@lulu00963

lulu alshalabi

Ask me anything Follow
Ask @lulu00963

Sort by:

LatestTop

لمسائگ🎼

Yosha_309’s Profile Photo~غْدَّقْ الَمَّطَرَ~
كنت اركض مبتعدة، بينما كنت اقف و اتتبع ظهري يبتعد.
ظللت اركض الى ان تأكدت أنني إن إلتفت فلن اراني خلفي، و كنت هنالك حيث اقف بدأت اشعر بالوحدة و خنقتني مشاعري و ذاكرتي الاخيره عني، حيث اني لم التفت لي ابدا.
عندها التفت، ولكنني لم اراني لانني كنت قد ابتعدت، ثم ركبت قطاري و ما زلت انظر خلفي متاكده بانني كنت اقف في مكان ما من هذه القبلة، رأيت القطار يغلق ابوابه و يرحل، كنت انظر ولا اعرف ما علي ان افعل، هل اركض خلفه؟ هل علي ان اعود ادراجي و اداوي جراحي بمفردي؟
ثم جلست الى كرسي القطار، لم تهطل دموعي كما كانت منذ لحظات، افكاري مشوشه ولا احد في هذا القطار غيري الان.
اها! أهكذا اذا؟ اتركت كلي يفارق كلي و رحلت عني و لم التفت للوراء؟ و تذكرت! أن كلي لدي، وكلي لديه، و كلي مشتاق لكلي، ولا سبيل اليه.
11 aug 2022
4
Liked by: BaraOo ♡ Saeed Hamwi Wael somakia ~غْدَّقْ الَمَّطَرَ~

Related users

Yosha_309’s Profile Photo ~غْدَّقْ الَمَّطَرَ~
baraaalzeen’s Profile Photo BaraOo ♡
saeed_hamwi212’s Profile Photo Saeed Hamwi
waelsomakia’s Profile Photo Wael somakia
AntonioSanabia’s Profile Photo tony rodriguez
Hartums’s Profile Photo Hartums
litllelamb’s Profile Photo litllelamb
bobble3361’s Profile Photo bobble3361
D7DoOo7e’s Profile Photo عبدالرحمن الدوسري| شايب الأسك
ratwan2012’s Profile Photo 187 ღ
abalganikallab’s Profile Photo abdulghani

Det bästa som har hänt på senaste?

