زواج الاقارب البعض يرى ان افضل زوج للبنت من اقاربها اعمامها اخوالها عماتها خالتها والبعض يقول ابعد عن القريب ترتاح مع الغريب ايهم ترين افضل ربي يسترك دنيا واخره؟
مع نتائج الاختبارات يتوقع البعض من الاهل تقدير خاص فالبعض يطالب ابي نجاحتي ويحدد طلباته ايباد جوال ايفون او سفر او لاب توب او او والبعض ينتظر ان تقدم له الهديه بدون مطالبه والبعض ماينتظر هديه لانه يرى ان النجاح له ولا يبي من احد مكافاءة ايهم انت ربي يحقق امانيك ؟
الزعل والبرطمه تجي وتكون احوال البعض فيها غريبه فيزعل على الكل من حوله لااحد يكلمني والبعض ينفرد بلحاله مايبي يخالط الباقيين والبعض ينفس عن نفسه بشي اما تخريب او نوم او صراخ فكيف احوالك مع الزعل ربي يديم سعدك ؟
مع فترة الاختبارات يبدأ بعض اولياء الامور في عمل اجواء الاختبارات منع الجوالات او الاجهزة او التلفزيون او الالعاب او الزيارات كيف الاجواء حولكم في فترة الاختبارات ربي يوفقكم؟
الشعر تاج جمال البنت فالبعض تهتم به وتحرص على طوله والمحافظة عليه والبعض تقصه بطريقه تشبه الاولاد والبعض مرات طويل ومرات تقصه ومرات تندم على قصه والبعض تتفنن في صبغاته فايهم تعاملك مع شعرك ربي يجملك؟