Okay I don't love the way you delete your answers on my questions every time ! I promise u , i'll not send any questions again because the deleting annoying me
انا بصيتلها حسيت ان لو حد شافها ممكن يقول اني سببتلك احراج يعني، ف مسحتها بس
انا عشت اكتر مراهقة غريبه ومشرده وملتزمه ممكن تجتمع في شخص واحد من نحية كنت مكون شلة (شحاته معلبه) الي بتسرق الاكل من العيال كنت لازم اروح المدرسه بلزق واكتب علي ورق شتايم والزقه علي ظهور العيال في الفسحه واسيبهم يمشو بيه 😂 كنت بتطرد في كل حصة انجليزي تقريبا وحصص الدين كنا بنخلي المدرسه تعيط ومن جانب تاني كنت بطلع التاني او التالت عالمدرسه كنت مصاحب شلة الي بيشربو حشيش وبيسهرو برا وشكلاتيه، وكنت باخد منهم الصفات الحلوه زي الجدعنه والجيم وصحوبية الناس كنت مؤذي كنت برن الجرس والزقه بأمير يفضل يرن 😂 وكنت برخم علي السواقين والناس في الموبايلات، من نحية تانيه كنت ملتزم في الصلاة .. في النهاية كل التجارب والافكار دي عيشتها ولفيت كتير لحد م كونت شخصية زقزوقيه سبيشيال
مش بثير فضولك ولا حاجة والله هي الفكرة اني حبيت اوضحلك انك انضف بكتير من الكلام الي بيقولوه عنك واحترمتك اكتر لما مرضتش تعرف هما مين ودة دليل علي نقاء قلبك وانك مش عايز تخسرهم
انا مسحته عشان مش بفضل يكون فيه ليا حاجه شخصيه علي الاسك، اما بالنسبه ليه مجاوبتش، انا خدتها سكرين وحطيتها ستوري عالواتس محبتش استمر معاكي في الكلام عنهم عشان متقوليش ليا كلام عن حد بإسمه ف معرفش اصفاله تاني. لكن لو مش هتستمري في كلامك عنهم ف بيس نتكلم عادي 😂
في إطار الوقت يصبح الممكن مستحيلا والمستحيل ممكنا، يقسو قلبك ثم يحنو، يزداد علمك ثم جهلك تصبح حزينا ثم سعيدا تأتيك فرصة وتفقد أخرى، ولكن ومن ضمن كل هذا يوجد ما يسمي ب "سوء الوقت" وهو وقت يأتيك فيه ما كنت تتمناه بشده ولكن بعد انقضاء وقته فيمر شغفه وينطفئ بريقه أو لا يأتي وتتغير أنت لتزهد فيه زهود العُبّاد يكون كل شيء مناسبا ولكن الظروف مخالفة لك، ثم تتهيأ الظروف لكل شيء وتفقد شغفك في إطار الوقت تحب ثم تكره ثم تسعي ثم تتوقف قلما تتهيأ الفرص وعندما تتهيأ تكون انت غير متهيء الوقت هو كل شيء، فانتظر ولا تراني الآن.. فانت لا تري سوي انعكاسي المشوه قليل الحيلة في ظروف لا تعكس طبيعتي فانتظر ولا تقترب فالاقتراب اكثر من اللازم قد يضرك تمهل وارفق بحالي، فما أنا سوي بائس يطوي الزمن والزمن طاويه انظر إلي بعين التدبر لا بعين التحجر ولا تري بداخلي صخرة ولا بخارجي صنما، لكن انظر إلي كسجين في زنزانة الوقت لن اتحرر منها مالم تنقضي مدة عقوبتي وارفق بي 🙏💖
