من مصر ... عادى بالصواريخ قبل المغرب بدقايق وصلاة التراويح والمسحراتى اللى بيبقى ماشى والعيال كلها بتجرى وراه والسحور واهم حاجة الزينة اللى ف الشارع وفروع النور اللى الناس بتعلقة ف البلاكونات واعلانات بيبسيى وموبينيل و كوكاكولا واتصالات اللى كل اعلاناتها قائمة ع السخرية من الشركات التانية و الكنافة والقطايف والعوزومات واهم حاجة حلة المحشى اول يوم رمضان و طبق الحلويات اللى بيبقى متشحطت بين الجيران طالع نازل ^^ والبياع اللى بيديك السعر من الاخر ويقولك عشان انا صايم والله ده سعروه اد كده و سواقين المكيروباصات اللى مبيشتموش عشان بس هما ف رمضان ...زى اى بلد عربية مسلمة عادى^^
فى اوروبا بيستخدموا الفوطه مرة وبعد كدا بيرموها انا بقى فى مصر الفوطه بتعيش مش اقل من 15 سنه وبعد ماتتبهدل وتتقطع نوديها المطبخ وتبدأ قصه العذاب والكفاح :<