CoolMax002ish’s Profile PhotoOlivia Wagndal Berg
اليوم من اهم ايام حياتي و لازم عنجد اكتب عنو متل ما كتبت هداك اليوم… اليوم رجعت.. عنواني.
اليوم رجعت اطتي، مبارح ع الفجر ضاعت و اهلي ما خبروني، لما رجعت ع الضهر لئيتا مو موجوده البنا الدنيا عليها.. ما بكيت متل هالبكا من يوم ما سافر.. ما تركت لا شارع ولا جار ولا مكان ما دورت فيه.. و ضليت عن انطرا ترجع لسبب او بلا سبب، الساعه تنتين بالليل بعتلي واحد صورتا و حكالي انو هيه ع درج بنايتو ما عم ترضى تاكل.. لئيتا مكسوره رجليها و مشئوئ وشا! وائعه من الشباك من الطابئ التاني، و اول بنايه شافت بابا مفتوح دخلت عليها و طلعت ع الطابئ التاني🥺
بس اطتي رجعت! بنت البي، انا و امي و اختا بكينا على رجعتا من فرحتنا اكتر من زعلنا ع روحتا ❤️❤️❤️
نايمه جنبي هلا و ماسكه ايدي.. كل شوي بتئوم بتصدلا ناموسه او تنتين و بترجع بتتسطح جنبي.. عم تغمض عينا بتعب كانو كانت عم تصيد غزلان!😂
اليوم ماريا رجعت من السفر، جايبتلي هدايا و اصص و لئيتا طولانه! عنجد شتئتلا كتير و كنت بسفرا ابعتلا و اشكيلا و تبعتلي، رغم انو هالشي دايما بيصير و نحنا اعدين بنفس الغرفه، بس انا ما انتبهت عليه ابدا الا لما سافرت! لما رجعت فتحتلي الباب و مدت ايدا لتسلم!😂
جينا ع الاخيره؟
اليوم رجعت روحي لمحلا، شفت الدنيا بالوان، حارتنا صارت بعيني الشانزيليزيه و بنايتنا ئصر يلدز، بيتنا احلى بيت و تختي اوسع تخت و انا حلويت وئلب عندي المر حلو و الحلو من عسل الجنه.. هيك بالزبط شفت كل شي كنت مو شايفتو ولئيت لكل شي لون و معنى!
ابل سنه ب 7/7 سافر واخد حلاوه الروح اللي فيني، اللون من عيوني و اللغه من لساني و بالمعنى الحرفي ما كنت شوف اي شي إلو معنى! و اليوم رجع..❤️❤️
عملي ياها بطريئه كتير بشعه😏 عيفني حالي بتلت ايام خلا الدم يتفجر بعروئي اد ما يئهرني ويعصبني، اتاريه ياروح البي ع طريئ السفر و عم يجهزلي ياها🥺 اختو اتصلتلي و ئالتلي جايه شوفك لانو هوي باعتلك بريد، و هي اختو هي الوحيده بالعيله اللي ما شفتا ابدا و اساسا بخاف منا لانو اويه 🌝 الزبده كنت بالباص راجعه من الشغل تيابي بهدله وشوب و اصص، جمعولي رفئاتي عطر و علكه و حمرا و اللي طلع بايدن يطلعوه و نزلت سلم عليها بكامل اناقتي😂 طبعا ما اتصلت عليه ولا خبرتو لاني كنت مئهوره ( متتل ما بعتلي بريد بدون ما يخبرني حاخد البريد بدون ما خبرو🤣)
و هي هيه صدمتي و هي هيه ركدتي و هي هيه نطتي و هي هيه صدمتي و صمتي الطويل و اللي لهاللحظه مو مسدئه اني شفتو بعيني ولمستو بايدي…. موجود اي! و رجع عنجد ع البي ما حيرجع يتركني! تخيلت كل شي بهالكون بس هي ما تخيلتاا ابدا!!
الحمدلله على سلامتي، اهلا و سهلا برجعتي! اليوم بضحك عنجد، اليوم بفرح عنجد، اليوم يومي و جمعتي❤️
اليوم رجعت
23/07/21

View more

-

lulu00963’s Profile Photolulu alshalabi
اسفه للشخص اللي عم يبعت اسك بس اشخاص الاسك ما منن امان. انا ما حرد عليك خصوصي انو حسابك مسكر، واضح انك مو عبود لانو عبود ما بيلفلف و بيدور، و حتى لو كنت عبود ما حرد عليك. وداعا اسك للمره الالف، بجوز ارجع بعد عمر طويل، لما ما يضل في حدا بالاسك مثلا! او لما يسكرو الاب علي.
6
Liked by: tony rodriguez Hartums litllelamb bobble3361 عبدالرحمن الدوسري| شايب الأسك 187 ღ

Skulle du vilja kunna läsa någons tankar? Varför?

Drömde alltid o läsa hans tankar. Men ingen längre! Det är jag som behöver nån som läser mina tankar. Jag behöver någon som tar ut han på nåt sätt. Ingen i världen skulle förstå det.. att han är fortfarande där inne, i hjärnan... och hjärtat.
2
Liked by: أُسامةة الحتاوي Wael somakia

Hello lulu, miss you!

