بس كمان لحتى تكون بالصوره يعني مو القصه قصه تخلف القصه قصه دينا والدين ما حرم الحب بس في طرق للحب مو مشروعه وهي يلي عم تصير والاهل بخافو عبنتون من هل الاشيا انا براي مفهوم التخلف انو نفهم دينا غلط والحب مو حرام ابدا بالعكس وازا الشب مو ناوي الحرام بيروح هو بيحكي مع اهل البنت وهيك بكون كلشي ضمن حدود
اكيد انتي يا صديقتي ما فهمتيني منيح وانا ما عبخلط الدين بالتخلف اكيد هاد شو مو صح انا ئلت كلمة وبامنا تكوني فاهمنتيا انو اذا صبية ناضجة رح تختار صح والشب اكيد بدو فترة بعدا اكيد اذا حبا رح يروح لعند اهلا بس للاسف انو في اغلبية انو من وين عرفتيه طلعتي معو وهيك بجنو بزيادة انا مع الحب الحلال وما بدي اتعمق بموضوع الدين الحب العفوي هو ما غلط ولا دين ولا شي حرمو ولا يمكن لهلمجتمع يحرمو لك ويلي بزعج ابني ييي حب ونحب يا ابني بدنا نفرح فيك وبتكون اختو موجودة يا حرام بتتحسر عحالا انتي لا انتي بكرا بتحبي بعد ما تتزوجي طيب ليش ما هو يحب بعد زواج مصطلحات ومفاهيم خاطئة وكلو غلط بغلط وانا برجع بئول ما عبخلط الدين بالتخلف دينا دين المحبة دين الرحمة دين الاخاء دين العطف والحنان
ما رايك بالفتاة التي تخون ثقة اهلها وتحب شخص وتخرج وتدخل معه واهلها قد ربوها ع الاخلاق وهل عندك مشكله بالزواج من فتاة خانت ثقة اهلها ام ستقول كما خانت اهلها ستخونني؟؟
للاسف هاد الموضوع مشكلة لاغلبية بنات المجتمع خليني احكي عأول شطر من سؤالك بسبب وضع المجتمع ومحافظتو وتعصبو وبسبب تقيد كتير عيل بهالمجتمع ما ممكن يسمحو لصبية انو تتعرف وتحب وهيك مو لانو هنن شايفين هاد شي غلط ممكن هيك بس النسبة الاكبر انو ييي شلون بنتنا عبتمشي مع شب بلكي حدا شافا بلكي بلكي بلكي من حقا الصبية تحب وتنحب بس هية عايشة بمجتمع مقيد حريتا ما عاطيا حريتا فأذا حبت ونحبت يفضل يفضل لو ممكن يساويلا مشكلة انو تصارح اهلا وانو كلشي يصير بعلمن هلأ للاسف اغلبية الاهل ما رح يتقبلو هاد شي بسبب تفكيرن وهاد شي بئدي انو البنت غصبن عنا تحب من ورا ضهر اهلا لك حئا هية انسان الو مشاعر هية انثى بالاخير مشكلة ما ممكن تنحل الا اذا تصلحت عقول البشر ولان المجتمع وحترم مشاعر الانثى وحترما للانثى بحد ذاتا للاسف هاد شي باغلبية مجتمعنا غير موجود اذا صبية ناضجة ما ممكن تغلط لا بس ممكن تحب وتنحب وما اسما خيانة لثقة اهلا هاد شي بالاخير غصبن عنا شطر تاني من سؤال انا ما رح اعتبرا انو خانت ثقة اهلا وما ممكن افكر بهالطريقة موضوع ما بيخلص بكم جملة بدو ايام وسنين ينحكا عنو وتتصلح عقول البشر ويكون في مجال للباب الحوار بين الاهل والولاد وخاصة الحوار بين الاهل والانثى يلي متاخد حقا ومأكول بهالمجتمع انا بحترم كل حدا بيحترم هالمخلوق لانو هو نصف المجتمع وما بصير ما بصير نهائيا نهائيا ها نتبع حلال علينا وحرام عغيرنا الشب بصير والبنت لا طيب ليش اي اسمو شب ما بعيبو شي مصطلحات تخلف المجتمع مصطلحات ادت الى تهور المجتمع اسف كتير للاطالة مع انو عندي كتير حكي بهيك موضوع بتمنى يكون وصل رأيي صح