@mahmoudelzayat5

Mahmoud Mohamed Elzayat

Ask me anything Follow
Ask @mahmoudelzayat5

Sort by:

LatestTop

ماذا يعني لك الماضي؟

في منه لحظات كتير حلوة الواحد بيحب يرجع بالزمن كدا و يسرح فيها و ميبقاش عاوز يخرج منها .. و فيه لحظات صعبة الواحد بيندم عليها و مش عاوز يفتكرها ... بس علي كلٍ الواحد اتعلم منها حاجات لو قعد سنين مش هيتعلمها
ف الماضي كله حلو و كله لطيف

هل النقد يساعدك على تعديل وتطوير نفسك ولا ما تاخذ فيه ✨؟💕

علي حسب النقد دا جاي من مين .. من شخص ثقة و بيتكلم لمصلحتك و لا مجرد انتقاد من شخص لا يُؤخذ منه كلمة

Related users

MidoSharaf702’s Profile Photo محمد عبدالغني شرف
Abdelwahed Hmmad
aysalem282943’s Profile Photo Aya Abdel nasser

هل المعاملة الكويسة لبعض الناس تعتبر ظلم ليهم ؟

لو تقصد ب كلامك إنهم ميستحقوش المعاملة دي عشان هم مش كويسين .. ف دا يبقي ظلم ليك انت مش ليهم هم
لو تقصد السؤال زي م هو كدا
ف أكيد بعض المعاملات الكويسة ظلم لبعض الناس لو كانت هتخلي الشخص يبقي قريب منك او ممكن يحصل تعلق مثلا و الأمر دا ميكملش
ف هنا بيحصل الأذي بسبب المعاملة الكويسة دي
( و دا مجرد رأي شخصي ممكن أكون مخطئ )

+ 6 💬 messages

read all

-يقولون :ان الملبس هو ليس عماد المرأة وليس مقوم لجمالها ولايزيد من جمالها فهل أنتم مع هذه المقولة...؟

أيوة هو مش عماد المرأة و دا ميقللش من أهميته أكيد و لكنه مش الأساس. ... ربنا قال ف القرآن ( يبني آدم خذوا زينتكم عند كل مسجد .. ) يعني إلبسوا حلو ... زينة المرأة الأساسية عموما ف حياؤها و ف لبس يكون عفيف لها بعيدا عن البهرجة و قلة القيمة .. يعني ميبقاش كل همها و هي طالعة من بيتها إنها لابسة حلو و شكلها كويس و بس و تنسي الحياء و الأدب و الوقار ال المفروض تتحلي بيهم 🌹
1
10
Liked by: Abdelwahed Hmmad

برأيك متي تنزع الثقه بين الناس ؟!

كثرة الكدب علي بعضهم و عدم الوفاء بأي وعود مع كثرة المبررات ال ملهاش أي لازمة مثلا ... عموما أي حاجة تحصل بتخللي فيه عدددم إحساس بالأمان بتفقد الثقة
1
Liked by: Abdelwahed Hmmad

ازاى الواحد يشبع احتياجاته العاطفية من غير م يعمل حاجة حرام؟

إشباع الاحتياجات العاطفية ملوش غير طريق واحد و هو الحلال .. فقد الأُنس و الوحدة و الاحتياج للرفيق مش حلوة أكيد و هو شئ من حقك تدور عليه و تكون محتاجه بس اقبل عدم وجوده في الوقت الحالي ... ربنا قال ف القرآن ( و ليستعفف الذين لا يجدون نكاحا حتي يغنيهم الله من فضله ) .. يعني اطلب العفة و الكفاية من ربنا و اشغل وقتك وحياتك بانك تنجح في شغل أو رياضة أو صحاب قريبين يشغلوك عن كل دا يبقي عندك ( اكتفاء ذاتي ) ... و اعرف و تأكد رغم كل محاولاتك انك تلهي نفسك عن التفكير في الأمر هيجي وقت و تحس باحتياجك له و دا طبيعي و الشيطان مش هيسيبك .. وقتها لازم يكون عندك رضا عن الوضع و إن الشئ دا وقته جاي و عليك بالدعاء إن ربنا يقويك و يعوضك عن صبرك دا خير ... و ف كل انتظار و صبر علي المعصية اجر كبير ... ربنا يعوضك كل خير إن شاء الله 🌹💙

