مساء الخير
انا متأكده ان ربنا بيحبني ودايما بيبعتلي اشارات بس ربنا يهديني واقرب منه زيادة ويديم عليا ستره يارب
هو ممكن بالرغم من تقصيري ومعصيتي يرزقني بزوج صالح زي ما بيتمناه قلبي ؟! ولا تقصيري هايكون سبب انه ميبعتليش اللي بدعيه بيه
المسألة ملهاش علاقة بالتقصير
الزوج الصالح رزق من الله يهبه من يشاء
زوجة نوح كانت كافرة لا تؤمن به
زوجة لوط كافرة سيئة الاخلاق لم تؤمن
احنا بناخد بأسباب الرزق و ندعو الله بأن يرزقنا زوج صالح و من الاسباب الناخد بيها اننا نصلح نفسنا حتى لا نكون مصدر قلق وابتلاء لشخص صالح
ربنا يرزقك بالزوج الصالح حبيبتي احسني الظن بالله وادعي كتير وان شاء الله ربنا هيحقق لك اللي بتتمنيه ربنا رحيم جدا بيعاملنا بكرمه مش بذنوبنا💙
استغفري وجاهدي انك تبعدي عن الذنوب
لا طبعا..
معاملتنا لربنا وغلطنا واستغفرنا وتوبتنا دي حاجة..
ومعاملة ربنا لينا حاجة تانية خالص.. ربنا بيعاملنا برحمتة
قولي يا رب بس وصلي الدنيا كلها هتسخرلك.. 🙂
لا طبعا هيبعتهولك بس لو دا فيه خير ليكي او يعوضك بالاحسن بكتير
احنا علينا ندعي وبس والباقي كله بتاع ربنا مش بتاعنا
وعلي نواياكم ترزقون..
١- جاهدي وحاولي مليون مره وقربي اكتر م ربنا
٢- ومتسبيش الدعوه دي خالص م لسانك ع اي حال
٣- واتحلي بحس ظن ويقين ونتي بتدعي كانها جيالك بعد متقولي يارب
٤- وملكيش دعوه بوسواس نفسك، ولا حتي المجتمع والدايره الل انتي فيها شايفينك او بيتمنولك او بيقولوا ايه
(مع دعائك بالزوج الصالح اجمعي يجعلك زوجه صالحه ليه)
( دعائك اللهم ارزقني حبك، وحب من يحبك وكل عمل يقربني من حبك)
(دعائك اللهم اعني علي ذكرك وشكرك وحسن عبادتك)
❤🙏
لا ممكن
كلنا عندنا ذنوب وكلنا عندنا اوجه قصور كتيرة لي علاقتنا مع ربنا ورحمة ربنا واسعة وكبيرة أوي أكبر بكتير من خيالك خلي عندك ثقة كاملة في ربنا انه هيرزقك وهيحقق لك مراد قلبك حتى لو انتي عارفة انك لا تستحقين بس ربنا أهل للكرم والفضل فهو الواهب بيهب لعباده من فضله ورحمته المطلوب منك بس الدعاء المستمر لله عز وجل ادعي كتير اوي الدعاء ده قوة . قوة الدعاء أكبر من خيالك قوة بيدفع بيها ربك الشر عنك وبيهديكي بيها وبييسر لك أمرك
لا تكفي عن الدعاء فالله يعطي بلا انتهاء