هسا انا بحكي مع شب تمام مُصر انو نلتقي بمكان مخفي بحجة انو خايف ع سمعتي وانا الصراحة مش مطمنة وخايفه لانو ما عمري عملت هيك اشي انا بحكيلو نقعد بكافيه نشرب اشي وكل واحد يروح ع بيتو هوي بحكي لا ما بقبلها عليك حد يشوفك شو العمل؟
ههههههه لا تطلعي معو بس كيف بخاف عليكي وبدو ياخذك ع مكان مخفي بحجه الناس طيب وحجه الشيطان !!؟ اعتقد فهمتي والله يقويكي ويبعد ولاد الحرام عنك
الشب مسموح يحكي مع سعاد وسميرة ويتزوج نوال
أما البنت ازا حكت مع أحمد وسهرت مع محمد وطلعت مع خالد بيحكوا عنها جمعية
ليش انتو مسموح ونحنا لاء ؟
مش هيك القصه اصلا الخيانه خيانه سواء من الشب او من البنت صح الشباب بغلطو بشكل كبير يعني.وفي بنات طبعهم هيك بس اذا البنت بدها تصير تعمل هيك عشان تجاكر شخص ما بنصحها بمجتمعنا التركيز ع البنت اكثر من الشب
كيف اتخطى موضوع اني رح يصير عمري 25سنة ولسا ما تزوجت حاسة كل الي بجيلي تزوجو الا انا طيب ليش شو السبب وأنا حلوة ودارسة مو ناقصني اشي متدايقة كتير والموضوع شاغل بالي احكولي ساعدوني الله يجبر خاطر كل حدا رح يفهمني ويحكيلي ليش وشكرا
لساتك صبيه الي يسمعك بقول عمرك ٤٠سنه والله ببعثلك ابن الحلال الي يصونك ويحترمك وكلشي نصيب من عند الله
ليش البنت المحترمة سوقها واقف وما بتتزوج إلا بطلوع الروح والبنت الجمعيات بتلاقي ألف شب يتمناها شو هالحظ خلص قررت أصير بنت صايعة بركي تزبط معي