+ 1 💬 message

read all
1
Liked by: Abdelwahed Hmmad

هل تؤمن بأن الأنسان يُعاقب ويُثاب على أعماله في الدنيا قبل الآخرة؟

اؤمن ب دا طبعا .. بعض الذنوب النبي صلى الله عليه وسلم قالها صريحة كدا إن عقابها ف الدينا بيكون قبل الآخرة زي الظلم و عقوق الوالدين و ... و لو عاقبنا عن ذنوبنا ف الدنيا بأي شئ ف هو أهون من عقاب الآخرة و لعله يخفف أو يمحو عذاب الآخرة و أتمني من ربنا إن أي ثواب علي اي فعل يكون ف ميزان الاعمال ف الآخرة مش ف الدنيا

+ 2 💬 messages

read all
1
10
Liked by: محمد عبدالغني شرف

تفتكر ي دكتر ايه سبب وجود حقد و نفسنة بين اتنين و الاتنين دول أصحاب و مع بعض او وجوده بين اي اتنين عموما !

بين أي اتنين عموما ... الاسباب كتير و لكن ممكن نقول منها عدم الرضا عن حياته و إنه نفسه يعيش حياة الشخص دا .. شايفه بيلبس كويس ف عاوز يكون زيه معاه فلوس عاوز يبقي معاه زيه .. الخ ،، من الاخر مش عاجبه حياته و عاوز يعيش حياة غيره ... و في ناس و العياذ بالله بيبقي معاها كل شئ بس متحبش غيرها يكون معاها حاجة زيهم بيستكتروا الخير ف الناس ( مع إن انت مش هتاخد حاجة منهم مثلا ! ).... و ف ناس مش همها الأساسي يكون معاها ال معاك بس هي مش عاوزة يبقي معاك ال معاك دا و يزول منك بس كدا 🤷 ... و أحيانا بترجع للتربية علي الطمع و عدم الرضا و يبقوا ناس عندهم نَهَم لامتلاك كل شئ لوحدهم و غيرهم ميبقاش عندهم دا ... أضف ع الكلام دا ف حالة الصحاب من ضمن الأسباب ال شايف إنها قوية لحاجة زي دي ( عن تجارب شخصية ) .. المقارنات بين الصحاب سواء من أولياء أمورهم أو أستاتذتهم أو من صحابهم ذات نفسهم .. دايما تسمع شوف فلان بيعمل إيه ؟ انت ليه مش زي فلان ؟ هو فلان يفرق عنك إيه ؟ انت ليه مش شاطر زي فلان !؟ و هكذا أمور تخليه ينقم علي صاحبه دا بطريقة بشعة توصل للأذية نفسيا و جسديا ... الأسباب كتيرة بس اعتقد دول الأقرب و الأكثر حدوثًا يعني ... ربنا يبعد عنا كل سوء و يكفينا شر ما خلق 🤲

View more

1
Liked by: محمد عبدالغني شرف

هل بتقبل نصيحة اي حد ليك و بتعمل بيها ؟ مش حاسك كدا خالص لا 😂😂

اقبل اني أسمعه ال عاوز ينصحني بشئ فأنا هسمعه بالتأكيد و هحب إني أسمع ال عنده ... أتقبلها و أعمل بيها دا شئ يخصني أنا ملوش علاقة باحترامي للشخص أو غيره .. له علاقة بس بوجهة نظري ف الأمر دا لا أكثر 🌼☑️
1
Liked by: محمد عبدالغني شرف

