هو لو كنت الاولى على دفعتى واتخرجت وقدمت ماستر وبعدها اتخطبت بقالى ست شهور وجالى التعين فخطيبى قالى مفيش شغل ومستلمتش التعين ودلوقتى جاى يقولى اوقف الماستر لان مش هشتغل وملهوش لازمة😭مع ان ده حلمى سنين ومش عارفه اختار بجد مين
سيبيه طبعا. متضيعيش شغلك وحلمك من ايدك محدش يستاهل ده.
مش بتفتحي ليه؟
بفتح دايما😃
لو معاكي مليون دولار هتعملي بيهم ايه
- مش هنسى حق ربنا فيهم - اخلى بابا وماما يعملو حج - اساعد اخواتي وصحابي واحققلهم ولو جزء بسيط من امنياتهم - اشترى بيت كبير - اشترى عربيه - افتح شركه واكون مديرتها.
اعمل موف اون لعلاقه دامت سنه و نص ازاي وهل الارتباط حل ؟
متفكريش كتير وتعيشي كانك ضحيه حتى لو انتى فعليا كده عشان ده بياخد من نفسيتك كتير، اشغلي نفسك واعرفي انك تستاهلى احسن حاجه فى الدنيا وان ربنا هيعوضك عاجلا او اجلا. الارتباط طبعا مش حل نهائي، هتظلمى نفسك واللى هترتبطي بيه، خدى وقتك ، وبعد كده ارتبطي، بس خدى بالك من كل حاجه ومتتهاونيش فى حق نفسك.