واحد من الاخوة المسيحيين صاحب محل فضة كدة كان بيقولي اشمعني الفضة للرجالة حلال والدهب لأ-عندنا كمسلمين-، وان ده معدن وده معدن، ماعرفتش أرد عليه بصراحة عشان مش متخصص ف الدين ف ياريت اللي عنده فكرة يقول الموضوع بجد والله مش هزار.
اول حاجه هتكلم عن وجهه نظري ....بص الانثى في الاصل ليه بتلبس الذهب للتجمل والتزين واكيد التزين ده بيبقى لشخص يعني خليني اوضح الراجل كامل برجولته يعني مش محتاج حاجه يتزين بيها عشان تكمله .......مش معنى ده ان الانثى مش كامله بس الانثى بتحتاج حاجات تكملها فبتتزين بالذهب ....ّ.......اما الفضه فهو مش لبسها عادي فأي حاجه يعني تمام هتكلم بقى من ناحيه علميه الاعجاز العلمي فأن ربنا حرم الذهب على الرجال دون النساء اكتشفوا ان الذهب بيزيد الهرمونات الانثويه عند الذكر وده طبعا مينفعش لانه تغير في خلق الله وفطره الانسان وكمان بسببه هيحدث خلل في الجنس البشري اما الانثى فده مفيد ليها لانه كده بيزيد التكاثر وبيمنع العقم بأذن الله ثانيا اكتشفوا ان اغلب الرجاله الي بيجيلهم زهايمر بيبقى عندهم نسبه ذهب كبيره في الدم ......هتقولي ازاي افهمك..... لما الراجل بيلبس الذهب ذرات الذهب بتدخل داخل الجلد للدم وزي ما قلت هرمونات الرجل مبتنفعش مع الذهب فطبيعي هيحصل خلل تقعد ذرات الذهب في الدم وبعد مده من الزمن تسبب تلف ....مما يؤدي للزهايمر بعكس الانثى الي هرموناتها بتستجيب للذهب وتتفاعل معاه اما الفضه مش بتسبب ده كله نيجي من الناحيه الشرعيه فيها تشبه بالنساء والرسول قال ان ربنا توعد بلعن على المتشبهين من الرجال بالنساء والمتشبهات من النساء بالرجال ....في النهايه..... ربنا عمره ما حرم حاجه الا وليه حكمه مش لازم تكون ظاهر بس اتأكد انها موجوده ✴(وما ينطق عن الهوى ان هو الا وحي يوحى )✴ واتمنى اكون افدك ♥