🌛اكل مايعجبك ، والبس ما يعجب الناس🌜 . شنو رأيكم بالعبارة ؟

هو الاساس مش انك تعمل اي حاجة عشان تعجب الناس ... انت كل ال يعجبك و البس ال يعجبك و ف نفس الوقت يسيب انطباع كويس عند الناس عنك ... و دا مش ف الاكل و الشرب بس دا ف كل الأمور عموما ... الناس ليها حق عليك علي الاقل ظاهريا ( سواء ف تعامل أو مظهرك الشخصي ) ف إديهم حقهم و ال بالمناسبة بيعلي قدرك عندهم ❤️
1
Liked by: محمد عبدالغني شرف

بقيت مش عارف افرق بين الحلو و الوحش من الناس اللي حواليا فخسرت الكل 😂 ندمان ع خساره ناس منهم بس اعمل ايه بقا 😑

دي مشكلتك إنت يا صاحبي .. في حد ميعرفش يفرق بين الحلو و الوحش ؟ ... في آية بتقول ( قل لا يستوي الخبيث و الطيب و لو أعجبك كثرة الخبيث ) .. معتقدش دا موضوع كبير أو محتاج مجهود أو حتي نصيحة .. محتاج نظرة بواقعية كدا عشان تعرف تفرق !
1
Liked by: محمد عبدالغني شرف

اوقات كدا بقعد مع نفسي و احس بحنقة و افتكر كل اللي حصل معايا و اتضايق و مش عارف ارجع عادي و باخد وقت طويل ع م انسي 😔

عشان كنت عاوز تخرج من الموضوع بأي شكل وقت ما حصل بس م اتخلصتش منه كليا ف ما زالت آثاره النفسية موجودة جواك ... لما يحصل و تفتكر تاني او من غير أي حاجة فكر مرة و اتنين فيه و اعرف العيب فين و المشكلة و متخرجش منه غير و انت قافله تماما و اختار حد تثق فيه يساعدك و إن شاء الله تعدي منه كويس

+ 2 💬 messages

read all
1
Liked by: محمد عبدالغني شرف

كيف تحب أن تبدأ المحادثات؟

مع الأشخاص المقربين .. فيه ١٠٠ طريقة تبدأ بيها
مع الأشخاص الغير معروفين أو المعرفة السطحية
لازم تبدأ بطريقة مناسبة
زي التحية بطريقة لائقة و التعريف عن النفس لو مش معروف للشخص ال بتكلمه و من ثَمّ سبب المحادثة ايه او الغرض منها ( لو لك طلب معين أو خدمة من الشخص مثلا )
و هكذا يسير الأمر
1
Liked by: محمد عبدالغني شرف

برأيك لماذا عدد القراء الاناث اكثر من القراء الذكور ؟ ( اقصد في القراء من يقرأ يوميا وليس كتاب كل ستة اشهر)

اعتقد دا مش شئ ثابت يعني فيه ذكور ف القراءة أكثر من الإناث و لكن الأغلبية فعلا نساء ..
و السبب ممكن إن هم فاضيين اكتر و عندهم طول بال اكبر
و هما كمان بيحبوا الكلام الكتير ف عادي يحبوا يقرأوا كتير 😂
1
10
Liked by: محمد عبدالغني شرف

راحة البال في العيش بدون حب تتفق 🎻🍃؟..

