شعوري ثابت بهالاشياء : امي وابوي : احبهم لانهم امي وابوي اخواتي : احب انهم دايم جنبي ولو اغلط يصارحوني ويوقفون معاي ❤️❤️ مشاعل : احب انها دايم بشوشه وتهون علي وكيف انها تغير جوي الكئيب لجو سعيد ✨ رهف : بشوشه وتحسن الظن دايم وتشاركني الحلطمه دايم اجيها لا نفّست ✋ بقية البشر اللي حولي : احب ان كل يوم سالفه جديدة بسببكم