عاوز نصيحه ارجوكم
وانا ف اولي هندسه شلت في التيرم التاني 3 مواد بسبب اني كنت بشتغل في بيتنا الجديد ...معرفتش حد من اهلي ...سنه تانيه عديتها صافي الحمدلله...السنادي بقا كانت المشكله عديت التيرم الاول صافي التيرم التاني بقا طلعت ب 3مواد...نفسيتي تعبانه جدا وحاسس بضغط رهيب انصحوني
قول الحمد لله وإفهم إن حملك دايما على قد شيلة كتفك لأن (لا يكلف الله نفسًا إلا وسعها) تمام✋ خد وقوعك دا حافز ودور ف نقاط ضعفك وقويها اوعى تحس إنك فاشل🤓 إنت مهندس🤓 إنت بس مكنتش مظبط كويس وحتشد حيلك وتظبط أحسن إن شاء الله👏👏 قدامك فرصه تعوض انتهزها وكمل وحافظ على رزقك اللي ربنا قسمهولك بإيدك وسنانك معاك 3 معاك 20 مش فارقه دي مسئوليتك وانت اللي إن شاء الله حتسد فيها متسمعش للمحبطين🤓 لا حد بيصرف عليك ولا حد بيديك من عمره ولا حد عاش معاك ظروفك🤓 المهم إنت تفهم نفسك وتشد حيلك وتعوض اللي فاتك إن شاء الله🤓 وإن كان من رأيي إن أهلك يعرفوا أصلها حاجه مسيرها حتتعرف حتتعرف ورغم إنهم حيزعلوا بس ع الأقل رعب انهم يعرفوا دا يبقى راح من على قلبك إبدأ من دلوقت حالا حط خطة قدامك قول محتاج أنجز ف كذا وكذا وأظبط كذا ودا حعمل فيه كذا وشد حيلك🤓 افرم🤓 شويه من الفرم حيبقوا غلط وف الهوا مش مشكله كمل فرم برده🤓 واستغل الأجازة ودوس لحد ما إن شاء الله تتظبط معاك ودور هنا وهناك وطور ف نفسك لنفسك إنت ولشخصيتك قبل ما يكون لدراسة🤓 وإوعى تقارن نفسك بحد لا قارن نفسك بنفسك يعني أنا دلوقت كذا وقبل كده كنت كذا طب أنا كده بطلع لقدام ولا برجع لورا🤔 كده يعني🤓حتكمل إن شاء الله والله وكل حاجه حتبقى تمام بإذن الله أهم حاجه تحافظ على نفسيتك جدا وتتوكل على الله كده وتحافظ ع الصبر وتحمد ربنا دايما وربنا ييسر حالك يا رب ويعوضك خير وعقبال التخرج إن شاء الله💪
اعرف ناس فضلت تشيل فى مواد لحد مابقت بتمتحن مواد 5 سنين .. ومع ذلك نجحوا واتخرجوا مع دفعتهم ، الظروف الوحشة ماهى الا حاجات علشان تبني شخصيتك وتقويك .. مفروض تستخدمها علشان تبقي احسن مش تعطلك ابدا !