@mansourhamada1999

Ὅμηρος

Ask @mansourhamada1999

Sort by:

LatestTop

Space🦋••

l0oo_’s Profile Photoω
انا نفسي اقولك
بحبك ..
مرة واحدة
.. بس مرة..
اقول بحبك
..تبقي كافية
إسمحيلي أحس
قلبك ..وابقي قلبك ..
لو تحبي..
اتفضلي.. قلبي
كله ..تحت امرك
..ملك قلبك ..
بعد ربك
..ولا يغلي غالي
..ع اللي غالي
بجد.. زيك
محظوظ بقلبي
.. حقيقي فعلا
..انه حبك
..حب روحك
وإبتسامتك
.. حب قلبك
..ياللي قبلك
..مش حياة
حياتي بيكي
وحتة منك..
يمكن ابنك
ياللي شبهي ..
ف كل حاجة..
حتي سنك
سيبي قلبي..
يعشقك
قلبي دق
ل نبض قلبك
من قبل حتي
م اشوف عيونك..
كنتي حلمي..
ف كنت عارفك
ياللي مفيش..
واحدة ف حلاوتك
مفيش كلام
يوصف جمالك
كل الجمال
وصفه ف كلامك
كل الورد
يشبه لبعضه
وانتي مفيش
في الدنيا شبهك

Related users

Space🕊

nwaged’s Profile PhotoNõùr
أمور كتير متعقدة
كانت جميلة ومش جميلة
ناقصها بس الإهتمام
تفاصيل تفصل م الكلام
أحلام..ما بين الحب وبين
البعد قصص ياما بعدد ل ايام
كان جوا مني ألف حرب
ومبانش مني غير سلام
جوا مني حاجات كتير
رغم إختلافها ف كل شيء
كانت بتشبه بعضها
لمحات قديمة وذكريات
حبة حكاوي وحكايات
من كل حاجة وعكسها
كانت بتسرد نفسها
لما الكلام بيقل مني
كنت بكتب منها
زي شخصية حبيبتي
ف كتاباتي..كانت قريبة
تبان غريبة ورغم حبي كرهتها
كنت اطوف بين البلاد
زي الغريب بعد التعب برجعلها
وعشان احس الحلو فيها
وأرضي بيها
كان عادي ادوق من مرها

+ 2 💬 messages

read all

Write ✍️

متزعليش..اصل الزعل
بايخ عليكي
لو كل حاجة بايخة فيها
ف كل حاجة
حلوة فيكي
ولو الأيام اتعكرت
تصفي بس عشان عينيكي
..لو حاسة قلبي
كان بيكدب أو يجاملك
ف إسالي قلبك دليلك
أو بصي ف مرايتك ل عينك
وهي هتقولك حقيقتك
..وانك انتي حاجة غالية
غالية فعلا مش كلام
بس ناقصك إهتمام
حضن آمن يحتويكي
ب فعل طيب
أو يدوبك بالكلام ..
او حد صافي يصون جمالك
يهديكي قلبه وكل عمره
ويرمي علي قلبك سلام
يبقي عوضك بعد تعبك
يبقي حابك زي م انتي
يبقي ليكي كل حاجة
وتبقي ليه مسك الختام 🧡

Space 🍁

محدش عارف الخير فين،
لكن الخير اكيد موجود
ولو بيننا وبينه حدود
ولو بيننا وبينه سنين.
وعمر الخير ما كان غايب
عن الغايب أو الموجود
ولو أسبابه كانوا غايبين.
وربك رب كل الخير
ف عمر الخير م كان محدود
كتير من الناس بيتأنوا
ويتمنوا واهم عايشين
جزاهم ربهم بالخير..عشان
رغم التعب صابرين وكانوا
لربهم حامدين..راضاهم ربنا
بكرمه عشان راضيين
محدش عمره بات راضي
وقلبه حزين🖤🧡

