تبا لكل فتاة أوربية إستغلت حبي من أجل الحصول على الجنسيه العربية
هي من كتر ما الجملة lame وتنحة ضحكت معرفش ليه
ازاي ياجماعه ادعي بحاجه مستحيله ان ربنا يكتبهالي ومش عارفه ادعي بايه او ازاي علشان يستجيب لدعوتي دي ومع ان خوفي بيزيد كل ماادعي علشان مفيش حاجه دعيت بيها ربنا واستجابت بس المره دي واثقه ان ربنا ممكن يستجيب ممكن اعمل ايه بجد علشان ربنا يستجيب دعائي
مساء الخير 💙
افتكر دايما إن ربنا قادر على كل شئ ولا يعجزه شئ 💙
Thank you, I needed that
هل من الصحيح أن تُعامل العلوم المجردة والتطبيقية معاملة الطب من حيث تشارك المنفعة؟ فكما من واجب الطبيب معالجة المريض بغض النظر عن دينه هل من واجب العالم مشاركة ما توصّل إليه من نتائج أو التعاون مع بقية العلماء في مجاله وإن كانوا ملحدين؟
المشاركة منفعة متبادلة يعني بشارك اللي قدامي عشان هو كمان يشاركني معلوماته لانه يمكن معلوماتي تساعدته يوصل لحاجة جديدة فانا هستفيد بالمعلومات ديه وهكذا بقى بس مش ملزمة اشارك حد الا لو بدرِّس الطلبة في جامعة ولا حاجة
انتي فهمتي لكن لاتريدين مواجهة حقيقة انك ممكن تكوني في مجموعة لا مصلحة لك فيها. من كلامك واضح ماشاء الله شارحة كل حاجة 😂
كلامك معناه اني مفهمتش قصدك في الاول ومش عارف الحقيقة ايه الافتراض العجيب والساذج اني مش عايزة اواجه ده فهفترض انه مثلا دخلت كورس مش هستفيد منه حاجة بس دخلته عشان حد من صحابي محتاجه وعايزة اشجعه لمصلحته هو بس اوكي هجاوب بطريقة تانية، مش هينفع الواحد يلتزم بحاجة لوقت طويل ملهوش مصلحة فيها لانه هيكون بيضيع وقت ومجهود ملهوش لازمة حتى ولو لمصلحة حد تاني عزي علي (هيديني احساس بالرضا عن نفسي اني بساعد حد تاني،نوعا ما مصلحة بس مش اوي) لان كدة بتاخد وقت من حياتي ممكن استفيد منه ف حاجة اهم او حتى للراحة يعني والحياة قصيرة لازم استغلها صح حلو كدة؟
مش فاهمة ازاي يبقى فريق عمل او دراسة وميبقاش في مصلحة يعني لو فريق عمل فانا بعمل كدة عشان شغل بيجيبلي فلوس او هيساعدني اطلع ع السلم الوظيفي بتاعي وهيفيدني للمستقبل ف ديه مصلحة شخصية لو دراسة فانا في المجموعة ديه عشان الدرجات حتى لو عاصرة على نفسي كيلو لمون ومش بطيقهم ديه بردو مصلحة شخصية يا اما انا فاهمة سؤالك غلط فلو غلط وضحيلي اكتر
هو السؤال هنا ادرب نفسي ع الصمت ليه؟ ده معناه ان الكلام عملي او عمل لغيري مشكلة او ثرثارة يعني وبقول كلام عشوائي وملهوش لازمة السؤال هيبقى احسن لو اتحول امتى اتكلم وازاي؟ او اصمت امتى واستغل الصمت ده صح ازاي؟
لو انت ﻻزم تقعد تعمل شغل لمدة 7 ساعات ف اليوم لمدة معينة بس ﻻزم بمعنى مفيش هرووب مفيش مجال متشتغلش ال7 ساعات دول وﻻزم تشتغلهم بإتقان ..وانت ف المقابل متعود تشتغل ربع او نص ساعة وتمل اليوم كله ...ايه اسي هتعمله ف الفترة دي (جماعي بس لاشخاص معينة)