Hello! شو طيب انت، خبرني/يني مين لبادل نفس الشعور ?
10

مساحه ...#

مرحبا
انا ماني منيحه?
..
ما بعرف ازا جايه عبالك تشكرني
بس انا مسحت كل شي
صورك مسحتن.. محادثاتك.. سكريناتك.. مسحت كل شي لانك هيك بتحب.. ولانو هيك اريح لالبي
ما؟
حزير شو مسحت كمان
مسحت كل شي صور!
نون حزري اني مسحت كل الصور؟
كل شي مو يعني كل شي بالمعنى الحرفي بس كل شي تافه كان يهمني
مثلا
صوري عم ئيس
صور اكلك
اسامه
حبيبه مجد المستفزه
مجد بتصرفات غريبه
سامر
براء الزين
اضافر صفاء
جعفر حليوه
انف سارا
مسكاتي عليكي
صلعه عباده
حلائات محمد
حبيبه حمود
اصابع بلال
شعر رجلين فيصل
كل صور السناب
فادي ابن الكلب
حبيبه فادي
دروسي
كل شي حلفتلك امسحو و سحبت
طاولتي رومنسيه
ابن طالب
حبايب راما
اطفال العيله
طول شعري
اشياء جديده
المكان حوالي
كل السكرين شوتس
امم مسحت كل هالاشياء .. اللي بيوم من الايام كانت واو بالنسبه الي و شي مهم للغايه
تخيلي اني مسحت صور بود؟
ما بعرف انا متمسحه ولا صورو لهالدرجه تعبتني؟
تخيلي مسحت صور كتبو ولابتبو و اصبعو المجروح و الئهوه و تيابو بعرس اخوه و اميصو الجديد و جوتي اجاه هديه و علب نوتيلا ايدو مكسوره و هو عم يسوء و اشياء عن دراستو و حكم و نكت و انقلش و تعدد زوجات و و مكالمات طويله و الحديئه بالليل و مخدتو و شباكو.. كل شي عنو مسحت! حتى السواره اللي اطعا كرمالي مسحتا..
بدون ما اتفرج عليهن مره تانيه حددت و مسحت.. بتعرفي شو كان حيصير لو تفرجت عليهن مره.
بيني و بينك حاسه اني مرتاحه من جوا
هو تركني
و انا تركت كل شي
و كل شي تركني
انا و كل شي تركنا بعض
في مورتيسام بالنص.. في حبيبي العصبي كتير اللي فكر تاني مره يحكي كلمه ترك انا حاتخلى بكامل رضاي و ما حابكي عليه
بحبو كتير.. ياليت لو مانو عصبي..
مو لانو هو بيزودا كتييير.. بس صراحه لاني انا بعد كل هالروائ ما بستاهل واحد عصبي..
المهم
بتعرفي شو خليت؟
اممم خليت صورك..و صور الكوبل الحلوين.. صور ولاد خواتي.. و صور شادو
خليت شوي صور لصفاء و سارا .. لانو اغلب صورن يا انف يا رجل
خليت صور مجد الحلوين.. و رسماتنا انا وبلال.. صور لعبود ما ورجيتا لرفئاتي الكلاب
خليت صور مورتيسا يؤبرني.. كل شي عنو خليتو حتى لما صورلي اخوه عم يئطع لحمه
معئول اتغير منال؟ معئول حسيت كل صوري و انا عم اضحك اني كنت سخيفه؟ ايمت حارجع حسلك هداك الاحساس الئوي اللي عنجد فئدتلو؟ عنجد ما بدي اتغير.
ليكي شو.. بلشتا معو و هلا عم حاكيكي انتي.. متل ايام زمان كتير
لا تساليني شو نفسي لانو طلبي صعب... بدي هالوئت يمشي و بس اصحى لائي حالي بعد ست سنين
لا تئليلي شبك لانو ما شبني شي! لو شبني شي كنت حليت مشكلتي بدون مساعده.. ما بيكفيكي اني كتبت هون؟
و ئليلن امانه لا يعاتبوني... لانو ازا حدا عاتبني وحياه الرب لاعملو بلوك.
بحبك ي سنبلتي الدهبيه ?
بود!
سامحني ع البوست اللي ابل بعد ما تقرا هاد لح امسحو
كمان انت بحبك لانك غالي كتير ?
احكيلك شي كنت عم فكر فيه من يومين؟
كنت دايما دايما احلم اني عم موت و اطلب يجيبولي ياه بس انت ما تجي.. و بعدين بس اصحى شوي هيك لسا الحلم شغال زبط اموري و خليك تجي تضمني موت بين ايديك.. مليون مره حلمت هالحلم..كان خوفي من هالدنيا موت بلا ما ضمك ..كنت فكر كتير كتير بالموضوع
هلا فيني موت و انا حامله بالبي خيبه امل كبيره بما اني ما عدت خايفه ابدا لاني متاكده من هالشي
حموت بلا ما ضمك
ما حضمك للابد!

