لو معجب بواحدة بس هي مستواها المادي اعلي مني بس انا مكنتش اعرف كده قبل ماحبها وخايف اتقدملها لاترفض ويقولو اني طمعان فيها والكلام ده وللعلم انا اصلا في كلية طب بس المستوي المادي مش كويس اوي..اتقدملها ولا بلاش عشان خايف من الرفض جدا
اعمل استخارة و اتوكل على الله و اتقدملها❤
لو في بنت خطيبها عاقد عليها وهيا منتقبه وحلف عليها تقلع نقاب وطرحه يوم فرح لاما يطلقها وتلبسه تاني بعد فرح ده يبقي ايه مش مفروض راجل يبقي غيور على دينه ولا حصل ايه في الدنيا
هو مش انا كده صح ؟ لما فضلت 23 سنة محافظة على نفسى ودينى وبتعلم علوم شرعية وختمت القرآن واخدت عهد على نفسى ما ادخلش في علاقة مش شرعية بفضل ربنا وكان كل تركيزي على نفسى وتعليمى ووصلت لكلية طبية رغم صعوبة ظروف أهلى ! ولبسى الواسع دايما رغم ان ربنا رزقنى الجمال والقبول ؟ انا كده فعلا معقدة 💔
لا مش معقدة طبعاا و اللى بيقولك كده غيران منك عشان حاسس انك احسن منه ، فكك متسمعيش لحد كبري دماغك و عيشي زي مانتي عايزة و مرتاحة ، ربنا يثبتك
بشتغل ف تخصصى ومش مرتاحه رغم ان راتبي حلو نفسه اغير مجال شغلي او اسيبه بس مش عارفه ارد ع الل بيقولولي امال كنتى قاتله نفسك ٥ سنين كليه ليه
اعملى اللى يريحك ، بس حاولى الاول تحددي هدفك ، يعني عايزة تسيبي الشغل و تعملى ايه بداله ، و يستحسن تفضلي فى شغلك لحد ما تعملى أرضية لنفسك ف المكان اللى عايزة تروحيه .. بس ف الاخر ده قرارك و الناس مش بتسيب حد ف حاله💔🌚
مفيش حب بعد ال 23 اللي لحق لحق..واللي ملحقش خلاص كده بح..!
احلف ؟! ، يعني كده بح ، لا حول ولا قوة الا بالله 😂💔
هل العِشرة مبرر إنك تخليك مع حد بياذيك .؟
لا طبعا ، مفيش مبرر يخليك مع حد بيئذيك عشان انت مش لاقي نفسيتك فى الشارع
الواحد عمل ذنوب ف حياته لدرجه ان هو حاسس عمر ما ربنا هيغفرله
مفيش حاجة اسمها كده، باب التوبة مفتوح دايما ، المهم الانسان يكون صادق فى توبته
مثبتة شات حد واتس
Never
خطيبي بقوله عاوزه انتقب مش راضي أقنعه ازاي 😔
متقنعيهوش، مش محتاجة اصلا تاخدي رأيه ، مش عاجبه خلاص سيبيه .. الشيخ قال قبل كده لو انتى متبعة مثلا مذهب بيقول ان النقاب فرض و جوزك عكسك اعملى اللى انتى عايزاه و البسيه .. طب لو العكس بقا جوزك متبع مذهب انه النقاب فرض و انتى مش على مذهب يعني عادي مسلمة بس مش عارفة حوار المذاهب ده اوى ، تلبسي النقاب عشان انتى على مذهب جوزك .. طب انتى بقا على مذهب النقاب فيه مش فرض و هو على مذهب النقاب فيه فرض ، لا هنا بقا متلبسيهوش لو مش عايزة .. إنما خطيبك ده محدش جاب سيرته ، لسه خطيبك و مش مناسب فى حاجة نشوف غيره ، سهلة اهي 😂❤
اقتراح لاكتر فيلم حلو شوفته ؟ مش عربي يااريت😂❤ السؤال اللي نزلته من شوية اتمسح معرفش ليه
مساء الخير
أنت إنسان جميل.. بتحاول كل يوم تكون أحسن.. بتحاول تحل مشاكلك.. بتحاول متأذيش حد..
محاولاتك مش شرط تكون ناجحة ولكنها صادقة..
وده أكبر دليل على إنك جميل.. خليك مصدق ده ومتستناش تشوفه في عين حد..
يومك حلو 🤍
خطوبة و هتلبسي دبلة و كده ، يستحسن يكون فستان إنما لو قراية فاتحة على الضيق و عيلة بس ممكن تلبسي طقم شيك اعملى اللى يريحك انتى و تحسي انك مرتاحة فيه ❤❤