بحب الناس كلهم وبتمنلهم الخير فعلا
لكن ساعات بحس ف قلبي سواد لما حد يفوز مثلا وانا لا ،، ولما حد يبقه أفضل وانا لا
ونفسي أتخلص من الاحساس ده ،،مش عايز أكون كده
مش عارف كويس انك عايز تعالج نفسك بس حاول دائما احمد الله على كل شئ ...لازم ترضى عن لي ربنا بيدهولك متبقاش ساحط ..."اأَمْ يَحْسُدُونَ النَّاسَ عَلَىٰ مَا آتَاهُمُ اللَّهُ مِن فَضْلِهِ"
اقرا كتاب امراض القلوب وشفائها للامام بن تيمية وربنا يهديك
لو هيا لسه فى فترة الغيرة الحسنة وده طبيعى لاننا بشر عاوز اوصل لنجاح زى ما فلان وصل فعادى الموضوع مش مقلق حب الناس واتمنالهم الخير وافرحلهم بس لو الغيرة دى بتخليك تشتغل عل نفسك اكتر يبقى حلو لكن ميوصلش بيك الحال انك تتمنى زوال النعمة من صاحبنا ده لانه اكيد يستحقها
حط قدامك ان ربنا عادل عادل اووى ورحيم برده ومبيدي حاجة لحد الا لما يكون يستحقها فبص فى المراية وقول لنفسك أنا مين عشان اعترض عل قضاؤه ..:")) اتمنى يكون اللى عاوزه اقوله وصلك...
الانسان في الأغلب ييحب يقرب من الكمال و بيحب يشوف دايما نفسه احسن حد و هو نمبر ون .. هتقدر تتخلص من ده لما تعرف انهمش لازم دايما انت تكون مثالي او دايما تكون وينر وانه انت مش مجبر اساسا تكون الافضل ..
و مش بتبرع في كل الجوانب و ايه حجم المكسب اللي هتنوله سواء ماديا او معنويا لو كنت دايما البيست و هل ده هيزود يوم على عمرك .. او انه الحياة هتقف على هزيمتك او انه الكوكب هيقف دقيقة يحييك على المكسب ..
لو فكرت انه انت اساسا اقل اهميةمن كدا و انه زي ما هيفرحك فكرة انه انت الأول اكيييد هتفرق مع حد غيرك تاني و انه ممكن يكون يستحقها اكتر ..
و الحياة اوضع من اننا نحط نفسنا في منافسة و بس كدا ..
اهم من كل ده انه ترضى بكل اللي معاك 😀💪
ممكن تقربي من ربنا و تعرفي ان الي ربنا كتبهولك هيكون و ربنا كاتب لكل حد كل حاجه فتريحي بالك
بص ده احساس طبيعي بس المشكلة ف المقياس نفسه يعني لو بتحس انك زعلت عشان مكسبتش ده عادي
اما لو لدرجة الغل والحقد ف ده بيتغير بالتعود وانت داخل مسابقة او امتحان اي حاجة فيها تنافس خلي جواك يقين ان النتيجة كلها خير
والنتيجة لو موش ف صالحك ده موش معناه انك فاشل بالعكس اتعلم منه شوف كان عندك قصور ف ايه وهو قدر يتغلب عليها ازاي
خلي ديما الإحساس النابع من جواك هو نفسه اللي تتمني الناس يحسه بيه ناحيتك
حب النفس طبيعه بشريه. ✋
ولكن حب الخير للناس دي اخلاق الصالحين. حقا فكن بصفاتهم مُتَخَلِقَ. ✌
عاوزه مجاهده وتدريب وتتغلب ع كلى الصفات الوحشه وتزرع مكانها خير. وصفات حلوه عشان مش ترجع تاني تلاقي قلبك خالي فتستوطن فيها وتصبح عبد لتفكيرك الشريح والشيطان ✋
حب لاخيك كما تحب لنفسك يعود عليك الخير انت كمان .
اخيرا... الرضا ✋✋✋
ترضي بما قسمه الله للك تكن اغني الناس
والشكر..
وان شكرتم لازيدنكم ???
وربنا يصلحنا جمعيا ان شاء الله ^^^
ممكن مثلا تفضل تقول ماشاء الله وتدعى للشخص اللى انت حسه انه افضل منك ده عشان لما تبدأ تدعيله جواك هتبتدى تحس انك بتتمناله الخير وافضل ادعى حتى لو الشيطان هيألك ان الدعاء مش من قلبك او انك حاقد عليه ..
وافتكر ديما انك ممكن يكون عندك حاجه الشخص ده بيتمناها .. لان محدش بياخد ولا بيمتلك كل حاجه .. وجرب تبص لناس اقل هتلاقى نفسك بترضى عن نفسك وعن مكانتك .. واتصدق كتير .. وحط قدامك ان الدنيا دى ولا حاجه وانها فانيه ..
وربنا يصلح حالك ^^
--
و يؤثرون علي انفسهم ولو كان بهم خصاصة
دي طبيعه البشر 👌
بصي ي قلبوبتي ده مش حقد ولا غل ولا كده دي اسمها غيره بتغيري لما حد يبقي احسن منك ف حاجه ودي حاجه كويسه مش حاجه وحشه انك بتكوني عاوزهوانك تكوني احسن من الدنيا كلها وكده يعني ربنا يباركلك يارب وتكوني ديما احسن الناس ❤?
