انا هكتب الرساله دي وهنام واتمني لما اصحي الاقي حد يرد عليا انا مش جميله شكلا مع اني قريبه من ربنا ولبسي محترم بطلع وحشه اوي ف الصور وبتكسف جدا اتصور وكانت حفله تخرجي واتصورنا كلنا قعدت ابص علي صور اصحابي واشوف قد ايه كل واحده جميله وليها جمالها الخاص المميز وانا لا صوري وحشه جدا ودا تاعبني نفسيا
كل واحد ليه جماله المختلف عن اي حد غيره ، مافيش حد وحش .
ارجعي للسطر إلي قبل الأخير هتلاقي الإجابة 💙
+ 1 💬 message
read all
انتي وانا وكل انسان هوا جوا جسم ملناش دخل فيه ولا لينا اختيار هوا بتستخدميه بس عشان تشوفي تاكلي تشربي تاخدي بالك منه عشان يديكي صحة افضل ف تعيشي افضل ف لو انتي صحتك كويسة ف انتي احسن من نص البشر وهكذا ، المهم انتي جوه الجسم ده عاملة ايه وتفكيرك ايه ولو اي حد بص ع اللي برا ف هوا اللي غلبان مش انتي لان بمرور الايام والسنين هيعرف انه كان فاهم غلط
بيتهيألك، كل واحدة مننا جميلة بشكل مختلف خاص بيها هي.يمكن أنتي مش شايفه دا بس عين حبايبك شيفاه.🤍
مفيش حاجه اسمها مش جميله شكلاً.. الجمال نسبي جمالهم بالنسبالك ممكن يكون بالنسبالي مش جمال والعكس، اما بالنسبه للبس بتاعك فاده اللبس اللى بيحبه الله ورسوله هتمنالك الثبات واتمنيلي الهدايه
لا ي قلبي حبي نفسك محدش كامل واكيد في مميزات تانيه ليكي تعتزي بيها جدا ومميزه انك محترمه ومحتشمه وسط جيل الكاسيات العاريات كفايه انك لأقرب عند ربنا وعاوزه اقولك البنات الحلوه جدا بالعكس هم ال حظهم وحش جدا فالحب والجواز ياما شفت بنات مش جميله وتعليم قليل ومش محترمه كمان واخدت ال بتحبه وصاينها ومخلص جدا ليها وشايفها نجمه في السماء ربنا الرزاق يا حببتي وفي السماء رزقكم وما توعدون
الجمال جمال الروح عارفه اللي شكله مش حلو فعلا دا اكتر شخص مش بيخدع ف الناس الناس بتحري وراء المظاهر والحلاوة والفلوس لكن الناس اللي مش بيهمها الشكل بتدور ع التفاصيل الحلوة والروح الحلوة اللي جوه
لكل بنت جمالها الخاص اهتمي بس انت بنفسك و اعرفي تتصوري ازاي و هتبقي قمرايه
حبي نفسك واعرفي قيمتها مفيش حاجه اسمها انا مش جميلة ممكن حد يكون شايفك احلى واحدة في الدنيا وحد تاني العكس فهو متفاوت من شخص لآخر يعني فمتحطيش في دماغك ده عشان ميبدأش يظهر للي حواليك فيشوفوكي فعلا كده لان اللي بتصدريه للناس بيصدقوا عنك .. وبعدين اختيار ربنا مفيش أجمل وانسب منه لينا❤️❤️
متفهمة ايه اللي ممكن يوصل حد لكدا
اللي أقدر أقوله إنك مش لوحدك وبقول دا لأن الأسوأ من الألم هي الوحدة في الألم
فبكل صدق أنتي مش لوحدك في شعورك يمكن بس عندك مشكلة في التواصل مع العالم.
اللينك دا في سؤال بيدور في نفس الفكرة والشعور اللي كتبتيهم في سؤالك أتمنى تلاقي كلام شافي ليكي ☘️ https://ask.fm/shehabeldin90/answers/153787665117?utm_source=copy_link&utm_medium=android