View more

6
1
Liked by: The great somker ️Safa'a. jokar” Hamam Al-afeef abdulghani 187 ღ

-

ليش تركتني؟
ليش ما بئا تفهم انو تركك الي هو اصعب شي بيصرلي بهالحياه؟
ليش ما بدك تفهم انو غيابك بوجع بيئتل ليش؟
انا ما عاد اتحمل افئدك اكتر من هيك انت شي جواتي مانك حدا بحبو.
طيب ما تنطر لحتى انا اطلب منك نوئف؟
ما تنطر يعني شو جاييك؟
لا انا اللي عم ازعجك ولا انا اللي عم ابعتلك ولا انا اللي عم افتحلك سيره بودي ولا انا اللي عم اعمل شي بيدايئك ليش يعني ما تنطر؟
بتعرف اني بفتره صعبه و طلبت منك طلب تكون معي
و حكينا و تناقشنا انو حاطلب منك قريبا نوئف حكي
ليش تتركني و توجعني يا لئيم؟
طيب ع الاقل خدني ع روائ خليني ابكي ع روائ خليني استئبل الفكره ع روائ و ازعل براحتي ليش غدرتني ياخي و انت بتعرف اديه هالموضوع صعب علي؟
اوعك ثم اوعك تبعتلي بعد ما تشوف هي، اوعك تحسسني انك فهمت غلطك بعد ما انا نبهتك عليه، اوعك تعتبر حالك صح كمان و اللي عملتو لمصلحتنا و هالحكي،
حاج تكسرني وبس!
ليش مفكر اني تعودت و ما عاد فارئ معي؟ يعني مين حكالك انو شي حب بهالعالم حينسيني حبك اه؟
حتى لو كنت بودي حتى لو ما كنت بودي حتى لو كنت حميد النجار، انت لابس بودي فيك، انت اول و اخر حلم خسرتو بهالحياه، انت فقدان الثقه و انت فقدان الأمان و انت كل شي كسرني بهالحياه
ليش ما تستنا لحتى انا اتركك و يكون النا نهايه من خاطري بعد كل شي؟
كنا عم نضحك و نلعب.. كنت كتير تعودت عليك و بطلت شي بيوجعني.. كان فيني اتركك و انا مرتاحه تمام.. كان وضعنا كتير حلو ع فكره و علاقتنا مميزه
ليش دايما بتختار الطريئ الصعب اللي يا اما بيكسرك
يا اما بيزكرني؟

View more

6
Liked by: The great somker Hamam Al-afeef 187 ღ ️Safa'a.

• تحـدث ?

