طب بعد ما دخلتي علوم .. حبيتي الكلية ولا زي ما تقولي تأقلمتي عليها و استسلمتي للأمر الواقع ؟ و ايه عيوب و ميزات الكلية دي في وجهة نظرك الشخصية يا آية ؟
حبيتها في سنة تالتة لما أدركت إن المواد دي لازم تتفهم مش مجرد اشوف امتحانات احفظها وادخل بيها وخلاص أو أحفظ المقررات وخلاص و كان السبب الأكبر لدكتورة آمل ويليام لإنها فعلا أحسن دكتورة شوفتها في الكلية أحسن حتى من دكتورة عبير لإنها مكانتش بتحب تنقص الطلبة وبتجيب امتحانات كويسة وفي نفس الوقت كانت بتشرح كويس جدا أنا آه جبت معاها جيد بس يعني شئ لا يذكر بس اتعلمت كتير جدا منها بجد سواء في مجالي أو في المواد بعد كده ، وتاني حد وجهني للنقطة دي هي ندى أحمد ، راضية عن المقررات بنسبة كبيرة زي ما قولتلك بس مش راضية عن النظام .. بشوف الدكاترة يا إما هدفهم يعقدونا كطلبة أحيانا يا إما بيكون هدفهم نفهم كويس بس من غير ما يعرفونا لزمة المقرر دا في حياتنا طب مانا مش عارفة لزمته حضرتك يعني كل اللي هتفهمهوني هنساه يعني بتتعب نفسك على الفاضي و دا حصل في المورفولوجي كانت الدكتورة فوق فوق الممتازة وحببتني في المادة والمادة حلوة جدا بس مكنتش عارفة لزمة المقرر في حياتي علشان كده بمجرد ما خلصت المادة نسيت معظمها
وفيه نوع دكاترة مبيشرحش حاجة لإنه مبيعرفش يشرح و دول نوعية بكرهها جدا .. لما حاولوا الدكاترة يغيروا النظام شوية ويقللوا تكرار الإمتحانات وغيروا الدكاترة اللي بتنزل نفس المواد لقيته أغبى مشروع حصل جدا لإن
Guess what ?
الدكاترة استمروا بنفس النظام اللي ماشيين عليه الا من رحم ربي وفوق دا امتحانات صعبة لإن لو حطوا امتحانات سهلة مش هيفرقوا بين الطالب اللي مذاكر واللي مش مذاكر لكن لما يدوا الكل مقبول وجيد ويشيلوهم لأ كده فرقوا وكويس ، وأقصد بالجملة دي دكتور البارا
أميرة آسفة حبيت أرغي جدا معرفش اصلا جاوبت سؤالك ولا لأ بس إندمجت ?
وفيه نوع دكاترة مبيشرحش حاجة لإنه مبيعرفش يشرح و دول نوعية بكرهها جدا .. لما حاولوا الدكاترة يغيروا النظام شوية ويقللوا تكرار الإمتحانات وغيروا الدكاترة اللي بتنزل نفس المواد لقيته أغبى مشروع حصل جدا لإن
Guess what ?
الدكاترة استمروا بنفس النظام اللي ماشيين عليه الا من رحم ربي وفوق دا امتحانات صعبة لإن لو حطوا امتحانات سهلة مش هيفرقوا بين الطالب اللي مذاكر واللي مش مذاكر لكن لما يدوا الكل مقبول وجيد ويشيلوهم لأ كده فرقوا وكويس ، وأقصد بالجملة دي دكتور البارا
أميرة آسفة حبيت أرغي جدا معرفش اصلا جاوبت سؤالك ولا لأ بس إندمجت ?
Liked by:
Noody
