مريت بمواقف كثيره في حياتي من جانب علاقاتي الإجتماعيه، صداقاتي وكذا واتخطيتها الحمدلله بنفس راضيه تمام الرضا اقدر اقول اني كسبت صفقتها حتى مع الأشخاص اللي هم خسروني الحمدلله لاحظو هم خسروني مش انا اقدر أقول نضجت عاطفياً حتى وان م كان بشكل تام بس بشكل كبير جداً مرا كثير تتوقعو بعد هذا كلو هأكون فاضيه انو أهدر وقتي زياده عشن اصلّح مسآر اللي مآل او اهدره مع اشخاص قربهم مش قرب و بعدهم مش بعد ! من جواتهم اصلاً يكونو هم أنصار عبارة " نكابر و لا نبادر " همهم يستفزو غيرتي عشن يحسو بالحب اللي جواتي لهم ليه بس كذا هي الدعوه مسابقة مين يطفش مشاعر الثاني اكثر !
انا اقدر احسسك بكامل حبي لك وبشكل فوق ما تتصوره ويطيرك لسابع سما وانت مبسوط معاي و مني كمان وبشكل لا يمت للغيره بأي صله شقد تحبو تنكدو ع انفسكم سيرو واضحين معها عشن نسير واضحين معاكم !!
لمن احكي لشخص انا م اغار انا فعلياً جدياً حرفياً اعنيها حرف حرف حركه حركه شده شده معناتو تشديدي عليها بالقوه هذي يحمل معنى عمييق جداً ؛
" أصحك تستفز غيرتي " فَ لو سمحت لطفاً يعني احترم عمق العباره هذي لا يغرّك طولها لأن مجرد احساسي للحظه انك بتحاول تمس حرمتها خلي في بالك انو انت اللي بتجني ع مكانتك اللي بنيتها جواتي بنفسك لأن مرا ع مرا ع مرا اعااااااف انا اعافك بشكل مقرف كمان حتى لو سعآدتي اشوفها فيك واحسها معك اعااااف لدرجة م كأنك كنت بصفحتي يوم او بعآلمي بـ المرا احرق ماضيك و أهمش حاضرك واستقل هالتهميش فِ حقك كمان لدرجة تندم من نفسك عشن نفسك ع اللحظات اللي ضيعتها ع أمور م تستاهل كل هالجهد الضايع اللي مو بمحله منك و ماله معنى بس سمحت لها تضيع عليك فرص حلوه مرا كثير كنت هتقضيها معي بسلام بدون حركات اللف و الدوران ومسابقة البزران وانت تبغاني من جوات جواتك وعارف حبي لك بس تنكد عليك جوّك وكأنك ماخذ الدعوه مسابقة " سمك وطُعم صياد " !
عشن كذا احب أوصّل لهذي الفئه انتم ايوا انتم اللي اختارو؛ تسقو مشاعري الحلوه اللي جواتي عشانكم او انكم تجنو عليها بالشكل اللي ذكرتو ضمن الحكي هذا كلو راجع منكم لكم " انا وقتي ثمين " .