مساحه 🙈
البداية حلوة , بس النهايات كيف بتكون ..
بالغالب أي اشي بنهايته بكون صعب !
وممكن تكون أصعب الثواني والدقائق والساعات والأيام , بس لإنها الأخيرة
على سبيل المثال بالافلام " الواقعية " بتكون أخر لحظات الفيلم محزنة , لانه الواقع هيك للأسف 🙁
مو ضروري كمية الوقت يلي ضلت للحدث أو العلاقة أو لأي اشي مهما كان , بس هي اللحظات يلي بتمر بأخرها بتكون أصعب اشي ..
- لحظات مثل الزعل لنهاية علاقة طويلة بين صديقين قريبين من بعض , أو حبيبين ما سمحت الظروف الهم يستمروا !
- لحظات الكره لشخص عاملك بأشياء أنت ما بتقدر عليها أو زعجك بأكثر من شغلة خلتك ما تحبه وتصير تكره , هي نفسها اللحظات الأخيرة قبل ما يموت ممكن تغير رأيك بالإنسان وتسامحه !
- لحظات الرضا , الرضا يلي من داخل نفسك أنت , أنك تكون راضي عن حياتك بصعوبتها وبقساوتها, الرضا المادي قبل المعنوي من الدنيا يلي عايش فيها , بس لما تختلف عيشتك ومقررات حياتك رح يختلف باب الرضا عندك وشكل الرضا عندك وفكرة الرضا عندك , بتبطل تشبع وبنعدم معنى الرضا !
- لحظات الفراق , فراق على فراش الموت والحالة يلي بين أيديك أنت يا دكتور شبه محسوم أمرها وأنت عارف إنها خلال ساعات رح تكون متوفيه , صعبة هالحالة وبتعرف إنها صعبة بس بتكون بتحاول يلي بتقدر عليه لانك بالنهاية أنت مخول بالمحاولة مو أكثر , وبتوكل أمرك لله على يلي عملته !
- لحظات ذكرياتك وماضيك وحاضرك ومستقبلك , كل وقت كان يمر أنت ممكن تتندم وتتمنى يوقف الزمن على أشياء معينة ولو شوي بس , بس ما في مكان الا واله نهاية , ما في كلمة الا والها نهاية , ما في فنجان قهوة بتسربه الا واله وقت ليبرد مهما كان يلي معك ومهما كان المكان يلي بتشرب فيه قهوتك !
اللحظات الأخيرة بكل اشي صعبة , وبدك كثير كثير كثير وقت لحتى تنمسح من ذاكرتك هاي اللحظات الصعبة 💔
بالغالب أي اشي بنهايته بكون صعب !
وممكن تكون أصعب الثواني والدقائق والساعات والأيام , بس لإنها الأخيرة
على سبيل المثال بالافلام " الواقعية " بتكون أخر لحظات الفيلم محزنة , لانه الواقع هيك للأسف 🙁
مو ضروري كمية الوقت يلي ضلت للحدث أو العلاقة أو لأي اشي مهما كان , بس هي اللحظات يلي بتمر بأخرها بتكون أصعب اشي ..
- لحظات مثل الزعل لنهاية علاقة طويلة بين صديقين قريبين من بعض , أو حبيبين ما سمحت الظروف الهم يستمروا !
- لحظات الكره لشخص عاملك بأشياء أنت ما بتقدر عليها أو زعجك بأكثر من شغلة خلتك ما تحبه وتصير تكره , هي نفسها اللحظات الأخيرة قبل ما يموت ممكن تغير رأيك بالإنسان وتسامحه !
- لحظات الرضا , الرضا يلي من داخل نفسك أنت , أنك تكون راضي عن حياتك بصعوبتها وبقساوتها, الرضا المادي قبل المعنوي من الدنيا يلي عايش فيها , بس لما تختلف عيشتك ومقررات حياتك رح يختلف باب الرضا عندك وشكل الرضا عندك وفكرة الرضا عندك , بتبطل تشبع وبنعدم معنى الرضا !
- لحظات الفراق , فراق على فراش الموت والحالة يلي بين أيديك أنت يا دكتور شبه محسوم أمرها وأنت عارف إنها خلال ساعات رح تكون متوفيه , صعبة هالحالة وبتعرف إنها صعبة بس بتكون بتحاول يلي بتقدر عليه لانك بالنهاية أنت مخول بالمحاولة مو أكثر , وبتوكل أمرك لله على يلي عملته !
- لحظات ذكرياتك وماضيك وحاضرك ومستقبلك , كل وقت كان يمر أنت ممكن تتندم وتتمنى يوقف الزمن على أشياء معينة ولو شوي بس , بس ما في مكان الا واله نهاية , ما في كلمة الا والها نهاية , ما في فنجان قهوة بتسربه الا واله وقت ليبرد مهما كان يلي معك ومهما كان المكان يلي بتشرب فيه قهوتك !
اللحظات الأخيرة بكل اشي صعبة , وبدك كثير كثير كثير وقت لحتى تنمسح من ذاكرتك هاي اللحظات الصعبة 💔