سيبوا مسدج لحد هنا وانا هرد مكانه💙🍓

ملوش لازمة الكلام
لو آخر كلامنا خصام
تفرق ف ايه يعني
لو كنت حبيتك
وعدي الوقت ونسيتني
وعدي الوقت ونسيتك
بلاش نتعب علي الفاضي
بلاش الوهم يسرقنا
ونعمل روحنا صدقنا
بلاش نندم علي الماضي
وخللي الحب لأوانه
يكون أحسن،نصالح
روحنا علي روحنا
نداري جروحنا م الايام
ويمكن فرصة تجمعنا
ونرجع تاني نتطمن

- أنت تستحق شخص يُحب كل شئ عنك. ⁦❤️⁩ - You deserve someone who loves everything about you.❤️

nohamohamedabdultawab’s Profile Photoكَائِـن البَاندا
انا كنت مرة زمان
شوفتك ف احلامي
شوفتك حورية بحر
كنتي انتي اجمل حلم
آخر طريقك نور
وعجيب جمالك سحر
وف حلمي حبيتك
كونتيلي في المكتوب
وكنت انا المحبوب
وكنت بكتبلك من قبل
م الاقيكي..كل الكلام
ف الشعر موزون عشان
ليكي..مرسوم كما عينيكي
كان قلبي متطمن
بعد التعب يرتاح
كان ليه نصيب فيكي ❤

+ 9 💬 messages

read all

ايه الجمال ال بيخطف انتباهك 👀😊🌷🤍

ع الورد بتميلي
والورد بيجيلك
الورد بيحبك
عاشق تفاصيلك
وانا وردي عازف عود
علي لحنه أغنيلك
كونتيله أكبر خير
لو مطرتك السما
الورد بيشيلك
زي الوطن كنتي
وكان روحه من نيلك
وانا وردي بلدي أصيل
..لو تشكي يوم للورد
يكتب مواويلك
كان يومه من صبحك
كان لونه من نورك
بالليل بيدعيلك🖤🌹

انا جبت اخري وانتوا؟🚶‍♀️

nouragalal976748’s Profile Photoتوت تنهار ليل ونهار ¯◡¯
ع الصبر ياما صبرت
والصبر مصبرليش
وفضلت اوزع حب
م الحب مفضليش
وداوولي جرحي بملح
ورمولي لقمة عيش
ناشفة كما الصخرة
أقدم كمان م الخيش
عزموني علي وجعي
وانا اول المساكين
ف الفرح نسيوني
وسابولي دمع حزين
ناس خاينة للعشرة
قلابة وبوشين
انا قلبي اصله اصيل
وف وصله ماله مثيل
عصر الوجع قلبي
وانا قلبي ملهوش حيل
عمره مجاش علي حد
ولا عمره كان قاسي
ولأجل مهو طيب
ظلموه كتير وقليل

"لا أحد سيعرف إلى أي مدى أنت مُتعب، فـ ظاهرك منظم وتفاصيلك الهادئة لا تشير بمقدار التعب الذي تضمره، ولأنك تبتسم كثيراً لن يشعر بك أحد."

كان الكلام م الهوا
في سطور وحبر وورق
كتب الكلام ف كلام
وحروفه من غير عدد
آخر حدوده السما
منحوس وحظه مفيش
أعور وصابه العما
كان الظهور ع الملأ
والبرد كان قاتل
م الصدمه قلبه اتحرق
ونصيبه كان بايت
زي الطبيخ اندلق
والعمر كان مضمون
والحلم كان وردي
لكن ف غفلة اتسرق
يحلم وحلمه عزيز
والحلو مبيكملش
في الحلم بقا محبوس
أصبح ف لحظة كابوس
علشان ف آخره اتشنق
🖤

ʂραƈҽ🖤"

unknownforever328’s Profile Photo▲استراح̷ـــة م̷ـــحـار̷ب̷▼
عايز اكتب حاجة حلوة
يجيلها يوم تصبح حقيقة
ادفن اوجاعي القديمة
بذكريات مع ناس جديدة
نفسي الفرحة تكون قريبة
نفسي بس تكون سعيدة
حتي لو كانت بعيدة
رغم كل المستحيل
مش حاسسها مستحيلة
يمكن ثقة يمكن يقين
أملي فيها تكون جميلة
مش عايزها تكون عادية
مش عايزها تكون بديلة
وعشان الواقع كله بايخ
خدت م الاحلام وسيلة
وانا حلمي أكبر م الخيال
وجايز حلمي احققه
يصبح حقيقة فيوم وليلة
🖤

