الاسوأ من وجهة نظري استغلال الحب لان الحب بيخلي اللي قدامك رهن ايديك ...واستغلال هذا بينتج عنه نتائج كارثيه .. اهمها واسوأها استضعاف اللي قدامي علشان بس هو اللي بيحبني
اللي تلافيه بيسأل عليكي وقت تعبك .. واللي يهتم بيكي في اوقات فجأه مكنتيش تتوقعيها يعني مثلا انتي في الجامعه .. في الاجازه صحابك بجد اللي دايما يسالوا عليكي ويتصلو بيكي هم دول اللي بيحبوكي بجد ... دايما الحبيب بيظهر وقت الشده
امممممممممم ... غالبا بلتزم الصمت .... بس طبيعه فيا مبحبش يكون حواليا حاجه مش فاهمها خصوصا لو موضوع عام ... اما المواضيع الشخصيه غالبا مبتدخلش فيها اطلاقا :)
الحياه تحتاج الي عزيمه واراده قويه .. ودائما الاقتناع باننا قادرين علي تخطي اي صعاب ايا كانت ... ولنا في بداية انتشار الاسلام عبره وعظه .... عندما تعرض الرسول لشتي انواع الاضطهاد ولكنه صبر حتي اكمل رسالته ونشر الدين الاسلامي العظيم .. ودي افضل عظه وعبره اننا مهما بلغ بنا اليأس والتعب فكل شئ يتغير ودائما اجعل شعاري ..."سبحانك ياربنا يا مقلب الاحوال اجعل حالنا افضل حال " وتحتاج الحياه الي ان نكون ايجابيين بمعني ان نعمر فيها حتي نشعر اننا ادينا ما علينا وان نكون راضيين عن انفسنا حتي يرضي عني الله سبحانه وتعالي بحاول دايما احط في بالي نعمة الصحه وازاي فيه غيري مش قدار يمشي او حتي ينام ... اللي اكتشفته ان الحياه دايما بتحتاج الي الثقه في النفس وشكر علي نعم الله التي لاتعد ولا تحصي قال تعالي"وان تعدوا نعمة الله لا تحصوها "
اشخاص اتعملت معاهم و من اول مره قولت الناس دى مينفعش تبقى فحياتى و ايه كان السبب
بصراحه .. واحد اتعرفت عليه في الشقه في سنه تانيه مدني ... اتخدعت فيه جامد جدااااا وعرفته كل حاجه عندي ... والحقيقه طلع من اسوأ الشخصيات اللي عرفتها في حياتي ...ووقتها عرفت ان فيه اسرار وحجات مينفعش تطلع لاي حد مهما كان هو مين
طبعا الفضل الاول ل ماما وبابا بعد ربنا .... هم كل حاجه بالنسبه لي .. هم بالنسبه لي اكثر من مجرد ام واب لاني الوحيد لهم ... واكتر حاجه بيحبوها في الدنيا :)ومن سنتين كان حصلي هبوط حاده في الدوره الدمويه بسبب قلة اكلي شوفت قلق ماما عليا وقتها عرفت فعلا انا اي بالنسبه لها وكدا يعني :D . انا مبحبش الاكل خالص :D بيسموني عدول الاكل :D حتي في رمضان السنه دي باكل مره واحده بس
المكان بلا تفكير ... مسجد الحسين رضي الله عنه ... حسيت بعدم راحه بسبب اللس شفته بعيني في المقام وكمان صليت فرض هناك لكن مكنتش مرتاح وانا بصلي واكتر مكان حسيت فيه براحه نفسيه .. الجامع الازهر :)
بصراحه !!!امنيتي الوحيده اسيب البلد دي واسافر سويسرا او سنغافوره او اليابان او امريكا امنيتي اعيش في مكان فيه حياه ادميه ... مكان كله اخلاق واحترام متبادل وفيه رقي في التعامل وفيه عدم كذب وغش من التجار والبياعين ... مكان فيه تعليم كويس مكان مفهوش فساد ولا محسوبيه ولا وسطه .. كله تحت القانون سواء ... والدي عاش في اوروبا كتير ... طبعا بيحيكلي فعلا عن اخلاق الاسلام الحقيقيه الموجوده فيهم .... واللي هي المفروض تكون موجوده فيهموبصراحه بقي امنيتي الاعظم اني اخلص القرآن تجويد بقي ^_^ انا الحمد لله حافظه كله .. لكن ماشي في طريق اني اخلصه تجويد ... وامنيتي اني اكرم اهلي ويكون كل الخير بتاعهم واخدم كل الناس .. لانهم رصيدي في الحياه وبعد ما اموت ... دايما نفسي سيرتي بعد ما اموت ان شاء الله :D اول ما يفتكروني يقولوا الله يرحمه من قلبهم ويدعولي وافضل عايش في قلوبهم حتي بعد ما اموت :)
اشهر كذبه بالنسبه للولاد اقدر افتن عليها لاني شاب زيهم :D هي بتتلخص في جمله واحده " انا عمري " ههههههههه دايما يقول انا عمري ما عملت كذا انا عمري ما كذبت :D او تلاقيه مثلا يقولك انا احب النظافه جداااااا :D ونادرا لما تلاقي حد يصارحك بكل عيوبه .... وانا احب الناس دي جدا اللي عندها الجرأه انها تنقد نفسها هقولك مثلا حاجه علي سبيل السؤال اللي سألته بخصوص هتسمي ولادك اي :D انا هحاول ابعد عن حرف السين علشان انا عندي لدغه في السين ^_^ مش كل شويه انادي حرف السين :D بس في نفس الوقت انا مقدرش ابعد عن اسم يوسف ومريم .... يوسف علشان عفته عليه السلام والسيده امرم رمز الحياء ♥ ... بالتالي هحب انادي علي مريم اكتر ههههههههههههههه ----------------------- اسمحيلي اقولك اشهر كذبه عند البنات .... دايما البنت قبل الخطوبه في مرحلة شبابها تقول انا اهم حاجه عندي الاخلاق وانه يحبني ويعاملني بالكرم والموده والرحمه ... ووقت الجد تلاقيها بتغلي لو عرفت ان صاحبتها جابت دهب اكتر او صاحبتها اتخطبت لواحد حالته الماديه مرتاحه شويه ههههههههه بمعني ان الكلام دا بيصبح سراب ... وفجأه بيتحول الكلام الي معاك فلوس ادخل بقلب جامد .. مماعكش فلوس معاك ربنا ... طبعا كلامي لبعض البنات مش كلهم ^_^ بس كدا :D
اغرب موقف كان كنت انا في اعدادي هندسه وكنت طبعا ساكن اول شهر في السادس الكلام دا من 4سنين :D المهم كان فيه انسان محترم جدا جدا كان فيه تانيه مدني للاسف ربنا موفقوش في 2 وكان بيعيد علي 5 مواد والكلام دا وانا في اعدادي :D بعد المدينه ما فتحت للمستجدين دخلت مدينه الحمد لله لاني كان مجموعي صيدله ^_^الانسان دا انا اشهدله انه كان بيقيم الليل كل يوم .. الانسان دا بالصدفه لقيته معايا في 3 مدني السنه الدراسيه اللي لسه منتهيه دي طبعا فرحت جدا اني شقته تاني وبقي صديقي جدا كمان داا اغرب موقف قابلته ... وعرفت وقتها ان كل شيء بيتم بارادة ربنا