تهتم فيني وتسويلي الاشياء الي احبها وتخاف عليا و دايما تكلمني وتسأل عني و ما تزعلني ودايما تخليني اضحك ♡
لاتحاول :
تنشب لي في اكلي وانا جيعانه لأني مستحيل اعطيك لقمه وحده ممكن اسوي نفسي حمار وما افهم تلميحاتك بس اهم شي ما ح اعطيك الا اذا كان الاكل كثير وما اقدر اكلو لحالي بس اذا كان على قدي احححلم اعطيك لقمه وحده لانك ح تطلب غيرها ف من البدايه لا تحاول :) ايوا انا شريره
شخص تستمتع وانت ترفع ضغطه :
اي شخص يكون قدامي و انا فايقه ومروقه وشبعانه نوم استمتع وانا ارفع ضغطه وكمان الاطفال متعه لما ترفع ضغطهم بس اهم شي ماتخليهم يبكوا من سماجتك :)
من اللحظات المرعبه :
كل الي في البيت يكونوا نايمين وهدووووء وانا صاحيه لحالي وانزل من الغرفه ابغا اشرب مويه او اجيب شي ويكون ظلام هنا يبدأ الشيطان يوسوس لي احس في احد يطالع فيا و يتهيأ لي انو في اصوات غريبه وبعدين خلاص ابغا ارجع الغرفه امشي بشويش قلك عشان مايعرف اني حاسه انو يطالع فيا مدري هوا شيطان ولا ايش بعدين احس انو عرف افقع ي عمي اففقع ( يعني اجري) واحس انو يجري ورايا وادخل الغرفه واقفل الباب واخاف شويه لا كثير وبعدين خلاص عادي انسى الموضوع وبس في اشياء كثير لحضات رعب بالنسبه ليا بس دا الي بيصير دايما :)
اقتنعت ان :
الحياه بنعيشها مره وحده ليش نزعل ونصير نفسيات ي عمي الي يزعلك طز فيه يروح ويجيك غيره اسعد نفسك بأشياء بسيطه روح كل اكل تحبو سوي اشياء تحبها ماعليك من الناس وكلامهم الفاضي عيش حياتك زي ماتبغا بس لا تنسى الله لاتنسى ان السعاده مع الله قبل كل شي لاتنسى صلاتك لا تنسى اخرتك واعمل لها اشياء تفيدك ساعه لربك ساعه لقلبك♡
اصعب انواع الصبر :
انك تستنى احد يجيب لك اكل وانتا مرا جيعان هنا بالنسبه ليا اصعب انواع الصبر