= ممكن تبصي من البلكونة ؟- اشمعني ؟= مش طول عمرك بتقولي عليا اني مش رومانسي ومبفهمش ؟- اتعودت بقي خلاص = طب بصي من البلكونة - انت تحت يعني ؟ .. واقف بشيكولاته ؟= لأ - جايب ورد ؟ .. موقف صحابك ببانر كبير مكتوب عليه marry me = هو ده آخرك في الرومانسية ؟- بصيت مش شايفة حاجة = لا في .. شايفة الورقة البيضا اللي قدام البيت عندكو ؟- المعفنه دي ؟= هي كانت حلوة بس في واحد داس عليها معلش .. انزلي خديها وافتحيها - افتح ايه بس .. اقولك ؟ متبقاش رومانسي خلاص أنا آسفة = اسمعي الكلام بس .. والله هفاجئك - اما نشوف = ابقي البسي جوانتي او حاجة عشان ايدك متتوسخش .. معملتش حساب ان حد يدوس عليها خالص - والله هلاقيها ورقة جواز عرفي .. انا عارفاك = عيب عليكي .. نزلتي ؟- آه .. بفتحها أهو = شايفة ايه ؟- خريطة ؟ = أيوة - انت بتحب مدرسة جغرافيا يا ابني ؟ = افهميها بس .. اقرأي الاتجاهات وخليكي معايا - امشي 500 متر وآخد أول يمين ؟= بالظبط - انت جاي تخسسني ؟= استحملي معلش - خدت أول يمين .. = كملي الخريطة بقي - خد بالك أنا زهقت = والله الفرحة جاية - هلاقي صندوق مقفول علي باب الجامع علي ايدي اليمين = انا قولت الجامع أمان يعني ومحدش هيبقي داخل يصلي ويسرق الصندوق - لا ذكي ما شاء الله .. لقيت الصندوق = هتاخدي أول شارع علي شمالك بقي - تصدق بالله انا كرهت حياتي = يعني زهقتي من أول شارعين .. اومال انا بقي اللي فضلت أجهز للمفاجأه دي شهرين - خدت أول شارع يا عم = هتلاقي جواهرجي علي الناصية - لا كده هبدأ أفرح = خشيله - دخلت أكيد = قوليله برشا برشا يا مدلل برشا برشا - أفندم ؟= دي كلمة السر - برشا برشا يا مدلل برشا برشا = قالك ايه ؟- بيقولي قلبك علي قلبي إتدلل برشا برشا = أيوة يبقي هو أستاذ صابر الرباعي صح كده - نعم ؟ = هاهاها بهزر .. إدالك علبة حمرا فاضية ومفتاح صح ؟ - أيوة = المفتاح ده بتاع الصندوق افتحيه - فتحته = لقيتي شنطة هدايا لونها أحمر ؟- انجز = سيبي الصندوق عنده بقي عشان بتاعه - يجدع بقي = معلش هانت .. حطي العلبة الحمرا في الشنطة الحمرا- حمرا = اخرجي بقي عشان نكمل - يا ابني فين الخاتم ولا السلسله ولا فحوي العلبة دي أرجوك = كلما زاد الاشتياق زادت الفرحة .. أول عمارة يمين - اه = في بواب غلبان كده قاعد صح - ايوة = قوليله برشا برشا يا مدلل برشا برشا - يا دين أمي = هانت والله - إدالي مفتاح = أهم حاجة غني معاكي ؟- اتزفت = الباب اللي في الارضي رقم 1 .. افتحيه بالمفتاح اللي معاكي - فتحته = أنا أهووو.. اقفلي الباب وراكي بقي وتعالي..! - .....