@mahahossam567

Maha Hossam

Ask @mahahossam567

Sort by:

LatestTop

أنا منتقبه ومحدش بيتقدملي ومتخرجه بقالي سنتين ومش بطلع من البيت ، اعمل اي؟ نفسي اوي ف ونس 😖

مبدأيا النقاب ملهوش علاقة بالموضوع.
تاني حاجة كتر العرسان حاجة مرهقة لأنك بتشوفي كل انواع البشر و بيبقي فيهم للأسف اشكال ضاله 😐 ف لعل الله مانع عنك ده علشان اول حد يتقدم يبقي هو نصيبك.
و بالنسبة ل حوار الجواز ده بالذات مش مطلوب منك تعملي حاجه لانه رزق من السما كده كده هيجيلك في الوقت اللي ربنا كاتبه حتي لو مش بتخرجي من بيتك ابدا
نصيحتي بقي ليكي اطلعي من البيت علشان تعيشي سنك و تستمعتي بحياتك روحي جيم و اعملي اصحاب، اشتغلي، خدي كورسات متعديش مستنيه ابن الحلال لان guess what؟ السعادة مش هيجبها العريس وهو جاي....

+ 1 💬 message

read all

هو غلط إن أقول لخطيبي إن أبويا وامي متخانقين ولا عادي

اسرار البيت مش بتخرج من البيت متقوليش علي خناقات اهلك و بعد ما تتجوزي نفس الحوار متحكيش ل اهلك علي خناقاتك مع جوزك

جماعه هو عادى افسخ خطوبتى تلات مرات الموضوع صعب عليا اوى مش مرتاحه في خطوبتى دى ولو فسختها هتبقي التالته

١٠٠ خطوبة تتفركش ولا جوازة تبوظ استخيري ربنا و لو مش مرتاحة متكمليش الخطوبة اصلا معمولة علشان لو مرتحتيش تسيبي ف بلاش تفكري في الناس و تنسي راحتك

Related users

برأيك في اختلاط زماله بدون تجاوزات وتطرق لتفاصيل غير مهمه؟ يعني هل هيستمر الموضوع في اطار الزماله ولا ده باب ماندخلهوش افضل

ده خطوات شيطان ارجوكي بلاش تمشيها.. خليني صريحه من واقع الحياة الموضوع هايروح لمرحلة عينيكي فيها حزن و احكيلي و انا حابب اخد رأيك في موضوع مهم و مش برتاح غير لكلامك و مش بكلم حد غيرك و انتي بتديني طاقة و هتلاقي نفسك اتعلقتي و بدأتي تحسي انه مش نيته اصحاب و هيفضل ياخد مميزات الأرتباط من غير أي ارتباط و بعدها يقولك انتي اختي يا بنتي مش قصدي حاجه و انتي تعيطي و تقولي لا مكنش طريقته اخوات! احنا ك بنات كلنا عارفين ان ديه بتبقي نهاية القصة. طب ليه وجع القلب مش من قلة البنات يعني..
ربنا خلق جنسين مختلفين علشان يبقوا زوج و زوجة اوبش الصحوبية ده مش بينجح ابدا مع حد لأن فيه طرف منهم مشاعره بتتغير ف اهربي و حافظي علي قلبك ❤
Liked by: Tasneem Hussiny

لو فسخت الخطوبة ارجعله الشبكة ولا ده حقي؟

رجعيها طبعا حرام عليكي ده بيبقي تعب سنين

بعد تخرج وشغل وكارير وسني ٣٠ ووحيدة اقول ان الست ملهاش غير بيتها و لما اشوف بنت معاها زوجها واولادها بتحسر على خسارة عمري

و انتي فاكره ان اللي متجوزين كلهم مش حاسيين بالوحدة؟
غلطانة اعرف ناس وحدتهم زادت بعد الجواز والله
الجواز هدفه الونس فلو مش مع الشخص الصح هيبقي جحيم..
انتي صغيرة و ناجحة و عندك كارير و صحة و فلوس و ديه نعم كبيرة جدا هتلاقي متجوزين كتير يحسدوكي عليها بلاش تسيبي الشيطان ينسيكي كل النعم اللي عندك و يعيشك حزينه افرحي باللي عندك دلوقتي و الجواز إن شاء الله جاي لسه العمر قدامك كتير
ربنا يرزقك اللي يرضيكي ❤