ربط راحة البال بالحب أو عدمه دا جهل ..
الحب مش عائق لراحة البال أبدا و لا عدم الحب بتجيب راحة البال دايما
الشخص و عقلية الشخص هي الأصل
1
Liked by: محمد عبدالغني شرف

كم تحتاج وقت عشان "تثق" بشخص جديد بحياتك ؟..✨💕

مش بالوقت ..
بالافعال و المواقف اقرب ناس ف حياتي معرفتهم كانت ف وقت قليل و ما زالوا الأقرب و الافضل
ركز ع المواقف و الامان و الارتياح
1
Liked by: محمد عبدالغني شرف

- space

يا صديقي؛ إنَّ الله رحيم، و من رحمته أنه أخفى القلب و أخفى بواعثه ليظلَّ كلُّ إنسان مخبوءًا عن كلِّ إنسان، فدعني مخبوءًا عنك !
1
Liked by: محمد عبدالغني شرف

عن رسول الله ﷺ: اللهم أنت ربي لا إله إلا أنت، خلقتني وأنا عبدك، وأنا على عهدك ووعدك ما استطعت، أعوذ بك من شر ما صنعت، أبوء لك بنعمتك علي، وأبوء بذنبي فاغفر لي فإنه لا يغفر الذنوب إلا أنت) من قالها حين يمسي فمات من ليلته دخل الجنة، ومن قالها حين يصبح فمات من يومه دخل الجنة.

استغفر الله الذي لا اله إلا هو الحي القيوم و اتوب اليه ✨
1
Liked by: محمد عبدالغني شرف

اسمع كلام الدكتره كلامه ألماظات

MidoSharaf702’s Profile Photoمحمد عبدالغني شرف
انا و شرف اخويا مستنيين الأنسب مش قاعدين سبهللة كدا خللي بالك 😂
يعني خد منه و انت متطمن برده ❤️😅
1
10
Liked by: محمد عبدالغني شرف
+1 answer in: “فيه بنت انا اعرفها من زمان و بيني و بين نفسي كنت بقول لو جه وقت اني اخطب هتكون هي دي و هي دلوقتي في ناس بتتقدملها و انا عاوز اخد الخطوة بس هتزنأ شوية بس مش مشكلة بس خايف م عارف اعمل ايه 🤦و القلب موجوع ي دكترة و الله 😂💔”

فيه بنت انا اعرفها من زمان و بيني و بين نفسي كنت بقول لو جه وقت اني اخطب هتكون هي دي و هي دلوقتي في ناس بتتقدملها و انا عاوز اخد الخطوة بس هتزنأ شوية بس مش مشكلة بس خايف م عارف اعمل ايه 🤦و القلب موجوع ي دكترة و الله 😂💔

بص يا صاحبي اوعي تجري ورا الأحسن لأن الأحسن فيه دايما اللي احسن منه ... يعني مش هتبطل جري ..
اختار الأنسب وخد بالك الأنسب غالبا مبيجيش غير مرة واحدة في العمر ،،،
و متستعجلش تعمل الحاجة دي لمجرد إنك شايف دا وقتها اعمل الحاجة دي عشان هي تستاهل .. سواء الحاجة دي أو غيرها عموما
ف لو شايف الإنسانة دي هي الأنسب و تستاهل التضحية دي توكل على الله و ما دامت نيتك خير ربنا هيوفقك إن شاء الله
و ربنا يكتبلك ال فيه الخير يا رب ❤️
1
10
Liked by: محمد عبدالغني شرف
+1 answer Read more

وَمَا كَانَ اللَّهُ مُعَذِّبَهُمْ وهم يستغفرون

اللهم أنت ربي لا إله إلا أنت خلقتني و أنا عبدك و انا علي عهدك و وعدك ما استطعت أعوذ بك من شر ما صنعت أبوء لك بنعمتك عليّ و أبوء بذنبي فاغفر لي فإنه لا يغفر الذنوب إلا أنت
1
Liked by: Dr Mohamed Abdelrahman

يُنَبَّأُ الإِنسَانُ يَوْمَئِذٍ بِمَا قَدَّمَ وَأَخَّرَ

ربنا يغفر لنا ما مضي و يحسن لنا فيما بقي .. و يجبر لنا تقصيرنا ف الأمور كلها

Language: English

4.1

1,266,418 reviews
© Ask.fm 2024