تعرف انك لو اتجوزت بنت بتشتغل في الغالب مش هتعملك فطار الصبح عشان شغلها ؟ 😁، وهي هتروح تفطر مع زمايلها الصبح ؟
مالك يا صورمو ؟ وانت محترمة ومبتتكشفيش على رجالة في دكتورة بتتعب وبتجتهد ومحترمة اكتر من اهلك هتعالجك وانت في محل ومش حابة ياخد مقاساتك راجل مثلا ومحروجة في بنت بتتعب وتصرف ع نفسها مش كلهم عينتك
اتعرفت على حد كان كويس جدا و محترم و كل حاجه و شافني من صوره الواتس انا كنت مصغره فيها مناخيري يا جماعه لكن في الحقيقه غير دلوقتي انا خايفه من اليوم اللي هيشوفني فيه اعمل ايه🙂🙂🙂🙂🙂
ازاي وصل للواتس قبل ما يشوفك في الحقيقة 😀 طنشي كدا كدا جو السوشيال دا مراهقة مفيش علاقات جد بتتكون
هو لو حد كان معجب و مهتم لفترة مش قصيرة و أنا مكنتش معجبة بيه كنت بعاملة ك شخص عادي و لما بقي مش مهتم و بقي قريب من بنات تانية الموضوع بقي يضايقني مع اني مش معجبة بيه هو ده اسمه انانية ؟
لا خالص هو تعود انه حد مهتم بيكي وفارقة معاه والدليل لو لقيتي بديل هتكنسلي دا تماما
لما باجي أتعامل مع أي ولد معايا في الكلية أو أي مكان مضطرة أتعامل مع الشباب بتكلم بجدية وبنشفان وبلاحظ أنهم مستغربين طريقتي في الوقت نفسه انا دمي خفيف مع صحابي البنات وبحب أهزر وأضحك، بس نظرتهم ليا مخلياني أقول هو أنا اللي بعمله غلط؟
السلام عليكم .. ممكن رأيكم متقدملى عريس عنده ٣٨ سنة شغال فى الكويت واخد دبلوم .. وانا مخلصة ماجستير وبحضر دكتوراه وسنى ٣٤ .. انا مش عارفة اقرر انا معرفش عنه غير كدا وانه شخص بيصلى ومش مدخن وعارف ربنا بس انا محتارة ومش قادرة اقرر ؟؟
لو كان دبلوم وبيشتغل في مصر كنت هتنزلي الشاوت ولا هتهزقيه انه اتجرأ واتقدم 😅 عامة هو مناسب سنا ليكي واقعدي معاه وشوفي تفكيره وشخصيته مناسبة ولا لا وقرري على اساسها