ازاي اغسل الهدوم البيضاء لان بحطها ف الغساله مبتنضفش 🤔
انا بحطها و معاها كلور و مسحوق و الغساله تملى مايه و تلف لفتين و اوقفها و اسيبهم يتنقعوا ساعه مثلا او ساعتين و بعدين اشغل الغساله تكمل عادى بيطلعوا تحفه و ممكن تظبطى الحرارة و تغسلى ب مايه سخنه بردو هيفرق اوى .. الغساله اللى عندى فوق اوتوماتيك.
محتاجة اخس اوي فارايك ايه انزل جيم والا اعمل تمارين ف البيت ؟
ظبطى اكلك مع رياضه حتى لو مشى بس و اشربي مايه كتير
هو عادي أن الإنسان تتغير أفكاره ومبادئه مع الوقت !
اه عادى
دكتورة بس الاكونت بتاعها كله كوميك
ده يقلل من قيمتها ويخلى الناس تشوفها تافهة من وجهة نظرك ؟
هى الدكاترة مش بيهزروا؟؟ جماعه بجد فى ناس بتفكر كده!
اخبارك ؟ عايزه اسألك سؤال ممكن ؟ ✨
طبعا ممكن
لو انتي بتشتغلي وتقدمتي في الشغل وخد من وقتك كتير و جيتي في مرحله ما لقيتي ان بيتك بقي مهمل جدا ولازم تاخدي قرار تكملي فشغلك او تهملي ف بيتك و اولادك هتعملي ايه ؟
فى اولويات فى حياتنا و الشغل بالنسبه للبنت اه مهم بس مستحيل يكون اهم من ولادى و بيتى . ولادى عموما مينفعش اصلا يتحطوا فى مقارنه بأى حاجه الدنيا .
انتى بطبيعتك هاديه كدا مع اللي تعرفيهم واللي مش تعرفيهم والا ايه
انا هاديه مع اللى مش طيقاهم غير كده ببقى مش هادية
ايه اللي وحشك ف الجامعه
ولا اى حاجه
لو واحد خاطب وبيكلم بنات كتير يبقا ناقصه ايه ؟
ربايه
ملامحك وتفاصيلك حلوين اوي اوي ي مريومه ❤️❤️🤗
هو شكرا ليكى طبعا بس مش بحب مريومه دى 😂♥️♥️
فيه وحده بقالها ٥ سنين بتاذينى فى كل مره بقول فيها دعاء معين بيحصلها حاجه كبيره اوى فقلبى مش بيستحمل ان اشوف حد بيحصل فيه حاجه وحشه فقوم اجرى على ربنا واطلب منه يشيل عنها وانى مسامحها فتخرج من اللى كانت فيه وترجع تاذينى فارجع اعمل كدا تانى هى رجعت اذتنى وانا مش قادره حتى ادعى عليها تانى اعمل ايه 🥺