عشان دخلنا سنه 1437هــ ؟ حبيتء اقولش ! الله يسعدش سعادهه ابديه،ولا يحرمش من كل شخص تحبه وتعزه،الله يبعد عن قلبش كل مكروه وكل هم تحس فيه،الله يحميش من الناس الي تتمنئ لكم الشر ويكفيش شرهم،الله يغفر كل ذنوبش يارب،الله يسعدش سعاده تقطر مثل قطرات المطر علئ قلبش ومبسمش ،الله يجعل كل ايامش سعاده ??.
أصبحنا وأصبح الملك لله ❤ ، تحب تداوم مواصل ولا شبعان نوم ؟
َصباح الخير ، و من هذا المنبر و قبل ذهابي للمستشفى- انصح كُل النصح ، لا تداومون مواصلين ، والله مو زين . اقل شيء يبان في وجهكم الارهاق و الهالات السوداء. باللاضافه الى آثار قلة النوم و هي الضحك على اي شيء قدامك- هيستيريا. اسأل مجرب ???.
َالصدق ما يجذبني الي مشهورين بالانستا على انهم كوميديين و غصب يضحكون العالم و هم اصلاً سماجه س م ا ج هـ يقولك توقف عن جعل الاغبياء مشاهير ، سبحان الله حنا وش سوينا ؟ رفعناهم الين وصلوا فوق مية الف متابع على غير سنع - الا ان كان تعدلوا و بدأوا يعكسون صورة كويسه ، و حددوا اهدافهم و انتبهوا للكوميديا الي يطرحونها . سواء كانوا انستا ، سناب ، يوتيوب او الي بتويتر ?
ممكن جُرعة تفآئل وحب للدرآسه الجامعية ،لأني مستوى اول وافكر اوقف لعدة اسباب !
َاتوقع الحين مضى بداية الترم يعني صرنا بالمنتصف ، و صار البعض يختبر شهري. يعني المفروض تعودتي على الدوام يا للغاليه . دام نفسيتك ما تحسنت منذ بداية الترم ، و عندك فرصه تأجلين ، أجلي ! او اعتذري عن الترم. بس السؤال هنا ! ليش بتأجلين وش المانع ! انو ما حبيتي دراسة الجامعه ؟ يا شيخه انتظري شوي بس وشوفي كيف تتعودين على الجامعه و كيف تحبينها و تتعمقين فيها. واذا على الصديقات راح تكونين صديقات شوفي قدام ثمان مستويات. اذا على الصعوبة فـ ابدأي من هاللحظه ذاكري و ماتعمتدين ع اي احد في المعلومه ، ابحثي عن معلومتك بنفسك من دكتورتك او من الطالبات الي مجتهدات. و فكري فيها بعدين انو بتتعودين ع الملازم و المذاكره و بتبدأين تفهمين كيف تدرسين و كذا. اهم شي اول بأول - نصيحة لا تأجلين المذاكره و تراكمين المواد عليك. طيب من ناحية التأجيل: ايش بتستفيدين من قعدة البيت- كله نوم وسهر و ملل و جوال و مسلسلات - ماحب هالجو اطلاقاً . عندك ويكند واجازات بتستانسين. كل يوم اصحي و صلي واقري اذكارك ، و تكشخي ى داومي . كوني اجتماعيه شوي بتحبين الجامعه. اذا خلاص مره مره - وقفي ، و سوي تحويل لتخصص ثاني ترغبين فيه . الله يوفقك و يعينك?
بكرة الأحد ، يعني بكرة نتايج الوالدة الله يحفظها فأتمنى دعواتكم لها في ظهر الغيب ، اللهم اكفي امي شر الأمراض و مصائب الحياة و ارزقها خبر مفرح ياربي ?
َ الله يشافي امك ى يعافيها و يجعل ما اصابها كفارةً لذنوبها . لا تنسينها من الدعاء - سبحان الله ، الله كريم رحيم. الله يشافي امك وامي و امهات المسلمين و يخليها لكم?