مستعد تتخلى عن روتين حياتك وكل شي بنيته..إذا صحتلك سفرة دائمة؟؟
اي
معجبة بحدا ؟
لا
عفكرة انت حلوة
وين الجديد بالموضوع🙂
بتعاتب ولا بتتجاهل يلي زعجك؟
كنت عاتب بس هلق بتجاهل تماما وماعاد في شي ممكن يأثر فيني 💔
شي حلو على ذوقك
لماذا دائمًا هي؟ ليست أجملهن، ليست ألطفهن، وثمة نساء أنت تعرف أنهن يحبونك عنها؛ لماذا دائمًا هي؟ لماذا دائمًا ومهما غدوتَ وعاشرت قلوب النساء، يبقى لقلبك عذريته في حبك لها؟ لماذا دائمًا هي؟يا عزيزي.. لأنها لم تكن يومًا إلا هي، أقصد أنها لم تحتَج أكثر من طبيعتها لأُجن بها، لم تكن صورة مزيفة مثل الأخريات، كانت هي دائمًا بضحكتها الطفولية وطريقتها البريئة في التعبير عن مشاعرها؛ ففي لحظات سعادتها -وهي تلك التي تجاوزت العشرين- تشعر وكأنها فتاة في العاشرة، ترقص وتبتهج كما لو أنها تريد أن يضحك ويرقص العالم معها، وفي حزنها تعود أكثر طفولة، تعود لغرفتها وتنطوي ثم تبكي كالأطفال رغم كثرة الذين حولها لم تبكي يومًا أمام أحد، كانت ترفض إحساس الشفقة من أي شخص.. هي تشبه الإسكندرية؛ مهما غدونا وذهبنا لأماكن ربما أكثر فخامة وجمالًا منها يبقى للإسكندرية سحر خاص، كذلك هي، ربما هناك من هنَّ أجمل منها، لكن وبالنسبة لي لم ولن أرى في حياتي أجمل منها؛ لأن جمالها يسكن القلب قبل العين، تستطيع بابتسامتها محو كل آثار الوجع من قلبي، تمامًا كما يمحِ الموج آثار الأقدام على الشاطئ.. لأنها تشبه الأم، مهما التقيت بنساءٍ يبقى الأمان والدفء بين ذراعيها.. لأنها وبكل بساطة الفتاة التي لم تتجمل إلا لنفسها، لم تنافق أحدًا، لم تخادع أحدًا، حتى في لحظات غضبها لا تستطيع تحمل طفل يبكي أمامها؛ أي مجنون هذا الذي يفكر في الارتباط بعد فتاة كانت بمثابة الوطن، والأهل، والأصدقاء، والعالم؟ يمكنني الارتباط بأي فتاة، لكن كيف يمكنني تعويض ارتباطي بالعالم؟ ولقد كانت هي دائمًا العالم.
جربت كتير اني كون مرتاحة بس ماني مبسوطة لهيك بتوقع لما كون مبسوطة بتصير نفسيتي مرتاحة
اليوم فقتو متفائلين ولا متشائمين 🚶♀️🚶♀️
متفائلة الحمدلله 😍
شي حلو على ذوقك
لما سألوني كيف تخطيتي زعلك عليه جاوبت: "انا كنت متل العاده قاعده عم ابكي عليه بقهر،بشوف بابا واقف عالباب عم يطلع فيني مقهور الصراحه مو مقهور مكسور،انا مسحت دموعي بسرعه وقلتلو شوفي بابا هون جاوبني جواب من بعدو ماعدت فكرت بحدا خالص، قلي: شو قدملك هو اكتر مني حتى شوفك مقهوره عليه،قلي: يابنتي انا ربيتك 20 سنه برموش عيوني داريكي واتقصد عمري مابكيكي،معقول هو يجي يبكيكي؟! وفتل ضهرو ومشي بابا. من ساعتها لليوم انا عمري مابكيت ع شي 🤍
مساحه😌
كل شي شاف السؤال ويلي ماشافو انشالله الله بيوفقك بحياتك💙💙🖤وبيرزقك حسب نيتك يااارب🖤🖤💙💙🤍💗
آمين
شي حلو على ذوقك
مارح يتغير شي إذا استمريت بنفس الدوامةليش هيك صار ؟ ليش أنا ؟! وليش ؟؟؟عايش زعلان وعم تتذكر 100موقف بشع صار معك وتشحن حالك بالغضب سؤال ؛ " ما ملّيت؟ "غيّر من حالك ؛ساوي شي بتحبو ؛حاول تفكر بهدف جديد لحياتك أو مكان جديد بدك توصلو أو قرب من ناس إيجابيين ؛اقرأ كتاب أطلع مشوار ؛ تابع مسلسل شوف اعمل يلي بدك ياه المهم تطلع من الاكتئاب ؛والزعل وجَلد الذات يلي عايش فيهن ؛ورح يخلصوا عليك قبل ما أنت تخلّص عليهناستمر بحياتك ؛في كتير قصص حلوة ؛في أنت
مساحة 💕
ما البلدان التي تتمنى زيارتها؟
إيطاليا تركيا المانيا كندا الامارات لك اي مكان غير سوريا
شي حلو على ذوقك
من حقك طبعاً أنّك تنقبل قبول غير مشروط و تنحبّ بكلّ عيوبك و كلّ اللي فيك . بس هي نص الحقيقة ، نص الحقيقة اللي ما فيها أي مجهود منك ؛ أمّا النص التاني هوي مجهودك وتعبك على حالك للأحسن .يعني مو من النضج أننا ننادي بشعارات الحبّ و القبول الغير مشروط و بعدها خلص نقعد بدون ما نقدّم شي لأن خلص نحنا هيك هيك محبوبين و مقبولين
مو صح ؛ لأن ما حدا مسؤول خالص عن أي سلوك ناتج عن أذى أنت اتعرضتلو و بالتالي أصبح عيب و مو من النضج تنطر يلّي حواليك وبِحبّوك يجتهدوا ليساعدوك ويتقبّلوك بكل حالاتكاللي حواليك بيقبلوك متل ما أنت لأنّو بدّهن ياك أحسن و أنت بتحبّ عيوبك مشان تقدر تعالجها ؛ مو مشان تضل متل ما أنت بنفس النسخة طول حياتكنحنا موجودين ب حياة بعض مسؤولين ك دعم و سند و قبول و حب و مشاركة ب طريق بعض ، بس مو مسؤولين خالص عن بعض ك علاج و إصلاح و تطوير . ف هيي معادلة ؛ متل ما في حب و قبول غير مشروط في مقابيلهن شغل على نفسك و تغيير حتى لو محاولات
لمجرّد أنّك خسرتني كصديق هذا لا يعني أنّي أصبحتُ عدوّك ، أنا أكبرُ من هذا الهُراء ، كلّ ما أتمنّاه أن تكون بخير ولكن بعيداً عنّي.
تماما 💔
ماذا لو عاد معتذراً؟🖤
والله لو غاب للمرة المائة بعد المليون وعادا معتذرا وانا اعلم أنه سيرحل في اليوم التالي لعذرته وفتحت له باب القلب وبكيته شوقا أحببته لست ادري مااحب به حتا خطاياه ماعادت خطاياه💚