اكتب ما شئت •••~🌻

mariamahmed20201533’s Profile Photo*•.¸♡ مَرْيَم *•.¸♡
الناس بتتجنبني عشان مبقولش غير حقيقة،بشوف نفسي طبيعي بس بشوف الناس غريبة،هربان ف اوضتي بكتب بخرج برا اوضتي بكذب،بنام ف حضنك مرة ببعد برجع تاني أدمن،للأسف مش هكابتن انا فكستك مش هبدل🖤🔥

space ✨🌸

haneenhaythem7’s Profile PhotoHaneen Haythem
وجيت الدنيا علي غفلة
وعشت وصلت للعشرين
تاخدني أيام توديني
ومش عارف وصلت
ل ايه وروحت ل فين
غريب تايه ..بعافر ف
الطريق وحدي ومش
بحكي ولو هحكي هقول
ف كلام هيوجع قلبي
ويبكي ..يدوبك بحكي
إحساسي ووجع القلب
من ناسي..ومين فاكر
ومين ناسي..ومر المر
من كاسي..ومش طيب
ولا شرير ولا طايش ولا
راسي..وعشت حزين
وياما صبرت فوق الصبر
ولو خلصت كل الصبر
أجيبه منين.ولو كل الفرح
غايب ومش مقسوملي
فيه نايب .هقاسم مين.
تعبت خلاص من التفكير
انا ف توهة ووضع غريب
ملوش تفسير.بضيع وقت
من عمري علي الفاضي
وياما الوقت ضاع منه
ليالي كتير..وياما
غلطت انا ف حقي وياما
هونت علي نفسي عشان
قدرت ناس جاحدين
وهما ميعرفوش تقدير
يروحوا وياخدوا ايامهم
دي وياهم،مفيش ولا مللي
هيساعهم وهنساهم
كفاية عليا انا روحي
ومشاكلها ،هشيل نفسي
ببلاويها محدش غيري
هيشيلها،كفاية عليكوا
أيامي وجدعنتي،معدتش
تاني هعملها.وهخف الحمل
عن قلبي واشيل الفكر
من راسي وأسيب الدنيا
علي حالها لرب كريم يعدلها

View more

حُ : حيرهَ عِند اللقاء. بْ : بُكاء عِند الفُراق.

abdallahelmasry54321120’s Profile PhotoAbdallah Elmasry
فضلت اقول لسة بدري
وفضلت الأيام بتجري
وكل شيء لسة ثابت
إلا قلبي..كل شيء شكله
باهت شكله بارد
زي شكلي ..كل حاجة
تبان بلونها إلا عمري
لونه كحلي.. لونه
إسود زي حزني
عملت نفسي كنت
ناسي وكنت فاكر
كان إمتحاني وكنت
داخل مش مذاكر
زي مشاكلي كنت اسيبها
وكنت دايما بتجاوزها
سبت أحلامي الجميلة
المستحيلة لحد تاني
يكون عاوزها..رميت
بواقي الذكريات للذكريات
سبت القطر العمر عدي
مبقتش بسأل ع النهاردة
ولا عدت ببكي ع اللي فات
ومهما عشت عشان
أصلح ف اللي راح
أو حتي اداوي ف الجراح
هييجي يوم ويقولوا مات🖤

لو حسيت أنك مش فارق بتعمل اي ؟

Sarasabry0099’s Profile PhotoSara ✨
مكانش مكتوبلي إني
أكمل ف اللي فاتني
أو اني أحاول مرة
تانية مع اللي سيبته
أو اللي سابني
مكانش مكتوبلي
قصة تكمل لنهايتها
يمكن نسيت كل
القصص علشان نسيتها
بس لسة فيه ذكري
فاضلة..لو قولت ناسي
كل حاجة ابقي بكدب.
مكانش مكتوبلي
حاجات كتير..بس
كان مكتوبلي أكتب
كنت بشرب
م المرار ومن المرار
أصب..وأكتب
كنت بهرب من هزايمي
لحبر قلمي
كنت بكتب حبي ليها
وكنت بوصف كل ألمي
وقبل م اكتب كلمة
واحدة ..كنت أسمي
كنت أخاف ليحسدوني
علي الكلام والكلام
لوحده هو اللي فاضلي.

