طيب تنصحينى اشتغل ايه ..يعنى حاجة تكون مناسبة واعرف اذاكر فنفس الوقت
لا والله مش هعرف افيدك أوى ..بس ممكن لو بنت تقفى فى صيدلية تلات ايام فى الأسبوع ... الولد مجالاته كتير ممكن كانوا بيشتغلوا assistant فى عيادة .. الولاد بيشتغوا فى حاجات مالهاش علاقة بالطب اصلا
هو انا مشتغلتش الصراحة بس زمايلى كانوا فعلا كده الاولاد مش البنات .... بس انا كنت بحس أن المذاكرة مع الشغل حاجة صعبة بس زمايلى دول ما شاء الله ربنا يباركلهم تقديرهم احسن منى ...فلو قدرت توفق يبقى كويس كله وارادتك وطبعا دول كانوا بشرى .... زمايلى اللى اسنان أو علاج طبيعى كانوا بيقولوا الدراسة اخف ...عشان كده سألتك ... فلو تقدر توفق فعلا اتوكل على الله وجرب ارتحت والدنيا تمام كمل ربنا معاك أو معاكى ✌?
هو من رأيي بقى حسب شخصيتك ...بتحب تكون جمب اهلك يبقى مش فارقة اصل مش غربة وتعب كمان ... لو مش هتفرق معاك الأهل لا خليك احسن بره ...وبرضه الموضوع يرجعلك شوف انت دلوقتي من غير مدينة الحال احسن ولا لما توفر وقت المواصلات احسن ..
الثانوية اسهل ولا كلية الطب بعيدا عن ضغط ثانوى يعنى انهى اللى الدراسة فيها اسهل من التانية؟
هو انا معايا الدنيا مفرقتش كتير مذاكرة الثانوية زى الكلية ... الثانويه بتفضل طول الوقت تحت ضغط ازاى هلحق وهجيب ولا لا مجموع... اما الكلية لا طبعا بتكون استقريت وانت ومزاجك هتحدد طريقة مذاكرتك وحياتك ..مش لازم تموت نفسك فى المذاكرة ولا لازم تكون مبتفتحش كتاب انت تكون وسط احسن