بتعرف بودي بدي احكيلك شغلة
ما تفكرني ابدا عم قارن
لانو لو بدي قارن فما عاد عيش شي بحياتي من بعدك و كل المقارنات فيك بتكون خاسرة
بدي احكي لاني عم اتعب وعنجد مالي خلئ لاني اتعب بالمره.. تعبت من التعب و ياخي والله ما عاد بدي اتعب
احكيلك انو دايما كنت فخورة فيك؟
ولا مره كنت خايفة اهلي يدروا عنك ولا كنت خايفه يحكوا لا..
ولا مره خفت الا من انن يفصلونا "بشكل مؤقت" ، و فصلونا مؤبد يا بودي و هنن ما بيعرفوا!..
بس عنجد كنت كتير كتير فخورة فيك و حس انك جبل بضهري مستحيل اني اخجل فيك او وطي راسي
كنت احيانا اتمنى يعرفوا و يشوفوا بس اديه اختياري عزوة و هيبة.. تيعرفوا اني بعرف اختار
كنت كتير متاكده من كل مواصفاتك بالنسبه الن انك متل ما بدن و اكتر
كنت متخيلة مستئبل معك فيو اهلي كتير بيحترموك و عاطينك مئامك مهما كان عمرك صغير..
كنت كتير متحمسه لادام و ما خفت ولا مره من كلمه لا "بالمستئبل"، دائما كنت بتستاهل ممتاز مع نجمه ع الجبهه.
شايف هالشعور؟
ولا مره كنت حاسه اديه مهم بهالحياة اكتر من هلا..
الله يسامحك ي بودي.. خليتني شوف كل شي حلو بهالحياة معك ووخليتني حس بكل الاحاسيس لحد ما صرفتا كلا..
ما صفي كتير لاي حدا بعدك.. ما صفي شي مميز لحدا بعدك..
..
- حكت انو
انا بس شوف اهلا لح احكيلن انو نحنا لازم نخلي العشائ مع بعض يا اما الله ما بيسامحنا
-الله لا يسامح كل حدا بيفرئ حبيب عن حبيبتو
امين
امين
امين..
..
كل يوم ابل مانام بناديك و بشتئلك..
كنت تناديلي وردة حياتي و كنت اتخيل ورده حمرا ع شباكك
من بعدك بتعرف كيف صرت بلا ما اوصف
و هلا انا لساتني هاد الشي شويه غصن بودي بيحاولو ينئلوني من تربه لتربه و يسئوني و يوجهوني ع الشمس
اي يمكن شي يوم زهر شي ورئة ولا ورئتين..
بس ما عاد تسوى يا بودي طالما اني مو وردة "حياتك" انت.. جعل كل التانيين ما يكون في ورده بحياتن من بعدك يا روح..
كتير شتئت للأمان بودي.. كتير شتئتلك..

View more

9
1
Liked by: The great somker Hamam Al-afeef 187 ღ Air_neko iSmokeThoughts markymark9797 SkillmanPlay

?•

عندما تريد المغادة فقط اذهب، لا تترك وداعا خلفك، لا تترك اسف أو أي كلمة قد تبدو لك من الأدب، فقط اذهب و اتركني مع صدمة الفجأة، الصدمة تخف تدريجيا أما ألم الوداع فإنه يحفر في القلب داخلا.. تماما إلى جانب اسمك، هناك حيث لم يصل أحد غيرك.
5
5
Liked by: Hamam Al-afeef 187 ღ وِهاد فيصل الأمير

لـ؛مقصودك ?✨."

مرحبا مقصودي..✋
أعرف أن والداك قد علماك رد السلام و التبسم عندما كنت طفلا، ولكن من الغريب أنك نسيت هذه الأشياء عندما كبرت قليلا كانك لم تتعلمها أبدا.
لن اسألك عن أحوالك لانك لا تستحق. ولا حتى اريد أن أكتب هذا النص لك،
لم تكن الشخص الذي أفكر فيه ابدا، ولكنني اعتدت تماما أن تكون أنت المقصود لذلك بدأت مباشرة بالحديث عنك..
أتمنى أنك تأكدت أنني تخطيتك، و الطريقة التي أحدثك بها هي ذاتها التي أحدث بها كل البشر.. لست مميزا
عدا انني أغار أن يمسك شيء، ليس حبا بك ولكنك كنت يوما شخصا طيبا لذلك لا اريدك أن تتمجس.
التعداد مقرف يا مقصودي.. و أنت لا تستحق ذلك.
لأول مرة، بإمكانك نسياني بكل أريحية. أو عاملني كجارة قديمة، مثلا ليس من العيب أن ترد إذا أرسلت إليك.
ولكن يا مقصودي، لقد مللت منك، و مني و من أي شيء كان حولنا، أتمنى أن احظى بشخص يشبهك، ليش لأنك رائع ولكنني اعتدتك ولست بقدرة أن اتعرف على أحد جديد و أسايره.
الحب تافه يا مقصودي، مشاعر و أفكار لم ولن تحصل، الحب وهم ممل، و متعب.
عندما أراك، سأكون سعيدة جدا، و فضولية و مفعمة، لأنني سأستعيد أملا قديما كان بي و اتذكر حلما بعيدا و أفرح انني حققته، لكنني سرعان ما سأصاب بخيبة كبيرة.
أحب قلبك المارشميلو، لازلت احبه، رغم أنه هجرني منذ زمن، فاردد علي قلبي المفحم بالخيبات و الألم، فلا قلبي منشغل بك، ولا أنت تشعر به، فاردد علي قلبي المفحم بالخيبات و الألم.
لا تتصور ما مررت به حتى وصلت لهذا الحد من الخيبات، ولكن تاكد بأنني عرفت كيف أعيش هذه الحياة أفضل منك. لا تتصور دناءه ما ارتكبت، ولا نسل من قابلت، لا تعد سجائري، ولا تتحامق و تظن أنك مازلت تعرفني.
أخبرني نهاية الفصل ما تقرر، ليس لأنني اهتم لأمرك، ولكن لأنني افضل أن أصل الى نهاية كتاب عندما ابدأ به، على أن ارتبه في مكتبي مع ورقة فاصلة.
لقد ناجيتك في كل مرة شعرت بالألم أو ظلمت أو فعلت شيئا حقيرا جدا، لقد ناجيتك و كنت إله قلبي، وعندما لم ترد في كل المرات التي ناجيتك فيها و تركتني وحيدا جدا، لم أعد اؤمن، لا بك، ولا بقلبي، ولا التناجي.
أخيرا، أحب الله يا مقصودي، لانك ستحب اي شيء اخر.

