كان جايني عريس من أهلنا ومحترم ومقتدر وكنت مقدمه على وظيفه وانتظرها واهلي وصديقاتي نصحوني بالوظيفه وتوظفت الحمدلله وعمري 25 والحين عمري 37 ولا تزوجت اعرف انه امر الله وقسمه ونصيب ولا اعتراض لكن هل كان اختياري للوظيفه على الزواج غلط رغم خواتي تزوجو كلهم بدون يتوظفون.
لا هذا قسمه ونصيب ابدا ماله علاقه بالوظيقه ولا في العمر
كلها قسمة ونصيب ربي بيرزقك بالوقت المناسب
اكيد الوظيفة اهم لو تزوجتي ولا سمح الله ما صار اتفاق او صار انفصال مردك للوظيفة فا احمد الله
والله ياقلبي امسكي السجاده كل يوم وصلي قيام الليل و الوتر وادعي من كل قلبك ب اللي تبين وان شاء لله الله يرزقك ب اللي تتمنين
ضاع عمرك خلاص
وظيفتك مستقبلك اختي انتي صح .
اولا ذا نصيبك والله الي كاتبه ومقدره
ثانيا يمكن تتزوجين بدون وظيفه يطلع قرونك ويجننك وتتمنين انك على الوظيفه
ف لا تتحسفين على شي
ما عمر الزواج تعارض مع الوظيفة ولا الدراسة
اللي يتعارض هو الانجاب، فتأجيل الانجاب فكرة حلوة الى الاستقرار والاستعداد .. اما الزواج نفسه ما فيه عيب
الحين دورك تسعين لنفسك شوفي التطبيقات مثل اواصر ولا خطابات والله يرزق كل من تمنى
نصيب ومكتوب . بعضهم تزوجت وتمنت ماتزوجت
لعل ربي مخبأ لك رزق اعظم من رزقهم فدايم سبحان الله من يتأخر رزقهم ربي يعطيهم على قد ما صبروا ويكون رزق جميل وعظيم ، ما عليك لا تندمي على قرارك هذا ابداً فمع مرور الايام والسنوات راح تعرفين انه كان هو القرار الافضل لك شوفي ربي ما يسر لك هالموضوع الا لانه خير لك باذن الله
