مع الوقت هتبطل تصدق في فكرة العشرة وسنين المعرفة الكتير ، هتكتشف ان في ناس ممكن تكون عرفتهم لمدة زمنية قصيره بس ولاد اصول ويستاهلوا يبقوا اقرب ناس ليك وناس تعرفهم من سنين وبينك وبينهم عيش وملح بس مش بيصونوه ، وهتتأكد ان العبره بالمواقف والافعال مش بسنين المعرفة الزايفة.
انت لولا ماضيك السيئ ده عمرك ما كنت هتكون النسخه الناضجه و الواعيه و الحذره دي دلوقتي ، ف بدل ما تفضل تزعل علي ماضيك خليك فخور بيه شويه عشان خلاك شخص كويس ، حتي لو انت مش شايف نفسك كدة بس اكيد انت احسن من زمان
مش دايمًا الإنسحاب بيكون هزيمة أو ضعف أحيانًا بيبقى عين العقل ومُنتهى القوة؛ إنّك تنسحب من عِلاقة بتستنزفك، إنّك تبعد عن ناس بتسلب منّك سلامك النفسي، إنّك تبطّل تروح مكان بيحسسك بالغُربة وكُل الموّجودين فيه مش شبهك وبيضغطوا عليك.. في حاجات لازم تنسحب منها وما ينفعش معاها المُحاولات
ياريت كل الى يعرفني سواء سوشيال أو فى الواقع يقولي على كل السلبيات إلى فيا انا عارف بعض منها بس ممكن يكون انا بعمل حاجه و مش واخد بالى منها وبإذن الله هتشوفوا انسان جديد غير إلى تعرفوه انا عايز اشوف نفسى من عنيكوا علشان اعرف فين الغلط وابدأ اصلحه وذى ما بيقولوا ما خاب من استشار وشكرا لكم مقدما💪🏻🖤