انا واحده ف ثانوي عام
مبقاش عندي وقت اذاكر الا مادتين تلاته بالكتير ف اليوم طبعا مش لسه بذاكر براجع وبحل وف حاجات كانت واقعه مني ف بأكد عليها خلاص فاضل شهر ونص
اكمل الشهر ده دروس واقعد ف 5 ومتأكده ان هعقد اكتر اكيييد وهحل اكتر وهخلص موادي مره واتنين ،عايزه رأيكوا كده صح ولا اخليني ف الدروس ولا
كملي في الدروس وتابعي المراجعات معاهم وحلي علي اللي بتذاكريه .. كملي ربنا معاكي💪🏻
الغي الدروس حالا
و اقعدي امسكي اي درس انتي ضعيفة فيه كأنك بتذاكريه لأول مرة و حلي التمارين بتعته في كتاب المدرسة او دليل التقويم لو موجود
و بعد كدة تبدأي تحلي كمية كبيرة من الامتحانات عشان تبقي سريعة في الحل و المعلومات تبقي حاضرة في دماغك
ولو ربنا وفقك و جبتي مجموع متدخليش فنون 😂👍
Ya bnte fokk wlahee kolo m7sl b3do w kd2 kd2 hing7oko
لا انتي كدا صح استمري وسيبك من الدروس والمدرسين ف الفتره الاخيره مدام واثقه انك تقدري تلمي وتراجعي وتقفلي كل موادك قبل الامتحان لوحدك من غير تضيع وقت المدرسين والسناتر يبقا اقعدي وخلصي موادك واعملي جدول ونظام يومي امشي عليه وحاولي متخليش بيه علي قد ماتقدري وركزي علي التدريب والحل اكتر من القرايه حلي كتيير المواد العلميه والمواد النظري اكتبي وانتي بتحفظي عشان تثبت واتكلمي بصوت عشان حواسك كلها تسمع المعلومه .. وربنا معاكي ويوفقك للي تتمنيه واللي يكون فيه خير ليكي حتي لو مش اللي بتتمنيه 🌼❤❤.. ونصيحة خلي بالك من شهر5 وشهر 6 اللي هو شهر الامتحانات الشهر ده اي توتر صغير هيضيع منك مجهود السنه كلها وحلمك عن تجربه صدقيني✋
واي امتحان تحسي انك محلتيش فيه كويس ماتيئاسيش ان كدا خلاص مش هجيب مجموع ومش هدخل الكليه اللي عايزاها عشان ده هيخليكي متعافريش ف بقيت الامتحانات ومجهودك هيضيع .. في امل لحد احر دقيقه ف اخر لجنه امتحان ف السنه متئاسيش مهما حصل وعافري لو فيكي تعب الدنيا عشان متندميش بعد كدا وتقولي كنت اقدر بس معرفتش💔
ربنا معاكي ان شاء الله 💪😍View more
رأيي متوقفيش دروس اكيد المدرسين هيراجعوا راجعي معاهم اللي يقولوا عليه ولو شايفه أن ف حاجه واقعه منك ابقي راجعيها لوحدك و اكيد المدرسين هيحلوا برضوا ف يفضل انك تكملي ف الدروس و متقعديش احسن
خليكي لاخر ف الدرووس ع المراجعاات الي ف الاخر مهمه هي الي بتلم المنهج وبتقولك النقط المهم الي بيتركز عليها علطول
لا روح الدروس الفتره دي اهم حاجه ي جماعه والله.. ف حاجات هتسمعها اول مره ف كل المواد الايام دي.
مش عارف
كده كده معظم الدروس بيبطلو قبل الامتحانات بفتره... وبعدين بيكون عندهم خبره وكده ممكن يقولو كلام انتي مكنتيش واخده بالك منه وبيحلو أسئلة مثلا يجيبوها ممكن تلاقيها بس بعد ما تزاكري فتره كبيره... انا راي تكملي عادي دروس وتوفقي بين الاتنين
اقعدي بس اهم حاجه تحلي امتاحانات كتير وتراجعي الحاجه اللي نسيتيها او مذاكرتيهاش ربنا معاكي وبالتوفيق ان شاء الله
