والدتي هي النموذج في الحنان والأمومة نموذج في الذكاء لدرجة أنها كانت بتحل الفوازير اللي بتستعصى على ابناءها اللي معاهم مؤهلات اللي هما احنا يعني نموذج في التحضر والرقي وانتقاء الألفاظ الراقيه التى لاتجرح القلوب نموذج في التواضع نموذج في الصبر سواء في الصبر علينا أو على مصاعب الحياه وحتى في الصبر على المرض ......... الخ لكن للأسف لم يدم هذا النموذج حتى اتشبع منه افتقدتها من 6 سنوات و3 أشهر ويعلم الله كيف تمر علي الأيام بعدها فالله اسأل أن يجمعني بها في الجنة مع النبيين والصديقين والشهداء والصالحين وحسن أولئك رفيقا
برنامج جميل جدا جدا جدا انا مسمعتش غير حلقه وحده بس 6 دقائق حلقة المدرس المصري اللي كان بيغسل كلى أبكاني والله العظيم برنامج رائع ربنا يجعله في ميزان حسناتهم
وعليكم السلام اهلا بيك .. حاضر لك نصيب من دعائي ان شاء الله .. انت من محافظة ايه
لو سمحت عندي مشكله وياريت تقولو رأيكم
انا مخطوبه وخطيبي كويس جداا معايا بس هو ظروفو الماديه مش اووي والمشكله كمان ان هو هيبقي عليه ديون بعد الجواز عشان هو الي بيجهز نفسو وانا مش عارفه هقدر استحمل بعد الجواز كدا انا هتجوز بعد شهرين
ياريت تفيدوني
بصي أولا انتي لوحدك اللي تحددي هل تقدري تكملي معاه ولا لا لأنك أدرى حد بظروفه الماديه ومستواكي المادي والاجتماعي وهل هتقدري تتأقلمي ع وضعوا ولا لأ بس هقوللك ع كام حاجه كده قبل ما تاخدي قرار زمان ع عهد النبي والصالحين من بعده الوضع المادي مكانشي مقياس ابدا للزواج لدرجة أن كان في يوم من الأيام صحابي كان عايز يتجوز ومكانشي معاه قيمة المهر فالنبي قاله التمس ولا خاتما من حديد برضو مكانشي معاه فكان حافظ بعض من قصار السور فالنبي قاله زوجتكها بما معك معك القرآن الصحابي ده مكانشي معاه حاجه خالص أما بالنسبه لخطيبك فإنتي بتقولي ان هو اللي بيجهز نفسه وده في حد ذاته إنجاز في زمننا ده فكونه بيجهز نفسه فده يأكدلك انه راجل وأدها وأدود وإنه كفيل بإنه يقدر يفتح بيت ويعيشك حياه كريمه ويقدر يسدد الديون اللي عليه دا غير انك بتقولي انه كويس معاكي جدااا يعني الراجل مش مقصر معاكي في حاجه بالرغم من ظروفه دي أهم حاجه يابنت الناس أنه ميكونشي بخيل وواضح من كلامك إن الصفه دي مش موجوده فيه وفي النهايه القرار ليكي
لو إصبحت رئيس وزراء دولة .. إي دولة كانت لمدة يوم واحد ما هي قراراتك التي ستتخذها لمنفعة البلد و الشعب و الثروات؟ ?
أول قرار هاخده هو إني اقعد في منصبي 5 سنوات ??
كل واحد فينا جواه قصة غيرته و من ساعتها و هو مش عارف يرجع طبيعي زي الأول. ?
احكى القصة دى?
وفاة والدتي ربنا يرحمها ويجعل مثواها الجنه
ازاي اعزي حد اول مرة اكلمه من غير ما ازود الوجع ...
البقاء لله أو إنا لله وإنا إليه راجعون
ايه اكتر عيديه فرحتك انهردا??
العزومه اللي كانت عندنا النهارده كان موجود اعمامي وعماتي وبعض من أبنائهم اليوم ده بيبقى أسعد يوم بالنسبالي في رمضان جو عائلي وأسري جميل جداا ربنا يديم هذا الشعور وهذه المحبه
- هل يعتبر الحب حقيقي وصادق بدون أي لقاء فقط افتراضيًا؟
الحب الحقيقي الصادق هو الذي يكون في إطار شرعي الحب الصادق هو إلا تعصي الله فيها أو بسببها ولا تعصي الله فيك أو بسببك الحب الصادق أنك تدخل البيت من بابه وتطلبها من وليها الحب الصادق أن يجمع الله بينكما في الحلال