ليش البنت بتحط صورها عالمواقع ومش راضيه تفهم انو هيه زي الجوهره وكرمها الاسلام بالستر وما لازم يشوف جمالها الا محارمها وانو هذا الاشي تكريم الها وحفظ مش انطواء وتشدد وتعصب ومن هالامور السلبيه؟؟؟ امانه جاوبو حاب اعرف شو القصد والموضوع للنقاش لا اكثر ولا اقل
يمكن بوافقك بس مش ١٠٠% ..
انا بحط صوري وما بحس انه انتقاص
يمكن بتفكيرهن بيشوفو انها حريه شخصيه رغم انه انا مع حكيك وبشوفه اشي غلط وماله داعي وبعيد عن دينا وثقافتنا
صح ميه ميه
كل حد حر بنفسه !
جمال؟ انت ما بتقصد الوضع بالاردن صح ؟
كلامك يرفعله القبعة... واحكيلك ليش...لانه البنت بتعمل هيك لاسباب كثيره ومن هالاسباب "الغيرة من صاحباتها" انه هي صاحبتي بتصور الأماكن اللي بتروح عليهم و بتاخد سلفي عادي وانا لا.. والله غير اعمل زيها...سبب ثاني "تقليد المشاهير" بصير عند البنت رد فعل من هالفئة انه اي اشي بتعمله المشهوره رح اعمله حتى لو كانت محجبه و تخلع حجابها رح اعمل زيها واصور وانزل واذا هالمشهوره ارتبطت برضه انا ليش لا ليش ما ارتبط وانزل صوري مع الكراش... سبب ثاني "ضغط الأهل" انه مدام بتضغطو علي اتحجب رح انزل صوري عناد فيكم وألبس اللي بدي اياه طبعا بخيال البنت انه اهلي مش متطورين ولا منفتحين على الحياة ف هما مش عارفين الصح من الغلط ل الي..وطبعا اللي بتفكر بهيك طريقة بس بحكي الله يكون بعون الاب و الام... والله يهدينا جميعا ويثبتنا على الطريق الصحيح ❤️
جماعة ال open minded كترانين 🙂
لانو ما في زلمه ولا دين يمنعها
اولا البنت مش جوهرة هي انسان
ثانيا هاي حرية شخصية وما بشوف فيها مشكلة
مجرد رأي اتمنى انك تتقبله