هو اللى جاى ممكن يبقى احلى من اللى راح ؟ حتى لو مفيش اى حاجة بتدل على كده

ربنا قادر علي كل شيء "يدبر الأمر" في لحظه ممكن كل حاجه بنتمناها تحصل ربنا كبير

هل الجيم يقضي على الاكتئاب ؟

و هو فيه حاحه بتقضي علي الأكتئاب أده؟
روحي هتشحني طاقتك من تاني

مش مرتاحه مع خطيبي ومش عارفه اسيبه عشان تانى خطوبه ليا

ألف خطوبة تتفركش و لا جوازة تبوظ لو مش مرتاحة بلاش لان كل العيب اللي مش مرتاحة دلوقتي معاها هتبقي اضعاف بعد الجواز
" بس طبعا عيوب حقيقية و تبقي فعلا مش مرتاحة خالص ميبقاش لغبطة هرمونات و تبوظي الدنيا 😅"

انا اتطلقت💔

اكتر حاجه هتصبر قلبك هي الأذكار قولي طول ما انتي اعده لا حول ولا قوة إلا بالله " اخرجي من قوتك إلي قوة الله، ف الأمر كله لله"
و الله اكبر " لما بتضيق بيا الدنيا بمسك السبحة و اقول الله اكبر من حزني الله اكبر من الظالمين الله اكبر من وجعي و هكذا بحس سلام بعدها "
كمان رددي "اللهم لا عيش إلا عيش الآخرة " مهما عشنا في الدنيا فهي ايام هتعدي سواء كانت حلوة او وحشه ف المهم ربنا يبقي راضي علشان نرتاح في الآخرة
و اعرفي اخيرا ان عند الله تجتمع الخصوم ف لو ليكي حق هتاخديه و ان الله" يدبر الأمر" فمهما كان الموضوع مؤلم لعله كان لو كمان بقي شر اكبر
الله يربط علي قلبك و يصبرك و يرضيكي و يعوضك 🤍

مسامح اللي اذاك نفسيًا؟

رمضان اللي فات كان اول مره احس اني فعلا مسامحة كل الناس اللي ضايقتني لا و لقتني ألتمست ليهم كمان اعذار وقتها بس عرفت اني فعلا تجاوزت الآذي النفسي اللي اتسببوا فيه..

محتاجة حد يطمني إنها هعدي بجد إن شاء الله

عدي كتير قبلها ايه اللي هيخلي المره ديه متعديش؟!
كله بيعدي و بيتنسي

المفروض اعمل اي مع البنت اللي بتكلم خطيبي وكل ما بعملها بلوك تكلمه تاني

هو ميردش عليها من غير بلوك ولا حاجه و هي هتزهق و مش هتبعت لو هو مردش

معجب بزميلتي معايا في الكورس واحنا الاتنين متخرجين ،وباذن الله ناوي اخطبها بعد الكورس اقولها ...؟ استنا لحد اخر الكورس ؟ ساعدوني بالله عليكم عشان الموضوع شاغلني جدا

لما تكون جاهز انك تتقدم قولها و خد رقم باباها و روح بعدها البيت علي طول

ليه لما أبعتله اني عايزة اخد مساحة شويه او نفصل شويه مبيعتش خالص خالص! هو كدا مش عايزني اصلا صح ؟

لا هو تصرفه طبيعي جدا ، انا لو حد قالي عايز اخد مساحة شوية مش هبعتله تاني و هديله مساحته للابد

عندي ٢٢ سنة ازاي مش عارفه.🤷‍♀️ وبما ان فترة العشرينات دي بتجري حرفيا ، ف ايه هي الحاجات اللي ندمت انك معملتهاش في الفترة دي ؟ دونت اسكيب بليزز 🌚

ندمت اني لما ارهقتني الحياة و لقتني مش قادرة اكمل استسلمت و سبت كل حاجه مضيقاني و هربت ... اوعي ابدا تعملي كده مهما الدنيا بقت صعبة و حسيتيها كبيرة عليكي افضلي عافري دايما ...

