انا عندى مشكلة مع الرياء او بحس انى بعمل حاجات خير وبحب اساعد ف الخير لكن بحس انى بدخل نفسى ف موضوع الرياء والاقى نفسى بتقولى انك بتعمل كدا مش لله دا عشان كذا وكذا بس والله بيبقى نيتى لله لكن بحس بوسواس كدا
هذا مدخل الشيطان يا صديقى الشيطان بيكون حريص كل الحرص على ابعادك عن الله وعن كل الاعمال التى ترضى الله ومنها ان يدلك على ترك اعمال الخير مخافة الوقوع فى الرياء فما عليك يا صديقى ان تحرص على اعمال الخير وتجاهد النفس فى الاخلاص لله جدد نيتك قبل كل عمل ان تكون خالصة لله ادعوا الله وتضرع اليه ان يرزقك الاخلاص وان يبعد عنك الرياء فوالله ان لم يدفعه الله عنا ويعيننا على تركه لنقع فيه جميعا لكن تركك للعمل الخير يعنى الاستسلام للشيطان ولما اراد فكن ذا عزيمة وتغلب على نفسك وعلى وساس الشيطان رزقك الله يا صديقى الاخلاص له وحده وابعد عنك الرياء واعانك على كل عمل صالح اللهم امين ?
بص هو لو فارق معك اوى تعالى خاص واقولك الى انت عايزه
تقدر تقول الحاجه اللي اتمنعت عنك وكانت نعمة
مش حابب اقول
وكان فضل الله عليك عظيما..... اذكر نعمة من نعم ربنا عليك واحمده عليها
حقيقى احنا فى فيض من نعم ربنا وعطاءه والى يمكن صعب جدا على انى احدد واحدة منهم وافضلها على التانية كل مرة بفكر فيها فى اثر نعمة بعينها على بشكر ربنا الاف المرات على فضله وعظيم نعمه لكن اكتر مرة حسيت فيها بعظيم فضل الله فعلا لما قعدت افكر فى نعمة "المنع" ممكن تكون مستغرب وانت بتقرا انى اقول على المنع نعمه لكن هذة الحقيقة وربى فوالله منعه عطاء فكل مرة ربنا منع عنى حاجة وكنت اقعد احسبها بعد كده كنت بعرف فعلا ان عطاء ربنا بالمنع كان عظيم جدا ومنع عنى مشاكل كتير جدا فما نملك هو حمد الله فى المنع والعطاء فاللهم لك الحمد كما ينبغى لك يارب ❤
اه يعني مفيش حد محدد ?امال ليه تخطب وانت بتدرس طالما مش حد معين خليها بعد التخرج وعموما الله يسعدك بكل الاحوال
عندك حق بس عايز اقولك ان فى ظل الظروف دى الكل هيصبر وهيصبر كتير كمان ? انت بتروح تتقدم ابو البنت بيطلب منك ما بين 100ل 200 جرام محدش بيقل عن ال 100 يعنى 100 الف بس دهب ده غير وغير وغير وحاجات تانية كتير تقريبا تكاليف الفرح كله اقل واجب بتدخل فة نص مليون يعنى من الاخر هنصبر غصب عننا مش بمزاجنا كمان ??
تمام ما هو ده اللي بتكلم عنه ??ولا فيه فايده لحد ولا حاجه مش عايز اقول انه شقط عشان ميصحش
وبعدين انت باين اشتغلت عمل تطوعي شوفت فيه ناس ملتزمه علي الضوابط بقا علي كده
اه شفت وشفت كتير وزي مغ قولتلك فى اول اجابة شوفت البنت منهم بميه راجل لما بنت منهم تكون سبب فى عمل مشاريع ل 70 اسرة تعدى بيهم فوق خط الصفر تبقى بمية راجل لما بنت تكون مسؤولة عن عمل قوافل بتكشف على اكتر من 1000 مريض فى السنة تبقى بمية راجل لما بنت تشارك فى توعية اهالينا من اهل الريف وغيرهم بما قد يهدد حياتهم تبقى بمية راجل لما بنت منهم تكون سبب فى توفير عدد كبير جدا من اجهزة تنفس خلال فترة الازمة الحالية تبقى بميه راجل مش جايين يشقطوا زى ما انت بتقول وبعدين لو جايين يشقطوا ففيه حاجات كتير اسهل من كده والشباب بيعجبوا بيها اوى ممكن يشقطوا من خلالها بدل التعب والمجهود الى بيعملوه النظرة السيئة لكل شى هى سبب تخلفنا ودمارنا مش هقول ان 100% منهم ملتزم بالضوابط لكن بفضل الله بنشوف ناس كتير ملتزمة بالضوابط انا للاسف معرفش مين بيتكلم لكن حابب اسالك سؤال انت عملت ايه وايه دورك قبل ما ترمى الناس بالباطل ؟؟!!!
بس الاغلبيه مبيلتزموش وحاجه تقرف ده رأيي كلمت رغم اني مجربتش العمل التطوعي بس اسمع كده
هو مينفعش نطلق الحكم غير لما نكون عشناه ومتاكدين منه فمينفعش نقول الاغلبية خالص هو فى الحقيقة فيه كده وكده فيه الى بيلتزم والى مش بيلتزم اطلاقا لكن لما ناجى نبص لفايدة العمل التطوعى هنلاقيها عظيمة جدا فليه منشجعش الناس على العمل التطوعى ونحاول نخليهم على قدر الامكان يلتزموا بضوابط العمل من وجه نظرى اعتقد ان ده الافضل