@lolo34674

αℓαα αℓяєyєs

Ask @lolo34674

Sort by:

LatestTop

space 🌾

Nader950’s Profile Photo❛ليـوريـو⁦⁩⁦⁦❛
أنا أكتر حد عينيه بتتكلم في العالم ، لو مبسوطه هتلاقي عيني واسعه وزاهيه وبتلمع لمعه فرحه كدَه ، لو متضايقه هتلاقي عيني دبلانه ومدمعه رغم اني ممكن مكونش بعيط ، حتى لو عاديه عيني ممكن تحكيلك كل اللي عدى على روحي وشافته ، أنا بحب عيني لأنها الشئ الوحيد اللي بيعرف يعبر عني بكل صدق..
وبحب فكرة العيون وبرائتها وصدقها يعني مثلا لو بتكلم حد تقدر من عينيه تعرف صادق والا لا بيحبك والا لا وعلشان كدا أول ما بحب حد تلقائي اكتر حاجه بحبها فيه عينيه و '' النظرات '' .. أحن طريقه للتواصل بين الناس، النظرات واللي اتقال بالعين مبيتنسيش أبدا.❤️

Related users

سيب حاجة لطيفة هنا ❤

AbdalllahElkholy’s Profile PhotoAbdallah Elkholy
وانت نازل جامعتك الصبح ومتكدّر في المواصلات متنساش إن في ناس بتحلم بس تكمل تعليمها ولكن الظروف مش سامحة. ♥
في ناس نفسها تكمل دراسات عُليا ولكن مش متوفر معاهم مصاريفها.
في ناس نفسها تتعلم بجد، وتسافر، وتقابل ناس تانية، وتتعامل، وتسكن، وتتغرب، وتجرب كل الحاجات اللي انت بتتأفف منها يومياً دي.
متخليش "الاعتياد" على النعمة يعلمّك "الجحود"ْ
اصحى صلي الفجر بنفس رضيّة.
حضّر مج النسكافيه الجميل بتاعك وازازة ماية وسندوتش ف الشنطة.
- البس اجمل وأشيك طقم عندك وانزل من بيتك.
- اول ما تركب مواصلة طلّع تليفونك، وافتح على طول تطبيق أنا مسلم وقول اذكار الصباح واقرأ الورد القرآني.
- تأمل الطريق من الشباك وادعي لأي حد ف سرّك، ادعي للسواق، ادعي للبياع، ادعي لأي حد بادئ يومه بالحلال.
- استحضر نية طلب العلم وانت رايح الكلية، ليك أجر شهيد لو توفاك الله في الطريق بسبب النية دي لوحدها.
- اقعد في المحاضرات باحترامك، احترم الدكتور وانتبه، واجتهد في التحصيل قدر الامكان.
- لما تروح اقرأ أو بيّض المحاضرات، عشان لو معملتش كده يبقى انت بتلعب ومش بتتقي ربنا ف دراستك وفلوس أهلك اللي طافحين فيها دم قلبهم.
انت ف نعمة عظيمة جداً، وحياتك أمنية لناس كتير، قول الحمد لله وخليك سعيد عشان انت محظوظ بجد انك ماشي ف طلب العلم.