ظبتوا نومكم ازاااااي بعد رمضااان انا تعبت 🥲🥴🙂💔

يعني ايه نوم اصلا😴

احساس انك واقف مكانك لا انت عارف تكمل و لا عارف ترجع !! حالة من الفراغ الداخلي متعبه جدا و مفيش حل غير انتظار الفرج من ربنا .. 💔

اغلب الشباب دلوقتي حاسة بنفس الأحساس فجاءة حسينا ان عمرنا بيعدي و ان الدنيا كبيرة علينا و كل حاجه محتاجة معافرة ... بس هي ديه الدنيا مفيش فيها راحة و مفيش حاجه في ايدينا غير اننا نسعي و طالما مش هنعرف ننهي حياتنا ف واجب علينا نحاول نعيشها .
استعن بالله و ادعي كتير🌸

علاقتنا انتهت ببعض ومش راضي يعملي بلوك ولا يمسح الرقم و بيشوف استوريهاتي كمان دا اسمه اي

"متعلقيش نفسك ب احبال دايبة" يمكن ديه اصدق نصيحة اتقالتلي ..
لو عايزك يا بنتي هيتكلم مباشرة اي حاجه غير انه يكلمك ف هي مش بتدل علي حاجه خالص

قولو ل الي بيتقل على بنت بيحبها خلي التقل ينفعك لما تتخطب 🌚

لا هسيبك تقولي انتي بقي 😂

الخمار مبهدل شكلي اوي وظالمني خالص وخصوصا اني لسه سنجل وعاوزه اقلعه تنصحوني باي

انصحك تجيبي ألوان خمار حلوة و تتفرجي علي لفات طرح علي اليوتيوب و تجربي الخمار الماليزي

لو فلوسي متكفيش ايه الأهم اشتريه الغسول الكويس ولا الصن بلوك ؟

صن بلوك

لو بتشتغل ومش لاقي راحتك النفسيه فيه تكمل ولا تسيب الشغل ؟؟

wesamelhady’s Profile PhotoWesam Elhady
لما اتحطيت في الموضوع ده اخترت راحتي و سيبته

هو حرام أن أرفض حد لمجرد أن مفيش قبول شكليا يعني هو كويس وكل حاجه واهلي موافقين ومرحبين بس انا مش متخيله نفسي مع الشخص هل ممكن تتردلي وان حد يرفضني عشان كده هل حرام عشان انا تعبت 💔💔

معملتيش حاجه علشان تتردلك القبول ده بتاع ربنا ساعات ناس مش جميلة في عيون الناس بنشوفها احنا حلوة و ساعات مش بيعجبنا ملكات جمال!
الجمال شئ نسبي و من حقنا عادي نختار اللي نقبله ده مش حرام

Don't skip please انا باخد علاج مضاد للاكتئاب وعايزة اوقفه عشان حاسه انه مفيش فايدة ومتحسنتش .. رأيك اى

اسألي دكتور

دريس اسود ساده علي كوتش ابيض ولا كوتش اسود؟ 🙋🙋

ابيض

ليه الناس بتصنفنا حسب كلياتنا هو مش ده نصيب ..ليه بيكرهوا الواحد في حياته

هما مش بيكرهوكوا في حاجة انتوا اللي بتختاروا تدوهم الحق ده
محدش ليه دعوة اصلاً و محدش ليه يحكم علي حد و لو اتكلموا ف المفروض اننا نوقفهم عند حدهم

‏خطيب صاحبتي بيكلمني من وراها أعمل ايه ؟

هزقيه و اعمليله بلوك مش فاهمة بتردي ليه عليه اصلا!

تخيل تطلع من صلاه العيد تفتح الاسك يأخي الإنسان وحيد جدا

😑

لو محتارة ما بين امرين اعمل اي ؟

صلي استخارة و اكتبي المميزات و العيوب و خدي رأي حد ناجح في حياته و بتثقي فيه

عندي ٢٦ سنه وبشتغل في وظيفة كويسة وشكلي مقبول جداااا ليه محدش بيتقدملي !!

ده نصيب لعل الله مش عايز يرهق قلبك بحوارات كتير و عايز اول عريس يكون معاه النصيب ف اصبري و ادعي

هل فعلا مش صح أن الشخص لو حس أنه محتاج يروح لدكتور نفسي ميروحش علشان كلام الناس و نظرة المجتمع ؟

لا يروح بس من غير ما يعرف الناس اللي مش هتستوعب الفكرة

Language: English