ماذا لو كبرت لقيت نفسك مش إنتا الشخص الل كنت بتحلم توصله من سنين كتير فاتت؟طب ماذا لو عِلِينا بسقف التساؤلات شوية... ماذا لو اكتشفت إن عمرك ما حلمت تكون حد ما....؟!! أو للدقة لو اكتشفت إنك مش فاكر أصلاً إنتا من سنين كتير فاتت كنت بتحلم بإيه بالظبط.. نفسك ف إيه.. أو حتى..كنت مين...لما بتتسئل عن فيلمك المفضل بتجاوب بـ: كل الل شفته جميل... لإنك ف الحقيقة ملكش فيلم مفضل... إنتا الفيلم الل بتشوفه تاني يوم بتنسى تفاصيله لحد ما يعدي أسبوع بيبقى ملوش وجود ف ذاكرتك أصلاً فهيبقى مفضل إزاي؟لما بتتسئل عن أكتر حدث مضحك عدى ف حياتك مبتقدرش تجاوب لإن نهاية الحدث زمنياً هيا نهاية وجوده بالنسبالك.. مبتحتفظش بالل الناس بيسموه - ذكرى- للحدث ده... الأحداث بالنسبالك زي خشبات جسر متعلق بحبال.. أول ما بتعدي فوق واحدة تقع ف المية، لحد ماتبقى واقف ف نص الجسر..مفيش وراك ولا خشبة... فمستحيل تعرف ترجع..الماضي بالنسبالك كإنه واقع من خط الزمن- مجازاً "خط" الزمن- وانتا مجرد كائن بيطفو على النقطة الل انتا واقف فيها دي... مش مشدود لأي حاجة بأي حاجة... و loosely attached للكون بحاله
مفيش انسان مننا مبيجبش .. يعني مثلا انتا اكيد شخص (( حابب)) تعرف انا بحب ولا لأ و مثلا انا بحب العب اونلاين جيمز .. نيجي للنقطة اللي انتا عايزها مني واللي انا زهقت من السؤال فيها اللي هي عن النسوان طبعا .. احب اقولك حاجة برضو مفيش واحد مبيحبش .. سواء كان الحب دا كامل او ناقض يعني في اللي بيحب و مش طايل يا عين امه و في اللي بيحب و مش عايز !! اه متستغبش .. مش عايز- في اللي بيحب و مكمل و مبسوط ودا غالبا هيوقع على رقبته و هيطلع ميتين أهله . في بقا النوعية اللي نفسها تحب و بتقنع نفسها فعلا انها بتحب مع اي نتاية ... دا بعيد عنك مرض وانا شخصيا اعرف ناس كدا .. هقولك بقا كام كلمة اوفر شوية بس الموقف حكم .. حب اه و عيش وانبسط .. بس متجيش على نفسك .. لما تحب حاول تطلع كل طاقتك ف الحب دا متستسهلش . لو انجرحت بقا و شغلت رامي صبري والكلام دا هتقلب معاك ببضان و غالبا فترة و هتعدي .. انا قولت غالبا .. و غالبا برضو هتلاقي ان انتا كنت اهبل و ماشي ورا شهوة لا اكثر ولا اقل ..انما الحب اللي بجد دا صعب فشخ يتكرر .. انا اسف تاني على الجمل الرخيصة اللي كتبتها في الاخر :D