انا في العادي ممكن اشتغل تحت ضغط عادي وبتركيز كويس ولمدة كبيرة معنديش مشكلة بقهوة كتير وسهر كتير ومفيش اكل او نوم لمدة تفوق ال26 ساعة بس تبعا للظروف المهببة دلوقتي لازم لازم لازم اخد فواصل او راحة يعني يا اما الشغل مش هيبقى بالاتقان والنتيجة المطلوبين
ديه صورة من كتاب الطب النفسي للدكتور احمد عكاشة وبيشرح فيه مفهوم الشخصية وازاي بتتكون وده شرح مبسط للصورة ان ملامح الشخصية نفسها وتصرفتها مش بتنتقل للابناء عن طريق الوراثة،معظمها بتبقى صفات مكتسبة الاب والام بتربيتهم لاولادهم نقلوها ليهم بطريقة او باخرى واتكونت شخصية الاولاد بالطريقة ديه،بس مثلا لو اب علم ولاده ان الكذب عادي واصبح الكذب طبع عنهم وفي مرة مثلا اتعامل مع حد نصحه واقتنع بفكرة ان الكدب غلط فخلاص السلوك ده اتمسح من سجل افكاره وشخصيته تم اعادة تكوينها بس كون الشخص انطوائي او اجتماعي بيعتمد على تكوين المخ اول حاجة،وطريقة شغله وده اللي بيتم نقله عن طريق الوراثة ومع ذلك ممكن الشخص يكون قوي من برة وبارد جدا من برة ودايما بيعامل الناس بعدوانية والناس شايفاه لا مبالي وبارد ولكنه عايز يتعامل معاهم ويندمج معاهم وحساس جدا وبيهتم جدا بالتفاصيل من جواه فمش دايما تصرفات الفرد مع اللي حواليه بتبين جوانب شخصيته،في دواخل كدة بيتم التعبير عنها بشكل خاطيء مثلا او بالسكوت مثلا بيساء فهمها من الاغلب
كلمة كبيرة جدا وحكم كبير جدا،معتقدتش ان احنا كبشر لينا صلاحية اننا نقتل حد باي مبرر،حتى ولو كان قتل مليون واحد وشرب دمهم،فايا يكن محدش عنده الحق انه ينهي حياة شخص بايديه،فلا مش معاه خالص،احنا اتفه من اننا نحكم على حياة شخص بالنهاية
V for vendetta The beaver The shawshank redemption Inception Eagle eye Wall-e في فيلمين تانيين حلوين بس مش فاكرة اساميهم خليك في اول الاتنين ولو عندك وقت شوف الباقي بس الاتنين اللي في الاول بالنسبالي لازم تتفرج عليهم
هروح المعز الاول بعد منتصف الليل..هجيب كشكول وقلم،هفضل اكتب عن كل شخص شوية،بالتفاصيل..بالذكريات..بكل حاجة هروح الحصري اكل شاورما مع صديقي الصدوق عند اطيب،هنروح ناكل ايس كريم بعدها،ممكن نروح اي مكان في شجر وهدوء نادي بئة اي حاجة كل ده هيخلص ع الساعة 3 اه في الغالب هنتقابل الساعة 6 الصبح ممكن نفطر بعدها في اي كافيه ع العصر ارجع البيت،هقعد مع اهلي،هصلي وادعي ربنا كتير في اخر اليوم هنام بهدوء،لاخر مرة
إذا تم استنساخك، ما هو أول شيء ستطلب من نسختك القيام به؟
القتل الرحيم لكلانا D: ده بعيدا عن ان الفكرة مخيفة جدا،وجود نسخة مني مخيفة بالقدر الكافي اللي يخليني اقتلها..او هي تقتلني او نوصل لاتفاق وننتحر احنا الاتنين.. الاجابة قابلة للتغيير عموما