View more

سيب حاجة لطيفة هنا ❤

AbdalllahElkholy’s Profile PhotoAbdallah Elkholy
أول مرة اخد بالي من المعني ده ؟
فاكر لما سيدنا يوسُف شاف في المنام رؤية حلوة .. تدل علي الملك والعز وإن الدنيا كلها هتتجمع في إيده وتحت رجله؟.. ساعتها أبوه نصحة مايقولش الرؤية لحد "لا تقصص رؤياك علي إخوتك" حتي إخواته يداريها عنهم عشان محدش يغير منه ويكرهه .. لأن العين ساعات كتير جدا ماتحبش اللي أحسن منها.. حتي ولو في أحلامهم..؟
سيدنا يوسف فعلا مقالش حاجة، ومفيش مخلوق عرف تفاصيل الرؤية غير أبوه وبس، ورغم كده .. إخواته مسابهوش في حاله، ورموه بعيد وحرموه من حضن أبوه سنين طويلة..
الشاهد من كلامي إنك متحاولش تتعب قلبك وتقول ليه غيري بيكرهني؟ .. مع إني عمري ما حسسته إني أحسن منه .. أو عايرته بحاجة ناقصه عنده ، أو حاولت بأي شكل أحرجه أو أجرح مشاعره ؟ .. ماتستغربش ؟ .. في ناس ممكن تداري عنهم سعاتك وإنجازاتك، وغضبك وتقلبات مزاجك، وبرضه هيغيروا منك ومش هيطيقوك، وناس تاني ممكن تبعتر قدامهم كل اللي جواك، وترمي خططك وخطواتك في حِرجهُم، وتيجي عليهم وتزعلهم، وبرضه مش هيتمنولك إلا الخير والتوفيق.. لأن المحبة شيء من عند ربنا، ولغزها مالهوش حل، ومفيش مخلوق واصي أو وسيط فيها.. فمتتعبش قلبك بمين ساب ، ومين باع ، ومين قل بأصله وليه ، وعيش بطبيعتك ومتحاولش تراضي الكل عشان ساعتها هتتخنق وتبقي عديم الحرية لو عشت علي هواهم ومزاجهم ؟ ، وتاقلم مع فكرة إنك بشر ، هتتحب وهتتكره زي ما حصل مع اللي أحسن منك..
احفظ كلمة سيدنا علي بن أبي طالب وماتنسهاش : " لنا قومٌ لو أسقيناهم العسل المُصفَّى ما إزدادوا فينا إلا بُغضًا، ولنا قومٌ لو قطَّعناهم إربًا ما إزدادوا فينا إلا حُبًا "

View more

Space ✨🌌

ahmedanter2001’s Profile Photoأحمَد
بجد أنا مش بستحمل اشوف اى حد مضايق أو ف حاجه مضايقه ببقى عاوزه اعمل اى حاجه تسعده لان ف ناس كل ما الدنيا تبدأ تظبط معاهم تيجى حاجه تقفلهم من الدنيا ف ربنا يسعد ويريح بال كل واحد ياررررب🤍🤍

Space ♥️

ok_omar10’s Profile PhotoDr Omar Khaled
عمرك ما هتقدر تشرح لحد مُعاناتك بالتفصيل ويفهمك بنسبة كبيرة ، بس ممكن من نظرة واحده شخص يفهمك ويقرأ كل اللي جواك لمجرد نظرة ، الحكاية مش حكاية ازاي اتكلم او مخنوق احكي ، الحكاية بالمُختصر إن شخص عن شخص يفرق ..!

Space ♥️

ok_omar10’s Profile PhotoDr Omar Khaled
"الشات أسوأ وسائل التواصل الإنساني.. لا بتسمع نبرة الصوت، ولا طريقة الكلام؛ فبيتحول الحوار لحقل ألغام، والفهم الغلط بيكون هو الغالب في الحوار، خصوصا لو طرف أو طرفي المحادثة متوترين.. نص الخناقات والمشاكل اللي بتحصل بسبب الكلام في الشات، لو اتقال كلامها في الواقع أو حتى في محادثة صوتية، غالبا مش هتحصل.. اتكلموا مع بعض بصوتكم، ويا ريت لو يكون التواصل دايما في الواقع.. التواصل بالكتابة ينفع في الشغل، في إبلاغ أو توصيل معلومة.. إحنا بشر من لحم ودم، مش آلات."

Space..❤️

"كل هموم الدنيا دي تهون بعلاقة واحدة ناجحة في حياتك، سواء بعيلتك أو صديق أو حبيب، مجرد فكرة إن فيه شخص واحد حتى فاهمك وبيشاركك مشاكلك دي كفاية، زي ما قال فؤاد حداد "حمل الليالي خفيف لما يشيلوه إتنين".

