موقف من المواقف المحرجه اللى اتعرضت لها وبالتفصيل ؟
اللى انا فاكره حاليا اقرب موقف واحنا قاعدين امبارح مع د ابوبكر القاضى و بنتكلم مع بعض فى حوار جانبى جات سيرة جريدة الفتح فقولت ان رايى انها جريدة سيئة فرد احد الحضور وقال لى ان د ابوبكر رئيس تحريرها هههههههههههههههههههههه
لو جالك واحد وحط مسدس على راسك وقالك ادينى سبب واحد علشان تعيش
هيكون ايه السبب المقنع انه ما يقتلكش ؟؟؟؟؟؟؟؟؟؟؟
بتتعامل ازاى مع الناس الكدابه
بتواجهم بكدبهم ولا تفضل تعرف كل حاجه وتفضل ساكت وتشوفهم وهما بيكدبوا وخلاص ؟
وتكون اجابه مقنعه
الصراحة من الصعب عليا انى اكسر قلب حد و اواجهه بكدبه رغم انه يستحق ذلك واكثر عشان كده بافضل اصدقه او اتظاهر انى مصدقه وانسحب من حياته دون ان يشعر لكن لم الكذب وكلنا لنا اخطاء ولنا عيوب !!
ايه طموحك الأساسي في الحياة يعني ايه اكتر حاجة نفسك فيها
لازم يكون عندك طموح دائم وهو انك تكون راضى عن نفسك فى كل وقت طول ما انت راضى عن نفسك تبقى انت فى الطريق الصح
باحس انك عايش فى دنيا لوحدك صح لا لا
انا مبسوط انك سالت السؤال ده بحاول اكون مثالى فى اغلب الاوقات لكن ده مش كويس و بفضل الله باعرف اتعامل مع طبائع مختلفة من البشر بس مش فى دنيا لواحدى يعنى :)
ليه بحس فيك انك بتحاول تدخل للناس اننا ممكن نتنازل عن حاجه فى الدين مقابل ترغيب الناس فيه وجذب قلوبهم اليك واليه ؟
مممممممممم هو انا لا يمكن اتنازل عن ثابت من توابت الدين والتنازل معناه الانكار مش معناه انى اغلط فيها لكن كل بنى آدم خطاء وخير الخطائين التوابون
دخلت طب ليه ؟
كانت امنيتى من صغرى والحمد لله حققتها وكانت امنية والدىَّ والحمد لله حققتها ولو رجع بيَّ الزمن مرة تانية هادخل طب تانى بس هكون اتعلمت من اخخطائى السنة اللى فاتت