كيف حالُك؟

حالي الحالي
هو حالك هو حالهم
كلنا شايلين بجد
عمر غيرنا ما شالنا حد.
واللي ياما تعبنا ليهم
عدي وقت تعبنا منهم.
حطوا بيننا الف حد
وحيطة سد.
حالي عادي وزيي زيك
حيرتي حيرتك
يومي يومك نسخة منك
نفس الهموم نفس الغيوم
اللي لازماك زي ضلك.
وبرضو داري بوحدتك
لساك وحيد لساك بعيد
لسة مش لاقي إللي شبهك
اللي ليه تشكيله همك
او اللي هيقاسمك ف
فرحك أو ف زعلك.
واهو دا اللي واجعك!
إنك بطولك وإنك لوحدك.
بس لو محتاج لحد!
هبقي ساندك
هبقي جمبك
من غير سؤال
عشان انا فاهمك وحاسك

Space 🕊️

arwa2018882’s Profile Photoarwa
وجايز الصدفة تجمعنا
ونتقابل ونتكلم.
في دنيا تانية ليها معني
مفيش فيها غيرنا يسمعنا
وتقوللي ع اللي فات كله
وتحضن قلبي وتسلم
وأسيبلك كل حكاياتي
وبعد اما الكلام يخلص
هسيبك تمشي من تاني
وأكمل عمري ع الذكري
واعيش من تاني وحداني
وعادي الوحدة مش صعبة
عشان في الوحدة انا لاقيتك
ويمكن حتي حبيتها وحبيتك.
ومهما توهت ف الوحدة
بقلبك عارفة تلاقيني
ورغم البعد وقساوته
وجودك وحده في الدنيا
بعد الموت بيحييني 🖤❤

جزء كبير من محبة المرء لنفسه وتقديره لها قادم من اختياراته، اختيارات البيئة، اختيارات الأصدقاء، اختيارات التعليم والعمل، والجزء الآخر قادم من حضن العائلة ودعمها.

salmamostafa545’s Profile PhotoSalma Mostafa
حقيقي ي سلمي💙🖤🥀

Space ✨

haidydabish_’s Profile Photoهيوضه ✨
احكيلك ايه وانتي كل
الكلام في عينيكي!
وعينيكي حلوة بشكل!
تيجي ايه بنت الجيران
فيكي..انا قلبي مال ليكي
ساحرة وواخدة العقل
من نظرة عيني تحب!
يعشق كمان القلب!
والروح تروح مني
ف ابدا اقول ف كلام
وأسرح كمان فيكي !
بصراحة تتحبي
بشهادة من قلبي
وشهادة من ربك
علشان محليكي
ربي يخليكي. ❤

SpaCe🦋✨

معدتش بحسب الأيام.
معدتش ببكي ع الاحلام.
مفيش راحة بقت بتدوم
عشان غرقان ف بحر هموم
ومش مرتاح ل اي كلام
مفيش فرصة أحب جديد.
ولو حبيت مبتحبش
ولو مهتم بتهمش
وحلمي بسيط لكنه بعيد
قالولي الفرح ليه وقته
وانا لسة مجاش وقتي
وحزني كمان ملوش مواعيد
ولا بهرب ولا بواجه
بسيب نفسي ل اي ظروف
عشان بضعف ومش هعرف
اصلح ماضي بقا ماضي
ومش متعب علي الفاضي
وآخر كل شيء معروف.🖤

مهما اتكعبلت في ناس غلط ؛ مسيرك ف النهاية تقابل اللي يكملك ، ويشبهك .. على نياتكم ترزقون .. زى م نكون هنقابل ، وزى م هنعمل هنلاقي .. الطيور على أشكالها تقع ، والقلوب على نقاءها تقع ، والأرواح الطيبة مع أشباهها تقع🤍🕊️

Zo3aaSamir’s Profile PhotoDoaa Samir
يا رب تقعي ف حبي🖤

Next

Language: English