هو بصراحه ليا مواقف كتير غريبه، لكن الموقف دا بالذات غريب جدا كنت بصلي في المسجد، في آخر صف عشان جاي متأخر وقام جاي شخص بيصلي جمبي صعيدي، المهم لحقنا ركعه من الجماعه ولسالنا ٣ ركعات، لسه قايم عشان اصليهم لقيت الصعيدي دا الي كان جمبي فالصف قام ساحبني وواقف جمبي- للي ميعرفش، لو شخص سحبك يبقي عاوزك تصلي بيه امام - بس دا طبعا لوشخص ملحقش الجماعه، انما دا لحقها وكان جمبي فالصف، فانا مخي بدأ يفكر هو ساحبني ليه. فيه تار وبيتداري فيا، عاوز يخرج من الصف والجو برد فاخدني جمبه اونسه.. طيب هو فيه حاجه اصلا اسمها كدا الواجل دا اكيد مذهبه مالكي، هم المالكيه الي مذهبهم ممكن يعمل كدا، طيب اعمل ايه اصلي امام ولا اعمل ايه هبان عبيط اوي 😂 طيب المهم كل دا جه فعقلي وانا متوتر جدا طبعا وعارف اني لو صليت بيه امام فدا غلط، استنيت في اول ركعه حد ييجي يقف جمبه عشان اصلي امام وانا مرتاح اني بعمل حاجه صح، لكن محدش جه.. فضلت واقف بتاع نص ساعه فالركعه الاولي لكن محدش جه والجامع مش بيفضي 😂💔، مكانش قدامي غير اني اركع قمت راكع وقايل الله اكبر ف سري، ممكن يكون غلطان ومش قصده اني اصلي بيه امام، لكن لقيته قام راكع ورايا 😂 ولقيته بيقلدني.. والناس بتبص وانا محروج ارفع صوتي بالتكبير الركعه الاولي صليتها كدا، حرفيا كانت اطول ركعه في حياتي، بعدين رفعت صوتي بقي فالباقي عشان مفيش جماعه تانيه تتعمل في المسجد بما ان الشخصدا هيفضل لازقلي كدا 😂 بعد الصلا لقيته بيشاكلني عشان صوتي كان واطي 😂 قمت مفهمه وقولتله مفيش حاجه اسمها الي انت عملتها كدا ومن ساعتها وانا بروح بدري لو هصلي جماعه 😂
اما دكتورة الكميونتي تبص عليا وشفايفها تبدأ تتحرك وهي لسه سأله الي قبلي سؤال في موضوع معرفوش 🙆♂️
ش اكثر آيه أثرت فيك ؟.❤️❤️
"وأشرقت الأرض بنور ربها " لكم هي عظيمة هذه الآية، يقشعر لها بدني وتدمع منها عيناي، وتبعث في نفسي أملا بأن هناك غدا به إشراقة ربانية حيث يمحي كل ضوء وكل شيء ويبقي نوره عز وجل.
اشتقت ل؟؟💜
وقوفي في المرآه بجانب اختي واستعجال امي لنا لتأخرنا علي المدرسه 💖
| السبب في فشل العلاقات؟.
الفنانه اليسا جمعتها في رائعة "مش كل الي بنحبهم هيكونو لينا" يرجي الرجوع للمصدر
• لماذا يزداد الرجل تعلقاً بالمرأة التي ترفضه .!؟
احنا اتخلقنا كرجاله في رحله دائمة من البحث، البحث دا بدأ بالبحث عن الطعام والشراب لغاية ايامنا الحاليه بالبحث عن المفاتيح والمحفظه. فمع البحث المستمر دا انطبع في فكرنا ان الي بيجري بعيد لازم نطارده ونجري وراه لحد منجيبه. ومن هنا جت المرأه الي بتهرب فبينما انت في امان الله بتبحث عن الطمأنينه وأكله حلوه اذا بك فجأه تلاقي موزه ايوه موزه وشكلها حلو فانت تطاردها "خدي هنا ابت داء فسداغك" فهي تقولك لا تخيل انت بقي كدا اجدادك ونسبك الي كانو بيصطادو حيتان وديناصورات يبصولك ازاي بعد انت مش عارف تصطاد حتة بت فهنا بيظهر جينات الغباء والتعلق بما ليس لك او مطاردة الوهم .. وقد تظل تطارد السراب حتى تدرك انه سراباً فتمل من المطارده او قد لا تمل من المطارده برغم كونه سرابا فتصبح عالهائم في البطحاء خلف سراب الماء ليروي عطشه وما هو براويه وهذا ما نجده في قصص كمجنون ليلي او قد تظل تطارده وتحصله وهذا والله لهو فوز عظيم لقلبك