انا ابن عمى كنتا بنتكلم كتير لحد مااتعلقت بيه بس انا طبعا نفسى اصون نفسى المهم م الاخر اتفقنا انه نقلل الكلام ويكون ف الصرورة بس واتفاهمنا جدا واتفقنا ع كدا . دلوقتى انا مش قادرة الصراحة نفسى اكلمه حاسه بضعف وخيابه شديدة ..مع العلم انه يقدر يتحكم ف نفسه ومش يتكلم دلوقتى خالص ..شجعونى مش اتكلم تانى
مش عاوز اتكلم بمثالية .. لكن هو نفس الشعور اللي عندك دا شوفي بقى مين هيغلب التاني .. اشغلي وقت بشىء مفيد .. محدش بينفع حد ولا سبت بينفع سبت ولا اتنين ولا خميس ولا جمعة
بصي يا حبيبتي ..
اصبري واحتسبي ومتبطليش دعاء .. كل شويه ادعي وقولي يارب قويني انا تركته خوفا من عذابك يارب ولكي لا احرم منه ف ارزقني به في حلالك ..
ادعي ربنا .. ادعي كتير ..
الله يجمع بينكم ف حلاله ..
من تعجل شئ قبل أوانه عوقب بحرمانه ..
يعني متستعجليش كل حاجه هتيجي ف وقتها وهيكون ليها طعم ..
ولو خير اكيد هيجمع بينكم ومتنسيش تعزميني ف الفرح ♥️✨
الله يريح قلبك وبالك ويقدملك الخير ..
كلى لما تعوزى تكلميه
اشغلي نفسك بحاجه بتحبيها او اشتغلي ومطي كرامتك قدامك دايما انه مينفعش تبدأي انتؤ الكلام صدقيني هتنسيه خالص
مش عاارف انصحك ب اي بالظبط بس نصيحتي الاولي والاخيره حطي ربنا قدام عينيكي قبل ما تعملي اي فعل او تقولي اي كلمه هترتاحي جدااا ✋
من ترك شيئا لله عوضه الله بأفضل مما ترك
لازم تبقى مقتنعة 100% بده
- اشغلى وقتك اللى كان مليان بيه بحاجه تانيه افضلها الحاجات اللى بينك وبين ربنا صلاة بقى ، ذكر او صوم المهم اي عبادة ودا وبأكد عليها الافضل ودورى ع النت او اسألى شيوخ او أهلك إزاى تقومى بالعبادات دى صح روحانيا وجسديا ولو النية جواكى القرب من ربنا وعملتى العبادات دى بشكل صح هتكسبى اللى يخليكى ماتسأليش تانى وتكتفى باللى بينك وبين ربنا وبس
انتى حتى مش هتحتاجى تكملى قراءة
- انسيه خالص "ودا صعب اكيد" لكن اقنعى نفسك انكوا مش لازم تبقوا مع بعض
ولو هو خير ليكى ربنا هيكتبهولك وهيباركلكوا ف حياتكوا واولادكوا وهيرزقكوا الرضا ببعض بإذن الله
ولو مش خير ليكى ف .... ولازم ترضى و هترضى بأى سيناريو تانى لانه هيبقى رزق ومكافئة ربنا لتضحيتك
اوعي تتكلمي ابوس ايدك 😭😭 اجمدي كده واحتسبي ال بتعمليه لله ده احسنلك واحسنله وده الصح والحلال
اشغلي نفسك ف آي حاجة! ذاكري، اشتغلي، اتعلمي حاجة جديدة، انزلي چيم مثلا!
اخرجي مع صحابك واتبسطي، امسحي اي حاجة تخصهُ من عندك * شات او رقمه او صورهُ * ومع الوقت هتنسي والله، وربنا يريح قلبك.?
تحبى نفسك
مش عارف اقولك ايه بس اصعب حاجه الإنسان يتحكم ف نفسه ولو بقيتى ضعيفه هتندمى كتير خليكى اقوى بنفسك دايما