Space ♥️

ok_omar10’s Profile PhotoDr Omar Khaled
محدش فيهم شافك و انت قاعد لواحدك بالليل بتعيط ، محدش شاف دموعك على السجاده و انت بتصلي و بتدعي ربنا يريحك من الموضوع إياه ، هما شافوك بس و انت بتضحك ف خلاص اترسم في دماغهم إنك عايش أحلى حياه سعيده ، محدش عارف اللي في الكواليس

SpAce 🤍

ahmedhashemelbekairy’s Profile PhotoAحmd ❤
خد بالك مفيش حاجه بتجى مرة وحده ولا فى حاجة بتمشى straight كل الأحاسيس والتفاصيل فيها ميل مش كل مرة هتبقي مظبوطة ولا ديماً هتوصل للى أنت عايزهُ بسهولة.. وقيس على كلامى ده كل حاجة فى حياتك زى النجاح والتخطى والشغل والحب كل حاجة حرفياً في الدنيا فيها ميل لازم تميل وترجع نقطة الصفر وبعدين توصل ليفيل حلو وهكذا ، بالبلدى كل حاجة هتمرجحك
ولكن أنا عندى مبدأ حلو أسمه
No-one tries and gets zero
محدش بيحاول ويجيب صفر
فـ أوعى تبطل تحاول مش هتوصل للى نفسك فيه من أول مرة بس صدقنى النتيجة هتكون مُرضية ليك جداً طالما أنت بتحاول فـ متبطلش محاولات هتوصل واللهِ .

ًمساحه 💙

MeroEkide’s Profile Photo﮼مريم
عُمري ما عرفت أكون قاسيه علي حد وفي كل مرة بحاول أقسى صوت جوايا يقولي مش انتِ الشخص دا وبرجع ألين وبعدي الموضوع في الحقيقة إحنا قلوبنا ما بتعرفش تقسى .

+ 2 💬 messages

read all

Space ♥️

ok_omar10’s Profile PhotoDr Omar Khaled
لفت نظري جمله بتقول افهمني قبل ما تحبني وفعلا كلنا محتاجين اللي قدامنا يفهمنا مش محتاجين كلام حلو وشات كله قلوب احنا محتاجين حد يفهم خوفنا يستحمل سكوتنا
حد يفهم ملامحنا اللي بتبقي مقفوله وقت الزعل علشان لما يعرف يفهمنا مش هيبقي صعب عليه يحبنا.

Space •🦋•

إحساس حلو قوى لما تلاقى حد ديما أنت دعاء ثابت ف صلاته 🥰 والجمال بقى كمان أنك تلاقى حد بيتصدق عنك ف بناء مسجد هو ف حلوه بعد كده بجد الناس دى بتكون ف قلبى ❤️❤️❤️

Space 💛🌼~

MeroEkide’s Profile Photo﮼مريم
"مكنتش صدفة ان ربنا يختبرك بتجربة صعبة فتصلي وتدعي كتير ان ربنا يهونها عليك ، مكنتش صدفة ان تضيع حاجة منك علشان ربنا كتبلك الاحسن هتكتشفة قدام ، مكنش صدفة لما وقعت في ورطة فكشفلك ناس حواليك خاب ظنك فيهم ، مكنتش صدفة لما تلاقي رسايل بطريقة غير مباشرة تكون طبطبة من ربنا عليك فتعرف انة باعتها ليك علشان يقولك انا معاك بس اصبر ، مكنش صدفة لما دموعك تنزل طول الوقت ومتعرفش تنام من الوجع اللي فقلبك وربنا يهون عليك دي كلها مش صدف دي مواعيد ربنا مقدرها علشان تصبر و تلجألة في عز ضيقتك و تثق انة الوحيد اللي هينجيك ويفرحك ويعوضك خير " ♥️🌏

