أنا مش رافضه اتخطب و لا حاجه أنا رافضه الاستعجال مش عايزه اعيش ف عادات و تقاليد ملهاش اساس ولا معنى اتفرضت علينا ..و لمجرد ما أخلص تعليم لازم أتجوز .... هو لا قرآن و لا حديث ولا الدين قال كده اصل هي مش حرب ... لما ألاقي الشخص المناسب الى يتقى ربنا فيا ويعرف قيمتى يكون سندى بعد اهلى يكون يستاهل ان امشى من بيت اهلى وابعد عنهم وانا متاكده انه مش هيخلينى انام زعلانه ف يوم يكون ابويا واخويا و صاحبى و حبيبى اللى مخفش ابان طفله قدامه يتقبلنى ف كل حالاتى وحشه .. حلوه .. تخينه .. رفيعه .. مهتمه بنفسى او اهملتها شويه لفتره يكون ليا حياه ... حد مندمش ان اتجوزته مقولش ف يوم يارتنى ما كنت اختارته لازم يبقى احلى واجمل اختيار ف حياتى ..♥️مش اى حد يقدر و جودي فلازم يكون حد استثنائي .أنا عايشه ف بيت أهلي معززه مكرمه لقيت ال يقدر وجودي ويتقى ربنا فيا هتجوز .... ملقتش أنا بردوا قاعده ف بيت أهلي حقيقي أنا عمري ما بصيت لسن ف الجواز و عايشه بمبدأ الجواز رزق و نصيب و قدر و ساعه ما بيجي وقته بيعمي البصر مهما كنت رافضه الفكره هيجى قدرى وهوافق حتى لو هو مش احلى حد ف الدنيا المهم يكون راجل بمعنى الكلمه راجل اسم و فعل أنا مش ضد الفكره أنا ضد الاستعجال لانه اسوء حاجه بتحصل للبنت محدش بيشيل نتيجه الاستعجال دا غيرها هى الى بتعيش وبتشوف ربنا يرزقني ويرزق كل بنت بالزوج الصالح ♥️
هو اللي بيحب حد بيقعد يتكلم عنه كتير بطريقه مش كويسة؟
كتير بشوف كده هو بيحاول يتعافي منه فبيعمل كدا بيكره ال حواليه منه عشان يصدق ده جواه ، بس ياترى بقي هو كدا بيتعافي منه وبيصدق انه وحش فعلا ، ولا هو اصلا مبيحبوش وبيطلع النقص ال عنده وخلاص