ممكن نتكلم بذوق ونعمل حساب للعشره والود ونتفاهم ، ممكن منكسرش بخاطر بعض ونعدى يومنا على خير ومحدش يزعل من التانى ، ممكن نتصالح ونضحك ونهلس مع بعض فى كلامنا زى كل يوم ، متقوليش لاء لإنه ممكن ومفيش حاجه صعبه بس إحنا بنكابر خلينا كده لحد ماواحد فينا يسمع إن التانى مات ويقول يارتنى.
على قد ماهو قرار مصيرى بس ساعات بتبعد وإنت مطمن إنك مظلمتش حد ، بتبعد بعد مايفيض بيك أوى ، بتبعد بعد مايتكسر بخاطرك بدل المره ألف ، بتبعد وطاقتك فى البقاء بقت شبه معدومه ، أحياناً البُعد بيريح الطرفين لإن البقاء فى ظل الأذى ماهو إلا هكله نفسيه هتوصلنا إننا نكره بعض فى الأخر.