View more

2
Liked by: abdulghani ️Safa'a.

شاركوني بأقرب صورة لقلوبكم مع ذكر السبب؟؟??

اسباب كتير..
بتظهر شخصين انا جمعتن
شخصين بغلا خواتي
بتظهر شي انا كنت اؤمن فيه
بتظهر شي انا بشتئلو
فيا اصة حلوه و شغلات كتير خلتني ابتسم
فيا ناس مزوئة بلبسا
و فيا لقطة حلوة
..
غواليي.. سامحوني كتير بس انا ما عاد امن بشي
ما عاد ارب منكن ولا تاربوا مني
بحبكن كتير اي؟
بس ضلو بعاد عني.. لا تحبوني
او حبوني! و تزكروني بالخير،
بس لا تسألو عليي ابدا.?
شاركوني بأقرب صورة لقلوبكم مع ذكر السبب
2
Liked by: abdulghani ️Safa'a.

هل مسامحة شخص بالرغم من كثرة اخطاءه تعتبر طيبة أم غباء ؟ و لماذا ؟

طالما انك بتحبو لا تعتبر كل تصرفاتو خاطئه
بس طبعا ازا مانك طايئو بتصير بتدورلو ع نكشه
تافهين انتو اللي بتحسسو الناس انو كل تصرفاتن خطا
2
Liked by: Abdo Anis

لو تَملك إعادة اللحظة الحلوه,بترجع لأي لحظة❤️؟.

احلى لحظات عشتا بحياتي لما كنت حب حدا و حاول بينلو
لما كان حب من طرف واحد
دائما بس انحبيت اخسر علاقاتي.
1
Liked by: ️Safa'a.

الغيرة:

لا تحبسي غيرتك في قلبك يا صغيرتي
احرقي الدنيا ولكن لا تحرقي قلبك الصغير.
1
Liked by: ️Safa'a.

برأيك مَاهي مقاييس الجمَال التي تجعل الشخص "جميلاً" بالفعل؟.

اللي شخصياتنن ئوية شلون ما كانت ملامحن بشوفن وسيمين ?
2
Liked by: ️Safa'a. السارا

لماذا الولد اذكى من البنت ؟؟؟

لانو عيب تكون البنت احلى و اقوى و بتتحمل اكتر و استيعابا اسرع و بتعمل كزا شغله مع بعض و مهذبة اكتر و عاقلة اكتر لهيك تركت الذكاء للشب لحتى ما ينحرج
2
Liked by: ️Safa'a. السارا

Next

Language: English

4.1

1,266,418 reviews
© Ask.fm 2024