-🦋🖇️

shurouq88’s Profile Photo❤Shurouq❤شووش❤ ~!
أنت (دكتور، مهندس، صيدلي، معلم، طيّار، أو أي لقب مِهني) في نطاق (فترة دراستك أو مكان دراستك، مكان شغلك، وقت أبحاثك أو مشاريعك) فقط لا غير، لكن مع صحابك، عيلتك، أو حتى في تعاملاتك اليومية مع الناس أنت مجرد إنسان زيك زي أي حد مفيش أي شيئ بيميزك غير مدى إنسانيتك ،أخلاقك، نيتك، وطريقة تعاملك مع الناس.
لو شايف غير كده اسمحلي أقولك إن ده الـ(Ego) مش أكتر.

~space 🌼

MeroEkide’s Profile Photo﮼مريم
- كوباية الشاي اللي اتعملتلك مخصوص.
- الصوره اللي اتلقطت علشان تتبعتلك.
- الأكله اللي اتطبخت علشان تتبسط بيها.
- المكان اللي اتوسعلك تقعد فيه.
- اسم الدلع اللي بيتقالك، والكلمة الحلوة اللي بتتبعتلك.
- العين اللي تبصلك في الزحمة وتهتم بوجودك.
- الحضن اللي ضمك، والوش اللي ابتسملك.
- حتى المنشن اللي اتعملك وكنت ضمن اختيارات غيرك وجيت علي باله.
- = كل ده اسمه اختصاص.. حد اختصك دونًا عن الجميع.. حطك في رُكن وناحية منورة.. دايمًا لامع وليك طَله.. احساس انك تخص إنسان ويهتم بأمرك ومشاعرك.. ده احساس جميل.. يخليك طاير وكأنك متشال من علي الارض شيل.. عاوز تحضن الشجر والبشر.. تلمس النجوم والقمر.. الانسان يبدأ يبدع ويتصالح مع نفسه وتظهر مميزات شخصيته لما يلاقي اللي يهتم بيه ويديله الامان ويرفع من روحه المعنوية ويعلي ثقته في كل تصرفاته.
- مديونين لكل اللي اختصنا وادانا جزء من مشاعره.. ونسأل ربنا يوعدنا باللي يعوضنا عن كل حُزن وكرب وفقد شوفناه وعشناه ويبعد عننا اصحاب القلوب المنافقه

View more

Something you .. 💚🕊️

ssinderely’s Profile Photo❤️ ريحة مطر ❤️
سمعت شيخ قال حاجة عظيمة أوي: أي مُشكلة إنتَ بتمر بيها اعرف إن ربنا سُبحانه وتعالى هو اللي عايزك تُقع في المُشكلة دي لإنه عارف إن في نهاية الأمر في خير ليك؛ مش مُهم تعرف إيه الخير، المُهم تفتكر إن ربنا سُبحانه دايمًا واخد باله منك، المصائب والمتاعب هتمر.. توكل واصبُر.

Space 🌘🖤….

MeroEkide’s Profile Photo﮼مريم
فيه مقولة بتقول :
« Nobody feels for you but yourself »
يعني : " لا أحد يشعر تجاهك سوى نفسك "
أحيانًا.. لا تعرف عائلتك مقدار الصعوبات والضغط الذي تمر به في حياتك !
- ومن هم في العمل لا يعرفون ظروف حياتك ومنزلك..!
- ومن حولك لن يفهموا حجم المسؤوليات الجديدة والقديمة التي تعلو عليك !
- الجميع لا يدركون ما تمر به كل ليلة..! وما يدور بـ بذهنك !
لذلك : « Fight.. take care of yourself »
( عـافـر .. واعتني بنفسك جيدًا .. )
"مفيش حد هيحس بيك ويشيلك غير نفسك" !

"ماذا لو أتاكِ ملتزمًا بصلاته، لا يترك فرضًا، قارئًا للقرآن، محبًا لكِ يدعو الله بكِ في سجوده ." ♥️💍

طيب هو يبقى ف حاجه تانى ده يبقى ف قلبى ❤️😂

Next

Language: English