ههههههههههههههههـ ما بعرف عفكرة معدلي 93.3 يعني تحت الـ 95 و بعرف كمان 3 إسمهم إيمان و معدلهم مو بالتسعين أصلاً - شكلها الظاهرة بس عندكم ، أنا ما لاحظت
مَغرورة ، لإنو زهقت من هاي الجُملة ..ما تحكي عني قبل ما تتعامل معي .. إذا تعاملت معي و لقيت إني مغرورة خُود راحتكـ بالحكي لَتشبع .. بس قبل لاء ما تحكي لإنو بعدها ما فيني أبتسم بوجهكـ وأنا عارفة إنّكـ بتحكي هيكـ !!!!#شبهـ_مقصودة
الله ما بضيع تعب حَد ،، يا اللهـ لما تحكي مع طالب توجيهي وتشوف كيف أعصابو محروقة ،، بتصير مشتهي تخفف عنّو ،، __ اليوم أدركت معنى إنو سنـة وحدة بتختلف فيكـ ،، يمكن اليوم أول مرة بكتب عَن نتيجتي بثقة ،، كم مرة دمعت عيني وَ كم مرة كان في غصة بقلبي وكم مرة إنقهرت خلال هاي السنة من معدلي كُل مشاعري طلعت هلأ فجأة .. علمت حالي كيف أحكي معدلي بإبتسامة بدون ما أتزكر إني كان بدي أفضل وإنو بالمدرسة حصلت عَ أفضل من هيكـ معدل 100 مرة .. إذا ندمت عَشي واحد بحياتي هو عَ بكائي زي المجانين يوم النتائج وَ عإني ما قدرت أضحكـ متلهم من قلبي .. حسيت أحلامي طارت من قدامي لما عرفت معدلي !! حسيت إنو كان أسوء يوم بحياتي .. كنت بتمنى يومها لو يصحلي غواصة أعيش تحت المي سنة زمان ،، ما كان بدي شوف حد و لا أكل ولا أعمل شي وحشرت حالي بالغرفة فترة ،، كانو يقولولي مبروك وأنا أقلهم طيب !! لحد اللي أكلت بهدلة مرتبة من وحدة غالية بقلبي و صحتني من زعلي و أجبرتني ألبس و أضحكـ و أحتفل غصب عني ، اهـ كنت أضحك مجبورة و ما كانو سامحينلي أغيب دقيقة عن عيونهم ! _ بس أنا هلأ مبسوطة كتيـر مو لإنو معدلي ما بيتغير ! لإنو أنا إقتنعت أخيراً إنو هاد الخير لإلي إنو هاد المعدل كتير منيح لإلي و هاي الجامعة اللي كنت مقررة ما أدخلها إنو وجودها بحياتي إشي رائع ،، و تخصصي اللي إخترتو لإنو أفضل الموجود و إخترتو بعقلي مو بقلبي ،، هو أفضل 100 مرة من التخصص اللي كنت بدي أدخلو ( عالأقل بالنسبة إلي ) حالياً من موقعي المفضل .. بقول بكل فخر إنو حصلت ع 93.3 في التوجيهي وإني بأفضل كلية و إني بأفضل تخصص وإني سعيدة جداً فيهم ،، لولا هالمعدل هاد ما كان تقابلت مع أشخاص تعلمت منهم أكتر ما تعلمت بحياتي الماضية كلها .. - هلأ هي فضفة مخربطة كتيـر ، بس هيك فجأة إجى ببالي أكتب بدون ترتيب بدون شي بس بمشاعر !! - هاي أنا بكل بساطة ، بكل شفافية ، بكل حب - #فضفضة #ذكريات #توجيهي #نتائج #دموع
Tbh:امونة حبيبة قلبي ،،، الانسانة اللي كانت اقرب حدا الي ايام المدرسة و البنت اللي شاركتني ب حزني قبل فرحي .،،، بعدتنا الايام عن بعض بس بتضل بقلبي متل ما كانت الله يسعدك و يوفقك و يعطيكي ليرضيكي